[X] Close
JUST IN
  • BREAKING-NEWS திருச்சி பஞ்சாப் நேஷனல் வங்கியில் கொள்ளையடித்த நகைகளை முருகன் கும்பல் உருக்கி விற்றது அம்பலம்
  • BREAKING-NEWS பில்லூர் அணை நிரம்பியதால் பவானி ஆற்றங்கரையோர மக்களுக்கு வெள்ள அபாய எச்சரிக்கை. 7 மாவட்டங்களில் கனமழை தொடரும் என வானிலை மையம் தகவல்
  • BREAKING-NEWS நாங்குநேரி, விக்கிரவாண்டி தொகுதிகளில் இன்று மாலையுடன் முடிகிறது பரப்புரை
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

மீண்டும் 30 மூட்டைகளில் செல்லாத நோட்டுகள் 

again-30-bundle-of-old-banknotes-in-near-the-chennai

சென்னை மாதவரம் ரவுன்டானா பகுதியில் நேற்று பணமதிப்பு நீக்கப்பட்ட 500, 1000 ரூபாய் நோட்டுகள் 35 மூட்டைகள் பிடிபட்ட நிலையில், மேலும் 30 மூட்டைகள் இன்று கண்டெடுக்கப்பட்டுள்ளன.

சென்னை மாதவரம் அடுத்த ரெட்டேரி பகுதியில் ஆட்டுதொட்டி என்ற இடம் உள்ளது. அங்கு குப்பையில் பழைய ரூபாய் நோட்டுகள் துண்டுத் துண்டாக வெட்டப்பட்ட நிலையில் மூட்டைகளாக கிடந்தன. இதைக் கண்டு அதிர்ச்சி அடைந்த பொதுமக்கள் காவல்துறையினருக்கு தகவல் கொடுத்தனர்.

இதையடுத்து தகவலறிந்து வந்த மாதவரம் காவல்துறையினர் அந்த இடத்தை பார்வையிட்டனர். பின் சோதனையின் போது அந்தப் பகுதியில் 35 மூட்டைகளில் பழைய 500 மற்றும் 1,000 ரூபாய் நோட்டுகள் துண்டுத் துண்டாக வெட்டப்பட்ட நிலையில் கண்டெடுத்தனர்.

இந்நிலையில் மேலும் 30 பண மூட்டைகள் அதே பகுதியில் இன்று கண்டெடுக்கப்பட்டுள்ளன. பணம் குறித்த புகார்கள் ஏதும் வராத நிலையில், மதிப்பிழப்பு செய்யப்பட்ட பணத்தை துண்டுத் துண்டாக வெட்டி வீசியவர்கள் யார் என்பது குறித்து காவல்துறையினர் தீவிர விசாரணையில் ஈடுபட்டு வருகின்றனர்.

கடந்த இரு தினங்களில் துண்டுத் துண்டாக வெட்டப்பட்ட நிலையில் 65 பண மூட்டைகள் ஓரே இடத்தில் கண்டெடுக்கப்பட்டுள்ளது குறிப்பிடத்தக்கது. மேலும் பண மதிப்பு நீக்கத்திற்குப் பின் பழைய ரூபாய் நோட்டுகள் செல்லாததால் யார் இதனை செய்தது எனத் தெரியாமல் காவல்துறை திகைத்து வருகிறது.

Advertisement:
Advertisement:
Advertisement:
[X] Close