[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை
  • BREAKING-NEWS சிலைக்கடத்தல் வழக்கில் ரன்வீர்ஷா கூட்டாளி கிரன்ராவின் முன்ஜாமீன் மனு தள்ளுபடி
  • BREAKING-NEWS சபரிமலை வழக்கின் தீர்ப்பை அமல்படுத்த அவகாசம் கோரி உச்சநீதிமன்றத்தில் தேவசம்போர்டு மனு தாக்கல்
  • BREAKING-NEWS மாலத்தீவு அதிபர் பதவியேற்பு விழாவில் பங்கேற்க மாலேவுக்கு சென்ற இந்திய பிரதமர் மோடிக்கு உற்சாக வரவேற்பு
  • BREAKING-NEWS முன்னெச்சரிக்கை நடவடிக்கையாக லட்சத்தீவுகள் கடல் பகுதிக்கு மீன்பிடிக்க மீனவர்கள் செல்ல வேண்டாம் - கஜா புயலை தொடர்ந்து அரபிக் கடலில் புதிதாக புயல் உருவாவதால் அவசர கட்டுப்பாட்டு மையம் அறிவுறுத்தல்
  • BREAKING-NEWS கஜா புயலால் உயிரிழந்தோர் எண்ணிக்கை 46 ஆக அதிகரித்தது

திருமணத்துக்கு பெண் பார்க்க போனவருக்கு காத்திருந்த அதிர்ச்சி !

man-robbed-of-phone-gold-by-bride

திருமண வரனுக்காக இணையத்தில் கொடுக்கப்பட்ட தொலைபேசி எண்ணிற்கு வந்த அழைப்பை நம்பி போனவரிடம் இருந்து செல்போன் , பணம் திருடப்பட்ட சம்பவம் அதிர்ச்சியை ஏற்படுத்தி உள்ளது.

சென்னை அரும்பாக்கம் எம்எம்டிஏ காலனியைச் சேர்ந்தவர் காளிசரண். தனியார் நிறுவனத்தில் பணியாற்றி வரும் இவர் 2 வருடங்களாக தன் திருமணத்துக்காக பெண் பார்த்து வந்துள்ளார். இதற்காக அவர் சில புகழ்பெற்ற திருமண வரன் பார்ப்பவர்களுக்கான இணையதளத்திலும் அவர் குறித்த தகவல்களை பதிவு செய்து வைத்துள்ளார். அவர் பதிவு செய்யப்பட்ட தொலைபேசி எண்ணுக்கு கடந்த திங்களன்று அழைப்பு ஒன்று வந்துள்ளது. அதில் பேசிய பெண் ஒருவர் தன் பெயர் பிரியா ஐயர் என்றும், தான் பெங்களூரு நிறுவனம் ஒன்றில் பணியாற்றி வருவதாகம் தெரிவித்துள்ளார். மேலும் தாம் நேரில் சந்திக்கலாம் என்றும் கூறிய அவர், செவ்வாய் கிழமை இரவு சங்கம் தியேட்டரில் சந்திக்கலாம் என்று தெரிவித்துள்ளார். 

மீண்டும் அழைத்த அவர் வடபழனியில் உள்ள தனியார் வணிக வளாகத்தில் சந்திக்கலாம் என்றும் தெரிவித்துள்ளார். ஆனால் அங்கும் சந்திக்காமல் பொன்னம்மாள் தெருவில் உள்ள ஒரு கெஸ்ட் ஹவுசில் சந்திக்கலாம் என்று இடத்தை மாற்றி தெரிவித்துள்ளார். இதனை நம்பி அங்கு சென்ற  காளிசரணிடம் புடவை அணிந்திருந்த பெண் ஒருவர் பிரியா ஐயர் என்று அறிமுகம் ஆகியுள்ளார். அவருடன் சேர்த்து 3 ஆண்களும் இருந்து உள்ளனர். அவர்களை பிரியாவின் உறவினர்கள் என நம்பிய காளிசரணுக்கு அதிர்ச்சி காத்திருந்தது. 

திடீரென்று கத்தியை எடுத்து மிரட்டிய அந்த கும்பல்  காளிசரணின் செல்போன் மற்றும் அவர் அணிந்திருந்த தங்கச்செயின் ஆகியவற்றை பிடுங்கியுள்ளனர். மேலும் அவரது ஏடிஎம் கார்டையும் பிடுங்கி ரகசிய நம்பரையும் வாங்கி சென்றுள்ளனர்.  காளிசரணை புகைப்படம் எடுத்துக்கொண்ட அந்த கும்பல் இந்த விஷயம் வெளியே தெரிந்தால் புகைப்படத்தை தவறாக பயன்படுத்துவோம் என்றும் மிரட்டியுள்ளனர்.

இந்நிலையில் தாம் ஏமாற்றப்பட்டது குறித்து  காளிசரண், வடபழனி காவல்நிலையத்தில் புகார் அளித்துள்ளார். தன்னை ஏமாற்றியவர்கள் தோற்றத்தில் வட இந்தியர்கள் போல இருந்ததாகவும் அவர் அடையாளம் தெரிவித்துள்ளார். அவரது புகாரின் அடிப்படையில் போலீசார் விசாரணை நடத்தி வருகின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close