[X] Close
JUST IN
  • BREAKING-NEWS பாக். டெஸ்ட் கேப்டன் பொறுப்பில் இருந்து சர்ஃபராஸ் நீக்கம்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS சென்னையில் லாரி மூலம் விநியோகிக்கப்படும் மெட்ரோ நீரின் விலை அதிகரிப்பு
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு
  • BREAKING-NEWS அரசு அறிவிக்கும் சிறப்பு விடுமுறை தனியார் நிறுவனங்களுக்கு பொருந்தாது: உயர்நீதிமன்றம்
  • BREAKING-NEWS எல்லையில் பங்களாதேஷ் பாதுகாப்புப் படையினர் துப்பாக்கிச்சூடு: பிஎஸ்எஃப் வீரர் ஒருவர் உயிரிழப்பு

பன்றிக்காய்ச்சலுக்கு ஒரேநாளில் 6 பலி 

today-6-women-are-suffering-from-swine-flu-in-tamilnadu

தமிழகத்தில் இன்று ஒரேநாளில் 6 பெண்கள், பன்றிக்காய்ச்சலுக்கு பலியாகி உள்ளனர்.

தமிழகம் முழுவதும் அரசு மருத்துவமனையில் காய்ச்சல்கள் காரணமாக ஏராளமானோர் அனுமதிக்கப்பட்டு சிகிச்சை பெற்று வருகின்றனர். கடந்த 24 மணிநேரத்தில், காய்ச்சலுக்காக சிகிச்சை பெற்று வந்தவர்களில் 6 பேர் உயிரிழந்தனர். பன்றிக் காய்ச்சலால் பாதிக்கப்பட்டு கோவை அரசு மருத்துவமனையில் அனுமதிக்கப்பட்டிருந்த பீளமேடு பகுதியைச் சேர்ந்த காயத்ரி மற்றும் சூலூரைச் சேர்ந்த புஷ்பா ஆகியோர் சிகிச்சை பலனின்றி உயிரிழந்தனர். 

அதேபோல், நாமக்கல் மாவட்டம் ராசிபுரத்தை அடுத்த அத்தனூர் பகுதியைச் சேர்ந்த அங்காயி என்ற மூதாட்டி பன்றிக் காய்ச்சல் காரணமாக சேலம் அரசு மருத்துவமனையில் அனுமதிக்கப்பட்டிருந்தார். சிகிச்சை பலனின்றி இன்று அதிகாலை அவர் ‌உயிரிழந்தார். மேலும், தேனி மாவட்டம் ஆண்டிப்பட்டியைச் சேர்ந்த மல்லிகா என்பவர் பன்றிக் காய்ச்சல் காரணமாக தேனி அரசு மருத்துவக் கல்லூரி மருத்துவமனையில் அனுமதிக்கப்பட்டிருந்த நிலையில் சிகிச்சை பலனின்றி இன்று உயிரிழந்தார். 

மதுரை மாவட்டம் திருவேங்கடம் பகுதியைச் சேர்ந்த லட்சுமி என்பவரும், திருமங்கலத்தைச் சேர்ந்த சுப்புலட்சுமி என்பவரும் பன்றிக் காய்ச்சலால் பாதிக்கப்பட்டனர். மதுரை அரசு மருத்துவமனையில் அனுமதிக்கப்பட்ட இருவரும் சிகிச்சை பலனின்றி உயிரிழந்தனர். மேலும் அங்கு 23 பேர் பன்றிக்காய்ச்சல் பாதிப்புக்கும், 98 பேர் வைரஸ் காய்ச்சல் பாதிப்புக்கும் சிகிச்சை பெற்று வருகின்றனர். பன்றிக் காய்ச்சல் பாதிப்பினால் மதுரை அரசு மருத்துவமனையில் இதுவரை 12 பேர் உயிரிழந்துள்ளதாக தெரிவிக்கப்பட்டுள்ளது.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close