[X] Close
JUST IN
  • BREAKING-NEWS ரூ.1,258 கோடியில் மதுரையில் எய்ம்ஸ் அமைக்க மத்திய அமைச்சரவை ஒப்புதல் அளித்தது
  • BREAKING-NEWS 2 லட்சம் ரூபாய் வரையிலான விவசாயக் கடன்கள் தள்ளுபடி - மத்திய பிரதேச முதல்வர் கமல்நாத் அறிவிப்பு
  • BREAKING-NEWS மோடிதான் இந்தியாவின் அடுத்த பிரதமராக வருவார் - தமிழிசை சவுந்தரராஜன்
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்

ஸ்ரீஸ்ரீரவிசங்கர் நிகழ்ச்சி இடமாற்றம் - ஒருங்கிணைப்பாளர் தகவல்

sri-sri-ravi-shankar-function-changed-from-thanjavur-to-private-place-after-court-stay

தஞ்சை பெரிய கோயிலில் நடக்கவிருந்த ஸ்ரீஸ்ரீ ரவிசங்கர் நிகழ்ச்சி தனியார் இடத்துக்கு மாற்றப்பட்டுள்ளதாக நிகழ்ச்சி ஒருங்கிணைப்பாளர் பிரதீப்குமார் தெரிவித்துள்ளார். 

ஸ்ரீஸ்ரீ ரவிசங்கரின் வாழும் கலை அமைப்பு சார்பில் தஞ்சை பெரிய கோயிலில் இன்றும், நாளையும் இரண்டு நாள் நிகழ்ச்சிக்கு ஏற்பாடு செய்யப்பட்டிருந்தது. இதற்காக கோயிலுக்கு அருகில் ஒரு பந்தல் போடப்பட்டது. கோயிலின் உள் பகுதியில் தனியார் நிகழ்ச்சிக்கு அனுமதி அளிக்கப்பட்டதற்கும், பந்தல் அமைக்கப்பட்டதற்கும் எதிர்ப்பு எழுந்தது. சமூக வலைத்தளங்களிலும் கோயிலை ஒட்டி பந்தல் அமைக்கப்பட்டுள்ளது போன்ற படங்கள் பகிரப்பட்டன.

          

பாரம்பரியம் மிக்க தஞ்சை கோயிலில் தனியார் நிகழ்ச்சிகளுக்கு அனுமதி அளிக்கக் கூடாது என்று எதிர்ப்புகள் எழுந்தது. நிகழ்ச்சிக்கு எதிர்ப்பு தெரிவித்து அரசியல் கட்சியினர், சமூக ஆர்வாலர்கள் கருத்து தெரிவித்து வந்தனர். 

இந்நிலையில் கோயிலில் நிகழ்ச்சி நடத்த தடை விதிக்க வேண்டுமென்று மதுரை உயர் நீதிமன்றத்தில் மனுத்தாக்கல் செய்யப்பட்டது. அந்த மனுவில் தனியார் அமைப்புகளுக்கு கோயிலுக்குள் நிகழ்ச்சி நடத்த அனுமதி வழங்கினால் கோயிலின் பாரம்பரியம் பாழாகும் என குறிப்பிடப்பட்டு இருந்தது. இந்த மனுவை விசாரணைக்கு எடுத்துக்கொண்ட மதுரை உயர் நீதிமன்றம் தஞ்சை பெரியகோயிலில் இன்று மாலை தொடங்கவிருந்த 2 நாள் தியான நிகழ்ச்சிக்கு இடைக்காலத் தடை விதித்து உத்தரவிட்டது. 

              

இந்நிலையில், தஞ்சை பெரிய கோயிலில் நடக்கவிருந்த ஸ்ரீ ஸ்ரீ ரவிசங்கர் நிகழ்ச்சி தனியார் இடத்துக்கு மாற்றப்பட்டுள்ளதாக நிகழ்ச்சி ஒருங்கிணைப்பாளர் பிரதீப்குமார் தெரிவித்துள்ளார். மேலும், திட்டமிட்டபடி 2 நாள் தியானபயிற்சி தனியார் இடத்தில் நடக்கும் என்றும் அவர் கூறினார். 

Advertisement:
இது தொடர்பான செய்திகள் :
Advertisement:
Advertisement:
[X] Close