[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

மயில்களை குறிவைத்து வேட்டையாடிய கும்பல் கைது

vizhuppuram-peacock-hunters-arrested-by-police

விழுப்புரம் வனப்பகுதியில் மயில்களை வேட்டையாடிய நபர்களை காவல்துறையினர் கைது செய்தனர். 

விழுப்புரம் மாவட்டம் உளுந்தூர்பேட்டை அருகே குஞ்சரம் காப்புக்காடு பகுதி உள்ளது. இங்கே மயில்கள், முயல்கள் மற்றும் சில வனவிலங்குகள் சுற்றித்திரிகின்றன. அவற்றை சில மர்ம நபர்கள் வேட்டையாடுவதாக காவல்துறையினருக்கு தகவல் கிடைத்துள்ளது. இதனால் காவல்துறையினர் அவ்வப்போது அப்பகுதியில் ரோந்து பணியில் ஈடுபட்டு வந்தனர். இந்நிலையில் நேற்று மாலை எலவனாசூர் கோட்டை காவல்துறையினர் குஞ்சரம் வனப்பகுதியில் ரகசியமாக ரோந்து பணியில் ஈடுபட்டு வந்தனர். 

அப்போது காவல்துறையினரை கண்ட இருவர் வனப்பகுதிக்குள் தப்பி ஓட முயன்றனர். அவர்களை மடக்கிப் பிடித்த காவல்துறையினர், வனப்பகுதியில் சுற்றித்திருந்தது ஏன்? என விசாரித்தனர். விசாரணை செய்ததில் அவர்கள் இருவரும் எறையூர் கிராமத்தைச் சேர்ந்த இஸ்ராயில் மற்றும் யாகோப் எனத் தெரியவந்தது. அவர்கள் இருவரும் வனப்பகுதியில் வேட்டையாடுவதை வழக்கமாக கொண்டிருந்ததும் கண்டுபிடிக்கப்பட்டது. 

இதையடுத்து அவர்களிடமிருந்து இறந்த நிலையில் மூன்று மயில்கள், 10 கொக்குகள் ஆகியவை பறிமுதல் செய்யப்பட்டன. மேலும் ஒரு நாட்டு துப்பாக்கியையும் காவல்துறையினர் பறிமுதல் செய்தனர். இவர்கள் தான் குஞ்சரம் காப்பு காட்டுப்பகுதியில் மயில்களையும் வேட்டையாடியவர்கள் என்பதும் விசாரணையில் தெரியவந்துள்ளது. பின்னர் அவர்கள் இருவரையும் காவல்துறையினர் கைது செய்து வனத்துறையிடம் ஒப்படைத்தனர்.

Advertisement:
இது தொடர்பான செய்திகள் :
Advertisement:
Advertisement:
[X] Close