[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

நெருங்கும் சதுர்த்தி - மாவுக் கலவையில் விதவிதமாக விநாயகர் சிலைகள் !

vinayagar-statue-in-flour-mixture

விநாயகர் சதுர்த்தியையொட்டி விழுப்புரம் அருகேயுள்ள கிராமங்களில் விநாயகர் சிலைகள் தயார் செய்யும் பணி மும்முரமாக நடைபெற்று வருகிறது. 

விநாயகர் சதுர்த்தி விழா வருகிற 13-ஆம் தேதி கொண்டாடப்பட உள்ள நிலையில், விழுப்புரம் மாவட்டத்தில் அரசூர், ஜானகிபுரம், பிடாகம் உள்பட பல்வேறு பகுதிகளில் விநாயகர் சிலை தயாரிக்கும் பணி முடிவடைந்து, வண்ணம் தீட்டும் பணி விறுவிறுப்பாக நடைபெற்று வருகிறது. விழுப்புரம் அருகேயுள்ள அய்யங்கோயில்பட்டு கிராமத்தில் மாவுக் கலவையில் விநாயகர் சிலைகள் செய்யப்படுகின்றன.

3 அடி முதல் 15 அடி உயரமுள்ள விநாயகர் சிலைகள் வரை இங்கு செய்யப்படுகின்றன. வழக்கமாக செய்யப்படும் பிரம்மாண்ட விநாயகர் சிலைகளுடன், நடன விநாயகர், சிவன்-பார்வதியுடன் விநாயகர், ரதத்தில் செல்லும் விநாயகர், ஆஞ்சநேயர் சுமந்து செல்லும் விநாயகர், பாகுபலி விநாயகர், ஜல்லிக் கட்டு விநாயகர், சிங்கத்தின் மீது அமர்ந்து செல்லும் விநாயகர், 3 தலைகள் கொண்ட விநாயகர், முருகர், கிருஷ்ணருடன் விநாயகர் போன்ற வடிவங்களில் இங்கு சிலைகள் தயார் செய்யப்படுகின்றன. 

15 அடி விநாயகர் சிலை செய்வதற்கு 20-க்கும் மேற்பட்ட தனித் தனி பாகங்களாக உருவங்களை தயார் செய்கின்றனர். பின்னர், அவற்றை ஒன்றிணைத்து முழுமையாக்குகின்றனர். இங்கு களிமண், மரவள்ளிக்கிழங்கு மாவு, அட்டைத் தூள் போன்ற கலவைகளால் விநாயகர் சிலைகள் தயாரிக்கப்படுகின்றன. தண்ணீரில் கரையக்கூடிய வாட்டர் கலரை வண்ணம் தீட்ட பயன்படுத்துகின்றனர். மேலும் இங்கு தயார் செய்யப்படும் விநாயகர் சிலைகள் தமிழகத்தின் பல்வேறு பகுதிகளில் மட்டுமன்றி ஆந்திரம், கர்நாடகம், கேரளம் போன்ற பிற மாநிலங்களுக்கும் அனுப்பப்படுகின்றன. ரூ.4 ஆயிரத்திலிருந்து ரூ.21 ஆயிரம் வரை பல்வேறு வடிவங்களுக்கேற்ப சிலைகள் விற்பனை செய்யப்படுகின்றன.

இதுகுறித்து சிலை தயாரிப்பில் ஈடுபட்டுள்ள கர்ணன் “ஜனவரி மாதத்திலிருந்தே சிலை செய்யும் பணியைத் தொடங்கிவிடுவோம், இந்த ஆண்டு மட்டும் 500 சிலைகள் வரை செய்துள்ளோம். தற்போது சிலைகளுக்கு வண்ணம் தீட்டும் பணி தொடங்கி நடைபெறுகிறது. அதன்பிறகு, சிலைகள் விற்பனை செய்யப்படும். சுற்றுச்சூழலை மாசுபடுத்தாத வகையில் தயாரிக்கப்படும் இந்த சிலைகள் நீரில் போட்ட அடுத்த விநாடி முதல் கரையத் தொடங்கும். இத்தொழிலில் ஆண்டுக்கு ஒரு முறை மட்டுமே வருவாய் கிடைப்பதால், வட்டிக்குக் கடன் வாங்கி தொழில் செய்கிறோம். அரசு, வங்கிகள் மூலம் கடன் வழங்கி உதவி செய்ய வேண்டும்” என்கிறார்.
 

Advertisement:
Advertisement:
Advertisement:
[X] Close