[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.72.99 காசுகளாகவும், டீசல் லிட்டருக்கு ரூ.67.97 காசுகளாகவும் விலை நிர்ணயம்
  • BREAKING-NEWS ஸ்டெர்லைட் விவகாரத்தில் பசுமை தீர்ப்பாய உத்தரவை எதிர்த்து உச்சநீதிமன்றம் செல்வேன் - வைகோ
  • BREAKING-NEWS ரஃபேல் போர் விமான ஒப்பந்த விவகாரத்தில் உண்மை வெற்றி பெற்றுள்ளது - மத்திய அமைச்சர் அருண் ஜெட்லி
  • BREAKING-NEWS ராஜஸ்தான் முதலமைச்சராக அசோக் கெலாட் தேர்வு செய்யப்பட்டுள்ளார்
  • BREAKING-NEWS அணைகள் பாதுகாப்பு சட்ட மசோதாவை மத்திய நீர்வளத்துறை உடனே திரும்பப்பெற வேண்டும் - பிரதமருக்கு எழுதிய கடிதத்தில் முதல்வர் பழனிசாமி தகவல்
  • BREAKING-NEWS அந்நிய செலாவணி மோசடி வழக்கில் சசிகலா மீது வரும் 20ம் தேதி குற்றச்சாட்டு பதிவு நடைபெறும் - எழும்பூர் நீதிமன்றம்

கஜா புயல் ! இன்று மாலை முதல் மழை தொடங்கும்

gaja-storm-landfall-between-pamban-and-cuddalore

இன்று மாலையில் இருந்து தமிழகம் மற்றும் புதுச்சேரியில் மழை பெய்யத்துவங்கும் என வானிலை ஆய்வு மையம் ‌தெரிவித்துள்‌ளது. 

கஜா புயல் நாளை மதியம் கடலூர் - பாம்பன் இடையே கரையைக் கடக்குமென வானிலை ஆய்வு மையம் தெரிவித்துள்ளது. தற்போது மணிக்கு 6 கிலோ மீட்டர் வேகத்தில் தென் மேற்கு திசை நோக்கி புயல் நகர்ந்து வருகிறது. சென்னையில் இருந்து 570 கிலோ மீட்டர் தொலைவிலும், நாகையில் இருந்து 670 கிலோ மீட்டர் தூரத்திலும் கஜா புயல் உள்ளதாக கூறப்படும் நிலையில், அடுத்த 24 மணி நேரத்திற்கு காற்றின் வேகம் அதிகரிக்கும் எனவும் வானிலை ஆய்வும் மையம் கூறியுள்ளது.

 புயலினால் கடலூர், நாகை, திருவாரூர், தஞ்சை, புதுக்கோட்டை, ராமநாதபுரம், காரைக்கால், புதுச்சேரி ஆகிய‌ பகுதிகளில் சேதம் ஏற்படும் என தெரிவிக்கப்பட்டுள்ளது. கூரை வீடுகள் மற்றும் ஷீட் வீடுகளுக்கு அதிக பாதிப்பு ஏற்படும் என்பதால் மக்கள் பாதுகாப்பான இடங்களுக்கு செல்ல வானிலை ஆய்வு மையம் அறிவுறுத்தியுள்ளது. மேலும் தாழ்வான பகுதிகளில் வசிக்கும் மக்கள் மேடான பகுதிகளுக்கு செல்ல வேண்டும் என்றும் வானிலை ஆய்வு மையம் தெரிவித்துள்ளது. மீனவர்கள் கடலுக்கு மீன்பிடிக்க செல்ல வேண்டாம் என்றும், கடலில் உள்ள மீனவர்கள் உடனடியாக கரைக்கு திரும்பும் படியும் அறிவுறுத்தப்பட்டுள்ளது. 

நாளை பிற்பகல் பாம்பன் - கடலூர் இடையே கஜா புயல் கரையை கடக்க உள்ள நிலையில், இன்று மாலையில் இருந்து தமிழகம் மற்றும் புதுச்சேரியில் மழை பெய்யும் எனவும் நாகை, கடலூர், திருவாரூர், தஞ்சை, தூத்துக்குடி, ராமநாதபுரம் உள்ளிட்ட பகுதிகளில் ஒருசில இடங்களில் நாளை அதீத மழை பெய்யும் எனவும் வானிலை ஆய்வு மையம் எச்சரிக்கை விடுத்துள்ளது. 

கடல் அலை ஒரு மீட்டருக்கும் மேல் உயரக்கூடும் என்பதால் நாகை, புதுக்கோட்டை, தஞ்சை, ராமநாதபுரம், காரைக்கால், புதுச்சேரி ஆகிய பகுதிகளில் வெள்ள பாதிப்பு ஏற்பட வாய்ப்பு உள்ளதாக‌ கூறப்படுகிறது.

Advertisement:
இது தொடர்பான செய்திகள் :
Advertisement:
Advertisement:
[X] Close