[X] Close
JUST IN
  • BREAKING-NEWS பொதுமக்களுக்கு இடையூறாக இருக்கும் என்பதால், எம்ஜிஆர் ஜானகி கல்லூரியில் நடிகர் சங்க தேர்தலை நடத்த அனுமதிக்க முடியாது - சென்னை உயர்நீதிமன்றம்
  • BREAKING-NEWS ஆவடி நகராட்சியை மாநகராட்சியாக தரம் உயர்த்தி அரசாணை வெளியிட்டது தமிழக அரசு
  • BREAKING-NEWS ராஜஸ்தானை சேர்ந்த எம்.பி. ஓம் பிர்லா, மக்களவை சபாநாயகராக தேர்ந்தெடுக்கப்படுவார் என தகவல்
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை

சிலை கடத்தல் விவகாரம் : டிவிஎஸ் குழுமத் தலைவர் உட்பட 3 பேருக்கு முன்ஜாமீன்

statue-smuggling-case-high-court-give-bail-to-tvs-owner-srinivas

சிலை கடத்தல் தொடர்பான புகாரில் டி.வி.எஸ். குழும தலைவர் வேணு சீனிவாசன் உள்ளிட்ட மூவருக்கு சென்னை உயர்நீதிமன்றம் முன் ஜாமின் வழங்கி உத்தரவிட்டுள்ளது.

சென்னை மயிலாப்பூர் கபாலீஸ்வரர் கோவிலில் கடந்த 2004ஆம் ஆண்டு திருப்பணிகள் செய்யப்பட்டபோது புன்னை வனநாதர் சன்னதியில் உள்ள மயில் சிலை உள்ளிட்ட 3 சிலைகள் மாற்றப்பட்டதாகவும், முறைகேடுகள் நடந்து இருப்பதாகவும் புகார்கள் எழுந்தன. இதுதொடர்பாக அறநிலையத் துறை கூடுதல் ஆணையர் திருமகள், முன்னாள் ஆணையர் தனபால், டிவிஎஸ் குழும தலைவர் வேணு சீனிவாசன், ஸ்தபதி முத்தைய்யா ஆகியோர் மீது வழக்குப் பதிவு செய்ததால், நால்வரும் முன் ஜாமின் மனுக்களை தாக்கல் செய்தனர். 

இந்த வழக்கு நீதிபதிகள் மகாதேவன், ஆதிகேசவலு முன்னிலையில் விசாரணைக்கு வந்த நிலையில், டி.வி.எஸ். குழுமத் தலைவர் வேணு சீனிவாசன், ஸ்தபதி முத்தையா, அறநிலையத்துறை முன்னாள் ஆணையர் தனபால் ஆகியோருக்கு முன் ஜாமின் வழங்கி உத்தரவிட்டனர். 

சிலைகள் மாயமானதற்கு தான் பொறுப்பல்ல என்றும், அறநிலையத்துறை உயரதிகாரிகள் உத்தரவின் அடிப்படையிலே செயல்பட்டதாக திருமகள் தரப்பில் அறிக்கை தாக்கல் செய்யபட்டது. அதனை ஏற்க மறுத்த நீதிபதிகள், 2004 கும்பாபிஷேக ஆவணங்களை திருமகள்தான் அழித்தார் என மூன்று ஆணையர்கள் அளித்த வாக்குமூலம் தெளிவாக உள்ளதால், திருமகளின் முன் ஜாமின் மனுவை தள்ளுபடி செய்வதாக அறிவித்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close