[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

இயங்காத ஏடிஎம்கள் ! அவதியுறும் பொதுமக்கள்

citizens-report-atms-running-short-of-cash-in-chennai

சென்னையின் பல்வேறு இடங்களில் தேசிய மயமாக்கப்பட்ட வங்கிகளின் ஏடிஎம் இயந்திரங்களும், ஸ்வைப் மெஷின்களும் செயல்படாததால் பொதுமக்கள் அவதியடைந்துள்ளனர்.

மக்களின் பணபரிவர்த்தனைகளில் முக்கிய பங்காற்றுவது ஏடிஎம். பணத்தை மொத்தமாக கையில் வைத்திருப்பதால் பாதுகாப்பு இல்லை என்பதால் தேவைக்கேற்ப பணத்தை எடுத்து பயன்படுத்தும் விதத்தில் ஏடிஎம் இயந்திரங்கள் முக்கிய பங்காற்றுகின்றன. நகரம் , கிராமம் என்று ஏடிஎம்கள் அனைத்து இடங்களிலும் இருக்கின்றன. அனைத்து வங்கிகளும் மக்கள் பயனடையும் விதத்தில் முக்கிய இடங்களில் ஏடிஎம் இயந்திரங்களை வைத்துள்ளன. இப்படி ஏடிஎம் இயந்திரங்களை முழுமையாக மக்கள் நம்பிவிட்ட நிலையில் திடீரென்று ஏடிஎம் பரிவர்த்தனைகளில் ஏற்படும் பிரச்னைகள் மக்களின் அன்றாட வாழ்வை பெரிதும் பாதித்துவிடுகின்றன.
 
இந்நிலையில் சென்னையில் இந்தியன் வங்கி, இந்திய ஓவர்சீஸ் வங்கி, பாரத ஸ்டேட் வங்கி போன்ற தேசிய மயமாக்கப்பட்ட வங்கிகளின் ஏடிஎம் மையங்கள் செயல்படவில்லை எனக் கூறப்படுகிறது. மாதத்தின் 2ஆவது சனிக்கிழமையான இன்று வங்கிகளுக்கும் விடுமுறை என்பதால், பணவரித்தனை செய்ய முடியாமல் செய்வதறியாது மக்கள் திகைத்துள்ளனர்.

கடைகளில் உள்ள ஸ்வைப் மெஷின்களும் வேலை செய்யாததால், அத்தியாவசிய பொருட்களை வாங்கச் சென்ற மக்கள் பணம் செலுத்த முடியாமல் தவித்து வருகின்றனர். தொழில்நுட்பக் கோளாறு காரணமாக காலை 7 மணி முதல் இப்பிரச்னை நிலவி வருவதாகத் தெரிகிறது. ஏடிஎம் மையங்கள் செயல்படாததால், முக்கியத் தேவைகளுக்கு பணம் எடுக்க முடியவில்லை என பொதுமக்கள் வேதனை தெரிவித்துள்ளனர். 

இதுதொடர்பாக விளக்கம் கேட்க சம்பந்தப்பட்ட வங்கி அதிகாரிகளை தொடர்புகொண்டபோது அவர்கள் அழைப்பை ஏற்கவில்லை. தேசிய மயமாக்கப்பட்ட வங்கிகளைத் தவிர்த்து HDFC, ICICI போன்ற தனியார் வங்கிகளின் ஏடிஎம் மையங்கள் செயல்படுவதாக பொதுமக்கள் தெரிவித்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close