[X] Close
JUST IN
  • BREAKING-NEWS நீலகிரி, கோவை, திண்டுக்கல், தேனி, காஞ்சிபுரம், திருவள்ளூர், வேலூர், தி.மலையில் கனமழை பெய்ய வாய்ப்பு - வானிலை ஆய்வு மையம்
  • BREAKING-NEWS அரசுப் பள்ளி ஆசிரியர்களின் கற்பித்தல் திறன், மாணவர்களின் கற்றல் திறனை ஆய்வு செய்ய சிறப்புக்குழுக்களை அமைக்க பள்ளிக்கல்வித்துறைக்கு உயர்நீதிமன்றக் கிளை உத்தரவு
  • BREAKING-NEWS வட கிழக்கு பருவ மழைக்கு முன் மழை நீரை சேமிக்கும் பணியில் ஈடுபட வேண்டும் என மக்களிடம் அமைச்சர் வேலுமணி வேண்டுகோள்
  • BREAKING-NEWS தொழில்நுட்ப கோளாறு காரணமாக, கடந்தவாரம் நிறுத்தப்பட்ட சந்திரயான்-2 விண்கலம் இன்று பிற்பகல் விண்ணில் ஏவப்படுகிறது
  • BREAKING-NEWS விளம்பரத்திற்காக இல்லாமல் சமூக பணி பண்ணலாம். நிஜ வாழ்வில் 4 பேருக்காவது பயன்படும்படி இருப்பேன் - நடிகர் சூர்யா

ஊழியர்களே வங்கி பணம் 1.60 கோடியை கொள்ளையடித்து நாடகமாடியது அம்பலம்..!

bank-employees-arrested-for-bank-rupees-1-60-crore-robbery-case

ராமநாதபுரம் கடலாடி அருகே வங்கி ஏடிஎம் பணம் ரூபாய் 1.60 கோடியை ஊழியர்களே கொள்ளையடித்திருப்பது அம்பலமாகியுள்ளது.

ராமநாதபுரம் மாவட்டம் கடலாடி பகுதியில் ஏடிஎம்-களில் பணம் நிரப்புவதற்காக, ஓட்டுநர், ஆயுதம் ஏந்திய காவலர், வங்கி பணியாளர்கள் 2 பேர் என மொத்தம் 4 பேர் வாகனத்தில் சென்றுள்ளனர்.

அப்போது, மலட்டாறு முக்குரோட்டில் பணம் ஏற்றிச் சென்ற வாகனம்  கவிழ்ந்து விபத்திற்குள்ளானதாக கூறப்பட்டது. இதையடுத்து வாகனத்தில் இருந்த 1 கோடியே 60 லட்சம் ரூபாய் பணம் மாயமானதாக பணியாளர்கள் சாயல்குடி காவல் நிலையத்தில் நேற்று புகார் அளித்தனர்.

இதையடுத்து ராமநாதபுரம் காவல் கண்காணிப்பாளர் ஓம் பிரகாஷ் மீனா தலைமையில் விசாரணை தீவிரப்படுத்தப்பட்டது. பணம் கொள்ளை போனது, திட்டமிட்ட சதியாக இருக்கலாம் என்ற சந்தேகத்துடன் விபத்துக்குள்ளான வாகனத்தில் வந்த குருபாண்டி, அன்பு, வீரபாண்டி, கபிலன் ஆகிய 4 பேரிடமும் போலீசார் விடிய விடிய விசாரணை மேற்கொண்டனர்.

அப்போது, வங்கி ஊழியர்கள் 4 பேரும் கூட்டாக இணைந்து வங்கி பணம் 1.60 கோடியை கொள்ளையடித்தது தெரியவந்தது. அவர்களிடமிருந்து இதுவரை 36 லட்சம் மற்றும் காரை பறிமுதல் செய்த போலீசார் கொள்ளையில் சம்பந்தப்பட்ட சிலரை தேடி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close