[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

தேர்தலை அறிவிக்கும் முன்பு தேர்தல் ஆணையம் கவனிக்க வேண்டியவை என்ன?

what-should-election-commission-consider-before-announcing-election-date

ஒரு தொகுதிக்கான தேர்தல் தேதியை அறிவிக்கும் முன்பு என்னென்ன காரணிகளையெல்லாம் தேர்தல் ஆணையம் கருத்தில் கொள்ள வேண்டும்...?

ஒரு தொகுதிக்கான இடைத்தேர்தல் என்பது 6 மாதங்களுக்குள் நடத்தப்பட வேண்டும். தேர்தலை அறிவிக்கும் முன்பு, அந்த நேரத்தில் பொதுத் தேர்வுகள் அட்டவணைப்படுத்தப்பட்டுள்ளனவா? இயற்கை பேரிடர்களுக்கான எச்சரிக்கைகள் விடுக்கப்பட்டுள்ளதா? இயற்கை பேரிடர்களுக்கான நிவாரணப் பணிகள் நடைபெற்று வருகின்றனவா? என்பதையெல்லாம் கவனிக்க வேண்டியது அவசியம் என்கின்றனர் முன்னாள் தேர்தல் ஆணையர்கள். கலவரங்கள் போன்ற அசாதாரண சூழல் உள்ளதா என்பதையும் கருத்தில் கொண்டே தேர்தல் தேதி முடிவு செய்யப்பட வேண்டும்.

இவை குறித்த மாநில அரசின் அறிக்கையை பெற்ற பிறகுதான் தேர்தல் குறித்த முடிவை இந்திய தேர்தல் ஆணையம் அறிவிக்க வேண்டும். அதேபோல், பண்டிகைக் காலத்தையும் கருத்தில் கொள்ள வேண்டியது அவசியமாகும்.

திருவாரூர் இடைத்தேர்தலைப் பொறுத்தவரை உச்சநீதிமன்ற வழக்கொன்றில் 6 மாதங்களுக்குள் தேர்தலை நடத்துவதாக தேர்தல் ஆணையம் தெரிவித்திருந்தது. அதன் அடிப்படையில், தேர்தல் தேதியை தேர்தல் ஆணையம் முடிவு செய்திருக்கலாம் எனக் கூறப்படுகிறது. தேர்தல் தேதி அறிவித்த பின்பு, இது போன்ற சிறப்புக் காரணங்களும், அது சார்ந்த கோரிக்கைகள் எழும்போது அதனை ரத்து செய்வதற்கான முழு அதிகாரம் இந்தியத் தேர்தல் ஆணையத்திற்கு உண்டு எனக் கூறப்படுகிறது.

முன்னதாக கஜா புயல் நிவாரணப் பணிகள் முழுமை பெறாததை கருத்தில் கொண்டே திருவாரூர் இடைத்தேர்தல் ரத்து செய்யப்பட்டுள்ளதாக தேர்தல் ஆணையம் விளக்கமளித்துள்ளது. திருவாரூர் தொகுதி இடைத்தேர்தல் ரத்து செய்யப்பட்டது தொடர்பாக அறிக்கை வெளியிட்ட தலைமைத் தேர்தல் ஆணையம், கடந்த டிசம்பர் மாதம் 3-ஆம் தேதி தமிழக தலைமை செயலாளர் எழுதியக் கடிதத்தில் உள்ள காரணங்களை சுட்டிக்காட்டி உள்ளது.

அதில், கஜா புயலால் பாதிக்கப்பட்டுள்ள திருவாரூர் மாவட்டம், இயல்புநிலைக்கு திரும்ப 3 மாதங்கள் ஆகும் என்பதால் ஏப்ரல் மாதம் வரை தேர்தல் நடத்த வேண்டாம் என்றும், அதே போல எம்எல்ஏக்கள் தகுதி நீக்கத்தால் காலியான 18 தொகுதிகளுக்கும் தேர்தல் நடத்த வேண்டாம் என தலைமை செயலாளர் கேட்டு கொண்டது சுட்டிக்காட்டப்பட்டிருந்தது.

Advertisement:
இது தொடர்பான செய்திகள் :
Advertisement:
Advertisement:
[X] Close