[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.66 காசுகளாகவும், டீசல் லிட்டருக்கு ரூ.75.63 காசுகளாகவும் விலை நிர்ணயம்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது
  • BREAKING-NEWS கஜா புயலால் தமிழகம் முழுவதும் உயிரிழந்தோர் எண்ணிக்கை மதியம் 2 மணி நிலவரப்படி 40ஆக அதிகரிப்பு
  • BREAKING-NEWS வேதாரண்யம் அருகே 35க்கும் மேற்பட்ட கிராமங்களில் தொலைத்தொடர்பு சேவைகள் முழுவதும் பாதிப்பு
  • BREAKING-NEWS கஜா புயலால் கடுமையாக பாதிக்கப்பட்ட வேதாரண்யம் தனித்தீவாக காட்சியளிக்கிறது

சாலை விபத்து மோதல் கொலையில் முடிந்த கொடூரம் !

road-rage-fight-that-leads-to-murder-in-chennai

சென்னை அம்பத்தூரில் இருசக்கர வாகன விபத்து தொடர்பாக ஏற்பட்ட மோதல் கொலையில் முடிந்துள்ளது.

சென்னை அம்பத்தூரைச் சேர்ந்த மணிகண்டன் பிரிதிவாக்கம் சாலையில் இருசக்கர வாகனத்தில் சென்று கொண்டிருந்தார். அப்போது அம்பத்தூரை அடுத்த மேனாம்பேட்டைச் சேர்ந்த பாலசுந்தரம் என்பவர் ஓட்டிவந்த இருசக்கர வாகனம் மணிகண்டன் வாகனம் மீது மோதியதாக தெரிகிறது. இதனையடுத்து விபத்துக்கு காரணம் யார் என மணிகண்டனும் பாலசுந்தரமும் சண்டையிட்டுள்ளனர். அப்போது மணிகண்டனை பாலசுந்தரம் தாக்கியதாக தெரிகிறது. 

ஆத்திரமடைந்த மணிகண்டன் தனது சகோதரர் மகேஷ் மற்றும் நண்பர் ராஜேஷுடன் இணைந்து பாலசுந்தரம் வீட்டுக்குச் சென்று அவரை தாக்கியதாக கூறப்படுகிறது. அதற்கு எதிர்வினையாற்ற மணிகண்டன் உள்ளிட்ட மூவரையும் தனது நண்பர்களுடன் தேடிச் சென்றுள்ளார் பாலசுந்தரம். மேனாம்பேடு ஆறுமுகநகர் என்னுமிடத்தில் மகேஷ், மணிகண்டன் உள்ளிட்ட மூவரையும் வழிமறித்த பாலசுந்தரம் குழு, அவர்களை உருட்டுக் கட்டையால் அடித்து உதைத்ததாக சொல்லப்படுகிறது. 

காயமடைந்த மூவரும் அரசு மருத்துவமனையில் அனுமதிக்கப்பட்டனர். ஆனால் சிகிச்சை பலனின்றி மகேஷ் உயிரிழந்தார். இதனையடுத்து வழக்குப்பதிவு செய்து விசாரணை நடத்திய போலீசார், தாக்குதல் மற்றும் கொலை தொடர்பாக பாலசுந்தரம், அவரது நண்பர்கள் தினேஷ், சதீஷ் மற்றும் சசி ஆகியோரை கைது செய்தனர். ஒரு சாதாரண இரு சக்கர வாகன விபத்து கொலை வரை சென்ற சம்பவம் அப்பகுதி மக்களிடையே அதிர்ச்சியை ஏற்படுத்தியுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close