[X] Close
JUST IN
  • BREAKING-NEWS சுகாதாரத்துறையில் சிறந்த மாநிலங்களுக்கான பட்டியலில், கடந்தாண்டு 3வது இடத்திலிருந்த தமிழகம் இந்த ஆண்டு 9வது இடத்திற்கு பின்தங்கியது
  • BREAKING-NEWS குடிநீருக்காக கடல் நீரை குடிநீராக்கும் திட்டத்தை திமுக அரசு கொண்டு வந்தது; அத்திட்டங்களை அதிமுக அரசு செயல்படுத்தியிருந்தால் தமிழகம் தண்ணீர் பற்றாக்குறையை சந்தித்திருக்காது - மக்களவையில் தயாநிதி மாறன் எம்.பி. பேச்சு
  • BREAKING-NEWS ஜூலை மாதத்துக்கான 31.24 டிஎம்சி நீரை கர்நாடகா திறந்து விட உத்தரவிட வேண்டும் .கர்நாடக அரசு தண்ணீர் வழங்காததாலும் நீர் இருப்பு குறைவாக உள்ளதாலும் ஜூன் 12ல் மேட்டூர் அணையை திறக்க இயலவில்லை - டெல்லியில் நடைபெறும் காவிரி மேலாண்மை ஆணைய கூட்டத்தில் தமிழக அரசு வலியுறுத்தல்
  • BREAKING-NEWS இந்திய கடலோர காவல்படை இயக்குநராக தமிழகத்தை சேர்ந்த கே.நடராஜன் நியமனம்

கஜா புயல் பாதித்த திருவாரூரில் ஹைட்ரோ கார்பன் திட்டம்?

hydrocarbon-scheme-in-gaja-affected-thiruvarur-region

தமிழகத்தில் ஹைட்ரோ கார்பன் எடுப்பதற்கான மற்றொரு ஏல அறிவிப்பை மத்திய பெட்ரோலியத்துறை வெளியிட்டுள்ளது. இம்முறை கஜாப் புயலால் பாதிக்கப்பட்டுள்ள இடங்கள் ஏலம் விடப்பட உள்ளதாக தெரிகிறது.

விளை நிலங்களில் ஹைட்ரோ கார்பன் எடுத்தால் தங்கள் வாழ்வாதாரம் பாதிக்கப்படும் என்று கூறி தமிழக விவசாயிகள் எதிர்ப்பு தெரிவித்து வருகின்றனர். அதற்கு மத்தியில் கடந்தாண்டு அக்டோபர் மாதம் ஹைட்ரோ கார்பன் உள்ளிட்ட எரிவாயு எடுக்க மத்திய அரசின் ஹைட்ரோ கார்பன் இயக்குநரகம் ஏலம் விட்டிருந்தது. அப்போது ஓஏஎல்பி- பிரிவில் நாடு முழுவதும் 55 இடங்களுக்கு ஏலம் விடப்பட்டது.

       

அதில் தமிழகத்திலுள்ள 3 இடங்களும் அடங்கும். அவற்றில் இரு இடங்களை வேதாந்தா நிறுவனம் ஏலத்தில் எடுத்தது. தமிழகத்தில் எதிர்ப்பு அதிகமாக கிளம்பியபோது, இங்கு கடல் பகுதியே ஏலம் விடப்பட்டதால் பாதிப்பு இருக்காது என்று பெட்ரோலியத்துறை அமைச்சர் தர்மேந்திரபிரதான் கூறியிருந்தார்.

அந்த விவகாரம் ஓரளவு ஓய்ந்திருந்த நிலையில் தற்போது ஓஏஎல்பி பிரிவில் இரண்டாம் சுற்று ஏலத்தை ஹைட்ரோ கார்பன் இயக்குநரகம் அறிவித்துள்ளது. மார்ச் 12ம் தேதி வரை அதற்காக விண்ணப்பிக்கலாம் என்று தெரிவிக்கப்பட்டுள்ளது. ஆந்திரா, குஜராத், ஒடிசா உள்ளிட்ட மாநிலங்களில் 14 இடங்களில் ஹைட்ரோ கார்பன் எடுக்க ஏலம் அறிவிக்கப்பட்டுள்ளது.

         

அதில் தமிழகத்திலும் ஒரு பகுதி அடங்கும். கஜாப் புயலால் பாதிக்கப்பட்டுள்ள திருவாரூர் மாவட்டம் திருக்காரவாக்கல் முதல் நாகை மாவட்டம் காரியப்பட்டினம் வரை சுமார் 244 சதுர கிமீ அளவில் ஹைட்ரோ கார்பன் எடுக்க அனுமதிக்கப்பட்டிருப்பதாகக் கூறப்படுகிறது. மத்திய அரசின் இந்த அறிவிப்பு புயலால் வாழ்வாதாரத்தை இழந்து தவிக்கும் விவசாயிகளுக்கு வேதனையை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close