[X] Close
JUST IN
  • BREAKING-NEWS தமிழக காவல்துறையின் அடுத்த டிஜிபியாக திரிபாதி அறிவிக்கப்பட வாய்ப்பு
  • BREAKING-NEWS தனி மனிதர்கள் மீதான கும்பல் தாக்குதலை ஒருபோதும் ஏற்கவும் முடியாது, நியாயப்படுத்தவும் முடியாது - பிரதமர் மோடி
  • BREAKING-NEWS ஜி.கே.வாசனுக்கு பக்கபலமாக திகழ்ந்தவர் கஸ்தூரி அம்மாள்; கஸ்தூரி அம்மாளை இழந்துவாடும் ஜி.கே.வாசனுக்கும் அவரது குடும்பத்தினருக்கும் ஆழ்ந்த இரங்கல் - முதல்வர் பழனிசாமி
  • BREAKING-NEWS அதிமுகவை அழித்து அமமுக வளர்ச்சி பெறுவது என்பது முடியாதது- தங்க தமிழ்ச்செல்வன்

ஸ்டெர்லைட் ஆய்வுக்குழுவின் அவகாசம் மேலும் நீட்டிப்பு

extension-of-justice-tarun-agarwala-research-team-in-sterlite-issue

ஸ்டெர்லைட் ஆலையை ஆய்வு செய்ய அமைக்கப்பட்டுள்ள தருண் அகர்வாலா குழுவின் அவகாசத்தை பசுமை தீர்ப்பாயம் நீட்டித்துள்ளது.

தூத்துக்குடியில் உள்ள ஸ்டெர்லைட் ஆலையை மூடிய தமிழக அரசின் உத்தரவுக்கு எதிராக தேசிய பசுமை தீர்ப்பாயத்தில் வேதாந்தா குழுமம் மேல்முறையீடு செய்தது. இதனை விசாரித்த பசுமை தீர்ப்பாயம், ஸ்டெர்லைட் ஆலை மற்றும் அதனை சுற்றியுள்ள இடங்களில் ஆய்வு செய்ய ஓய்வுபெற்ற நீதிபதி தருண் அகர்வாலா தலைமையில் மூன்று பேர் கொண்ட குழுவை அமைத்து. மேலும் தருண் அகர்வாலா தலைமையில் கொண்ட குழு ஆறு வாரங்களுக்குள் அறிக்கை சமர்ப்பிக்கவும் உத்தரவிட்டிருந்தது.

இதனைதொடர்ந்து தருண் அகர்வாலா, சதீஷ் சி.கர்கோட்டி, வரலட்சுமி ஆகியோர் கொண்ட குழு  ஸ்டெர்லைட் ஆலை கழிவுகள் கொட்டப்படும் இடத்தில் ஆய்வு நடத்தினர். ஸ்டெர்லைட் ஆலையில் இரண்டு நாட்கள் நடந்த ஆய்வில் ஆலையின் கழிவுகளால் சுற்றுச்சூழல் மாசு ஏற்பட்டதாக எழுந்த புகார் குறித்து ஆய்வு நடந்தது. அப்போது ஸ்டெர்லைட் ஆலைக்கு எதிராக போராட்டம் நடைபெற்ற குமரெட்டியாபுரம் கிராமத்தில் அவர்கள் ஆய்வு நடத்தியபோது கிராம மக்கள் அவர்களிடம் மனு அளித்தனர். ஆலையால் அவர்கள் மிகவும் பாதிக்கப்படுவதாக தெரிவித்தனர்.

  
இந்நிலையில் நீதிபதி தருண் அகர்வாலா குழுவின் அவகாசம் வரும் 30 ஆம் தேதி முடிவடைய இருக்கும் நிலையில், அறிக்கை சமர்ப்பிக்க வல்லுனர் குழுவின் சார்பில் தேசிய பசுமை தீர்ப்பாயத்தில் அவகாசம் கேட்கப்பட்டிருந்தது. இந்த வழக்கை இன்று பரிசீலனைக்கு ஏற்றுக் கொண்ட தேசிய பசுமை தீர்ப்பாயம், குழுவின் கோரிக்கையை ஏற்று மேலும் 4 வாரங்களுக்கு அவகாசத்தை நீட்டித்து உத்தரவிட்டுள்ளது. நவம்பர் 30 ஆம் தேதிக்குள்ளாக வல்லுநர் ஆய்வுக் குழு அறிக்கையை சமர்ப்பிக்க வேண்டும் என்று உத்தரவிட்ட நீதிபதிகள் வழக்கின் மீதான அடுத்தகட்ட விசாரணையை வரும் டிசம்பர் 10ஆம் தேதிக்கு ஒத்திவைத்தனர்.

வீடியோ

Advertisement:
இது தொடர்பான செய்திகள் :
Advertisement:
Advertisement:

[X] Close