[X] Close
JUST IN
  • BREAKING-NEWS டெல்லியில் கூடிய எதிர்க்கட்சித்தலைவர்கள், குடியரசுத் தலைவரை சந்திக்க முடிவு
  • BREAKING-NEWS 2019 மக்களவை தேர்தல் தொடர்பாக டெல்லியில் எதிர்க்கட்சிகளின் ஆலோசனை கூட்டம் தொடங்கியது
  • BREAKING-NEWS தேர்வு அறிவிப்பாணை முறையாக இல்லாததால் உடற்கல்வி சிறப்பாசிரியர் பணிக்குத் தேர்வானோர் பட்டியலை ரத்து செய்து உயர்நீதிமன்ற கிளை உத்தரவு
  • BREAKING-NEWS தமிழகத்தின் இசைவின்றி காவிரியில் அணை கட்டக்கூடாது என கர்நாடகாவுக்கு மத்திய அரசு உத்தரவிடக் கோரும் தீர்மானம் தமிழக சட்டப்பேரவையில் ஒருமனதாக நிறைவேற்றம்
  • BREAKING-NEWS காவிரி பிரச்னையில் மத்திய அரசு ஒருதலைபட்சமாக செயல்படுவது வருத்தம் அளிக்கிறது - மேகதாது அணை தொடர்பான தமிழக சட்டப்பேரவையின் சிறப்புக்கூட்டத்தில் முதல்வர் எடப்பாடி பழனிசாமி பேச்சு
  • BREAKING-NEWS தமிழக சட்டப்பேரவையின் சிறப்புக்கூட்டத்தில், காவிரியில் கர்நாடகா மேகதாது அணை கட்ட எதிர்ப்பு தெரிவித்து தீர்மானம் முன்மொழியிடப்பட்டது
  • BREAKING-NEWS சென்னையில் இன்று இரவும் நாளையும் விட்டு விட்டு மழை தொடரும்; ஓரிரு இடங்களில் கனமழை பெய்ய வாய்ப்பு - சென்னை வானிலை ஆய்வு மையம்

இளம்பெண்ணை கத்தியால் கொன்ற ஒருதலைக் காதலன் : பதறவைக்கும் சிசிடிவி காட்சிகள்

a-younger-killed-young-girl-in-nellai-for-one-side-love

நெல்லையில் காதலிக்க மறுத்த பெண்ணை கத்தியால் குத்திக் கொலை செய்த காதலரை அடித்து உதைத்த பொது மக்கள் அவரை காவல்துறையினரிடம் ஒப்படைத்தனர்.

நெல்லை மாவட்டம் வள்ளியூர் பேருந்து நிலையம் அருகே சென்று கொண்டிருந்த இளம்பெண்ணை இளைஞர் ஒருவர் கத்தியால் சரமாரியாக குத்திவிட்டு எந்தப் பதற்றமுமின்றி நடந்து சென்றார். இதைப் பார்த்து அதிர்ச்சி அடைந்த பொதுமக்கள் அந்த இளைஞரை பிடித்து அடித்து உதைத்து காவல்துறையினரிடம் ஒப்படைத்தனர். கொல்லப்பட்டவர் கன்னனயாகுமரி மாவட்டம் வேலிமலையைச் சேர்ந்த மெர்சி. அவரைக் கொன்றவர் நெல்லை மாவட்டம் மகிழடியைச் சேர்ந்த ரவீந்திரன். மெர்சியை ரவீந்திரன் கொலை செய்தது ஏன்? என்பதை அறிய சில மாதங்கள் பின்னோக்கி பயணிக்க வேண்டும். 

வள்ளியூரில் உள்ள துணிக்கடை ஒன்றில் வேலை பார்த்து வந்தார் மெர்சி. கடை விடுதியிலேயே அவர் தங்கியிருந்தார். மெர்சி வேலை பார்த்த கடையில் பொறியியல் பட்டதாரியான ரவீந்திரன் பணிக்கு சேர்ந்திருக்கிறார். மெர்சியை ரவீந்திரன் காதலித்ததாக கூறப்படுகிறது. அவரது காதலை ஏற்க மெர்சி மறுத்துவிட்டதாக தெரிகிறது. இதனால் துணிக்கடையில் இருந்து ரவீந்திரன் விலகி விட்டதாக சொல்லப்படுகிற‌து. அதோடு எல்லாம் முடிந்தது என மெர்சி நினைத்திருக்கலாம். ஆனால் ரவீந்திரன் அப்படி நினைக்கவில்லை. 

சில மாதங்கள் கடந்தன. செவ்வாய்கிழமை வழக்கம்போல் பணியை முடித்து விட்டு விடுதிக்கு திரும்பிக் கொண்டிருந்தார் மெர்சி. அவர் வரும் வழியில் ரவீந்திரன் காத்திருந்ததாக தெரிகிறது. மெர்சியை கண்டதும் தான் மறைத்து வைத்திருந்த கத்தியால் அவரை சரமாரியாக குத்தினார் ரவீந்திரன். பொது இடத்தில் ஒரு பெண்ணை குத்திவிட்டு எந்த பதற்றமுமின்றி நடந்து சென்றார் அவர். இதைப் பார்த்து முதலில் அதிர்ச்சி அடைந்த பொதுமக்கள், பின்னர் சுதாரித்துக் கொண்டு ரவீந்திரனை பிடித்து அடித்து உதைத்து காவல்துறையினரிடம் ஒப்படைத்தனர். படுகாயத்துடன் தனியார் மருத்துவமனைக்கு கொண்டு செல்லப்பட்ட மெர்சி சிகிச்சை பலனின்றி உயிரிழந்தார். ஒருதலைக்காதல் இளம்பெண்ணின் உயிரைக் குடித்துவிட்டது. ரவீந்திரன் கத்தியால் குத்தும் சிசிடிவி காட்சிகள் பார்ப்பவரை பதறவைக்கும் வகையில் உள்ளது.

சிசிடிவி காட்சியை காண : https://www.youtube.com/watch?v=ls-f6dRt3U8

Advertisement:
Advertisement:
Advertisement:
[X] Close