[X] Close
JUST IN
  • BREAKING-NEWS டெல்லியில் ஐக்கிய முற்போக்கு கூட்டணி தலைவர் சோனியா காந்தியை பகுஜன் சமாஜ் கட்சியின் மாயாவதி நாளை சந்திக்கவுள்ளதாக தகவல்
  • BREAKING-NEWS டெல்லியில் காங்கிரஸ் தலைவர் ராகுல் காந்தியுடன் ஆந்திர முதல்வர் சந்திரபாபு நாயுடு மீண்டும் ஆலோசனை
  • BREAKING-NEWS கேதார்நாத்தில் வழிபட்டதை நான் அதிர்ஷ்டமாக நினைக்கிறேன்; எனக்கும் கேதார்நாத்துக்கும் ஒரு உணர்வுப்பூர்வமான உறவு உள்ளது - பிரதமர் மோடி
  • BREAKING-NEWS சூலூர்: கருமத்தம்பட்டியில் வேறு வாக்குப்பதிவு இயந்திரம் கொண்டுவரப்பட்டு தாமதமாக வாக்குப்பதிவு தொடக்கம்; வாக்குப்பதிவு இயந்திரத்தில் ஏற்பட்ட கோளாறினால் வாக்குப்பதிவு தொடங்காமல் இருந்தது
  • BREAKING-NEWS 7ம் கட்ட மக்களவை தேர்தல் - பீகார் முதல்வர் நிதீஷ் குமார் பாட்னாவில் வாக்களித்தார்
  • BREAKING-NEWS இறுதிக்கட்ட மக்களவை தேர்தலில் உத்தரப்பிரதேச முதல்வர் யோகி ஆதித்யநாத் கோரக்பூரில் வாக்களித்தார்
  • BREAKING-NEWS மக்களவை தேர்தலுக்கான இறுதிக்கட்ட வாக்குப்பதிவு தொடங்கியது. இந்த 7 ஆம் கட்ட வாக்குப்பதிவு 8 மாநிலங்களில் உள்ள 59 தொகுதிகளில் நடைபெறுகிறது

லாரி, கார் மோதல் : ஒரே குடும்பத்தில் 5 பேர் பலியான சோகம்

lorry-and-car-accident-in-near-tirupati-5-members-in-same-family-was-die

திருப்பதி அருகே லாரியும் காரும் நேருக்கு நேர் மோதிய விபத்தில் ஒரே குடும்பத்தை சேர்ந்த ஐந்து பேர் உயிரிழந்தனர்‌. 

ஆந்திராவின் கடப்பா மாவட்டத்தில் உள்ள எஸ்.கே தீனி கிராமத்தை சேர்ந்த கங்காதரம் குவைத்தில் வேலை செய்து வந்தார். இவர் நேற்று இரவு சென்னை விமான நிலையம் வழியாக நாடு திரும்பினார். அவரை சொந்த ஊருக்கு அழைத்து செல்ல கங்காதரத்தின் மனைவி விஜயம்மா, சகோதரர் பிரசன்னா, அவரது மனைவி மாரியம்மா, பிரசன்னாவின் ஒன்றரை வயது மகன் ஆகியோர் சென்னை விமான நிலையம் சென்றனர்.

கங்காதரம் நாடு திரும்பிய நிலையில் மகிழ்ச்சியுடன் வரவேற்ற குடும்ப உறுப்பினர்கள் காரில் சொந்த ஊருக்கு திரும்பி சென்று கொண்டிருந்தனர். ரேணிகுண்டா அருகே இருக்கும் மாமண்டூர் நெடுஞ்சாலை பகுதியில் அவர்களது காரும், எதிர்திசையில் சிமெண்ட் லோடு ஏற்றி வந்த லாரியும் நேருக்கு நேராக மோதி விபத்து ஏற்பட்டது. இந்த விபத்தில் கார் அப்பளம் போல் நொறுங்கிய நிலையில் அதில் இருந்த 5 பேரும் உடல் நசுங்கி பரிதாபமாக உயிரிழந்தனர். 

தகவலறிந்த ரேணிகுண்டா காவல்துறையினர் விரைந்து சென்று உயிரிழந்தவர்களின் உடல்களை கைப்பற்றி, உடற்கூறு ஆய்வுக்காக திருப்பதியில் உள்ள அரசு மருத்துவமனைக்கு அனுப்பி வைத்தனர். அத்துடன் விபத்து குறித்து வழக்குப்பதிவு செய்து விசாரணையை மேற்கொண்டு வருகின்றனர். இந்த விபத்தால் சுமார் 2 மணி நேரம் அங்கு போக்குவரத்து பாதிப்பு ஏற்பட்டது. பின்னர் ரேணிகுண்டா போக்குவரத்து காவல்துறையினர் நெரிசலை சீர் செய்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close