[X] Close
JUST IN
  • BREAKING-NEWS கேரள அரசு வழங்கும் நீரை தமிழக அரசு ஏற்க மறுத்ததாக வந்த தகவலில் உண்மையில்லை - அமைச்சர் வேலுமணி
  • BREAKING-NEWS தமிழகத்தில் நிலவும் குடிநீர் பிரச்னை குறித்து முதல்வர் பழனிசாமி தலைமையில் தலைமைச் செயலகத்தில் நாளை ஆலோசனை கூட்டம் நடைபெறுகிறது
  • BREAKING-NEWS மாமூல் வசூல், லஞ்சம் வாங்கும் போலீசார் மீது லஞ்ச ஒழிப்பு சட்டம், இந்திய தண்டனை சட்டத்தின் கீழ் வழக்குப்பதிவு செய்ய உள்துறை செயலர், டிஜிபி 4 வாரத்தில் உரிய உத்தரவு பிறப்பிக்க வேண்டும் - உயர்நீதிமன்ற மதுரைக்கிளை
  • BREAKING-NEWS வங்கக்கடலில் புதிய காற்றழுத்த தாழ்வு பகுதி உருவானதால், சென்னை உள்ளிட்ட வட மாவட்டங்களில் அடுத்த 2 நாட்களுக்கு மழை பெய்ய வாய்ப்பு - இந்திய வானிலை ஆய்வு மையம்
  • BREAKING-NEWS தண்ணீர் பிரச்னைக்காக திமுக அறிவித்துள்ள போராட்டம் ஒரு கபட நாடகம் - அமைச்சர் ராஜேந்திர பாலாஜி
  • BREAKING-NEWS ஜூன் 24ம் தேதி காலை 11 மணிக்கு தமிழக அமைச்சரவைக் கூட்டம் நடைபெறவுள்ளதாக தகவல்
  • BREAKING-NEWS நடிகர் சங்கத்தில் இருந்து 53 உறுப்பினர்களை நீக்கிய நடைமுறை சரியே - சென்னை உயர்நீதிமன்றம்

சென்னையை உலுக்கிய செயின் பறிப்பு திருடர்கள் - காட்டிக்கொடுத்த சிசிடிவி

chennai-chain-snatchers-caught-by-cctv-footage

சென்னையின் பல்வேறு இடங்களில் சங்கிலிப் பறிப்பில் ஈடுபட்டு வந்த 3 பேரை சிசிடிவி காட்சிகள் மூலம் காவல்துறையினர் கைது செய்துள்ளனர். 

சென்னை அரும்பாக்கம், அண்ணாநகர் உட்பட 9 இடங்களில் சங்கிலிப் பறிப்பில் ஈடுபட்டவர்களை காவல்துறையினர் தேடி வந்தனர். குற்றவாளிகளை பிடிக்க அரும்பாக்கம் காவல் ஆய்வாளர் ரவிக்குமார் தலைமையில் தனிப்படை அமைக்கப்பட்டது. சங்கிலிப் பறிப்பு நடந்த இடங்கள் அனைத்தும் சிசிடிவி கேமரா இல்லாத இடங்களாகவே இருந்தன. இதனால் குற்றவாளிகளை பிடிப்பது சவாலாக இருந்தது. சங்கிலிப் பறிப்பு நடந்த இடங்களுக்கு அருகே இருந்த சிசிடிவி காட்சிகளை காவல்துறையினர் ஆராய்ந்தனர். அதில் அவர்களுக்கு முக்கிய துப்பு ஒன்று கிடைத்தது. 9 இடங்களிலும் பதிவெண் இல்லாத இருசக்கர வாகனம் ஒன்றில் இருவர் வலம் வரும் காட்சிகள் காவல்துறையினருக்கு கிடைத்தன. அதிலிருப்பவர்களை காவல்துறையினர் தேடி வந்தனர். 

இந்த நிலையில் அரும்பாக்கத்தில் இருசக்கர வாகனத்தில் சுற்றிக் கொண்டிருந்த போது இருவரும் காவல்துறையினரிடம் சிக்கினர். அவர்களிடம் நடத்திய விசாரணையில் சங்கிலிப் பறிப்பில் மேலும் ஒருவருக்கு தொடர்பிருப்பது தெரியவந்தது. இதனையடுத்து சங்கிலிப் பறிப்பில் ஈடுபட்டதாக சபீர் பாட்ஷா, பிரகாஷ் மற்றும் ராஜ்குமார் ஆகியோரை காவல்துறையினர் கைது செய்தனர். அவர்களிடம் இருந்து 41 சவரன் நகைகள், 2 இருசக்கர வாகனங்கள் மற்றும் கார் பறிமுதல் செய்யப்பட்டுள்ளது. மூவரும் சங்கிலிப் பறிப்புக்காக சிசிடிவி கேமரா இல்லாத இடங்களை தேர்வு செய்துள்ளனர். இருவர் இருசக்கர வாகனத்தில் சென்று சங்கிலியை பறிப்பதை வழக்கமாக கொண்டிருந்துள்ளனர். ஒரு நபர் சங்கிலிப் பறிப்பு நடக்கும் இடத்துக்கு அருகில் காருடன் காத்திருப்பார். சங்கிலியைப் பறித்த இருவரும் அதனை அருகில் இருக்கும் காரில் வீசிவிட்டு சென்று விடுவார்கள். 

இதன்பின்னர் தெருவில் சுற்றும் இருவரை சந்தேகத்தின் பேரில் யாராவது பிடித்து விசாரித்தால் கூட அவர்களிடம் சங்கிலிகள் எதுவும் இருக்காது. இதுதான் சங்கிலிப் பறிப்பு கும்பலின் மாஸ்டர் பிளான் என்கின்றனர் காவல்துறையினர். சிசிடிவி கேமரா இல்லாத இடங்களை கொள்ளையர்கள் தேர்வு செய்திருப்பதை சுட்டிக்காட்டிய காவல்துறையினர், அனைத்து இடங்களிலும் மக்கள் சிசிடிவி கேமராவை பொருத்தினால் இதுபோன்ற குற்றங்களை தடுக்க முடியும் என்று தெரிவித்துள்ளனர்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close