[X] Close
JUST IN
  • BREAKING-NEWS பஞ்சாப் மாநிலம் அமிர்தசரஸில் ஏற்பட்ட ரயில் விபத்தில் 50பேர் உயிரிழந்ததாக தகவல்
  • BREAKING-NEWS கேரளா: பம்பை, நிலக்கல், சன்னிதானம், இலவுங்கல் பகுதிகளில் மேலும் 3 நாட்களுக்கு 144 தடை உத்தரவு நீட்டிப்பு - பத்தினம்திட்டா காவல்துறை கோரிக்கையை ஏற்று ஆட்சியர் நூஹ் உத்தரவு
  • BREAKING-NEWS டெல்லியில் தசரா விழா கோலாகலம்... குடியரசுத்தலைவர் ராம்நாத் கோவிந்த், பிரதமர் மோடி பங்கேற்பு...
  • BREAKING-NEWS வழக்கறிஞர்களுடன் ஆலோசித்த பின் எப்போது மனு தாக்கல் செய்வது என்பது குறித்து முடிவு - தேவசம் போர்டு
  • BREAKING-NEWS சபரிமலை விவகாரத்தில் சீராய்வு மனு தாக்கல் செய்வது தொடர்பாக தேவசம்போர்டு ஆலோசனை
  • BREAKING-NEWS சென்னையில் கிண்டி, ஈக்காட்டுத்தாங்கல், அசோக் நகர் உள்ளிட்ட பகுதிகளில் மழை
  • BREAKING-NEWS சபரிமலை 18ஆம் படியின் கீழ் அர்ச்சகர்கள் தர்ணா

“திருவாரூர், திருப்பரங்குன்றம் தொகுதிகளுக்கு தற்போது தேர்தல் இல்லை” - ஓ.பி.ராவத்

by-polls-in-tamil-nadu-will-not-be-announced-now-says-op-rawat

திருவாரூர், திருப்பரங்குன்றம் ஆகிய தொகுதிகளுக்கான தேர்தல் தேதி பின்னர் அறிவிக்கப்படும் என்று இந்திய தலைமை தேர்தல் ஆணையர் ஓ.பி.ராவத் தெரிவித்துள்ளார்.

5 மாநில தேர்தல் குறித்து டெல்லியில் இந்திய தலைமை தேர்தல் ஆணையர் ஓ.பி.ராவத் இன்று செய்தியாளர்களை சந்தித்தார். அப்போது தேர்தல் தேதிகளை அறிவித்தார். அதன்படி ''சத்தீஷ்கர், ராஜஸ்தான், மத்திய பிரதேசம், மிசோரம் ஆகிய 4 மாநிலங்களுக்கும் டிசம்பர் 15ஆம் தேதிக்கு முன் ஒரே நேரத்தில் தேர்தல் நடத்தப்படும். மத்திய பிரதேசம், மிசோரம் ஆகிய மாநிலங்களில் ஒரே கட்டமாக நவம்பர் 28ஆம் தேதி தேர்தல் நடைபெறும். சத்தீஷ்கர் மாநிலத்தில் 18 இடங்களுக்கு மட்டும் முதற்கட்ட தேர்தல் நவம்பர் 12ஆம் தேதி நடைபெறும். ராஜஸ்தான், தெலங்கானா ஆகிய மாநிலங்களுக்கு ஒரே கட்டமாக டிசம்பர் 7ஆம் தேதி தேர்தல் நடைபெறும்'' என்று தெரிவித்தார். 

இந்நிலையில் தமிழகத்தில் காலியாக உள்ள திருவாரூர், திருப்பரங்குன்றம் ஆகிய சட்டமன்ற தொகுதிகளுக்கான தேர்தல் குறித்து தற்போது அறிவிப்பு இல்லை என்று தெரிவித்தார். இது குறித்து பேசிய அவர், ''பருவமழை காரணமாக தமிழகத்தில் தற்போது இடைத்தேர்தல் நடத்த வேண்டாமென தமிழக தேர்தல் அதிகாரி கடிதம் எழுதியுள்ளார். அதன்படி இந்த இரண்டு தொகுதிகளுக்கான தேர்தல் பின்னர் அறிவிக்கப்படும்'' என்று தெரிவித்தார். திருப்பரங்குன்றம் தேர்தல் தொடர்பாக நீதிமன்றத்தில் வழக்கு நிலைவையில் உள்ளதையும் தலைமை தேர்தல் ஆணையர் ஓ.பி.ராவத் குறிப்பிட்டார். 

Advertisement:
Advertisement:
Advertisement:
[X] Close