[X] Close
JUST IN
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது

டென்மார்க் டூ கோவை: பெற்றோரை மூன்று ஆண்டுகளாக தேடும் மகன்!

son-looking-for-parents-for-three-years-in-covai

குடும்ப வறுமை காரணமாக தனது இரண்டரை வயதில் டென்மார்‌க்கில் உள்ள தம்பதிக்கு தத்துக்கொடுக்கப்பட்ட தமிழர் ஒருவர் தனது பெற்றோரை தேடி கோவைக்கு வந்துள்ளார். 

கோவையை பூர்வீகமாக கொண்டவர் கேஸ்பர் ஆண்டர்சன். 1975ஆம் ஆண்டு, இரண்டரை வயது குழந்தையாக இருந்த போது, குடும்ப வறுமை காரணமாக இவரது பெற்றோர் குழந்தைகள் இல்லத்தில் இவரை விட்டு சென்றனர். கோவை மாவட்ட நீதிமன்றத்தின் உத்தரவுப்படி டென்மார்க் நாட்டை சேர்ந்த தம்பதியினருக்கு, பாதுகாவலர் சட்டத்தின் கீழ் கேஸ்பர் ஆண்டர்சன் தத்துக்கொடுக்கப்பட்டார். பெற்றோர் இவருக்கு ராஜ்குமார் என பெயரிட்டிருந்தனர். டென்மார்க்கிற்கு சென்ற பின்னர் பெயரை கேஸ்பர் ஆண்டர்சன் என மாற்றி உள்ளனர்.

பின்னாளில் தான் தத்துக்கொடுக்கப்பட்டதை அறிந்த கேஸ்பர், தனது பெற்றோரை தேடும் முயற்சியில் ஈடுபட தொடங்கினார். இவருடைய பெற்றோர் அய்யாவு, மாரியம்மாள் ஆகிய இருவரும் கோவையை அடுத்த பழைய மருதமலை கோவில் சாலையில் உள்ள கருப்பராயன் கோவில் பகுதியில் வசித்து வந்ததாக கூறப்படுகிறது. ஆனால் தற்போது அந்த பெயரில் யாரும் வசிக்கவில்லை என அப்பகுதி மக்கள் தெரிவித்துள்ளனர். கடந்த 2015ஆம் ஆண்டு முதல் கேஸ்பர் ஆண்டர்சன் தனது பெற்றோரை தேடி வருகிறார்.

கோவை முழுவதும் ஒவ்வொரு பகுதியாக சென்று தனது பெற்றோர் குறித்து விசாரித்து வருகிறார் கேஸ்பர் ஆண்டர்சன். 45 ஆண்டுகள் ஆன பின்னரும், பெற்றோரை தொலைத்த குழந்தையாகவே  இவரது மனநிலை உள்ளது. தன்னை பெற்றவர்களை ஒரு முறையாவது சந்தித்திட வேண்டும் என்ற நோக்கத்தில் தொடர்ந்து பாசப்போராட்டம் நடத்தி வருகிறார் இந்த டென்மார்க் ராஜ்குமார்.

இது குறித்து பேசிய  கேஸ்பர் ஆண்டர்சன், என் பெற்றோர் யார் என்று பார்க்க வேண்டுமென ஆசையாக உள்ளது. எதற்காக தத்துக்கொடுக்கப்பட்டேன் என்ற காரணத்தை தெரிந்து கொள்ள வேண்டும். இந்த ஆவணத்தில் தத்துக்கொடுக்கப்பட்டதற்கான காரணம் இருக்கிறது. அந்த காரணம் உண்மையாகவும் இருக்கலாம். ஆனால் சரியான காரணம் என்னவென்று தெரிந்து கொள்ள வேண்டும் என்று தெரிவித்துள்ளார்

Advertisement:
இது தொடர்பான செய்திகள் :
Advertisement:
Advertisement:
[X] Close