[X] Close
JUST IN
  • BREAKING-NEWS திமுக கூட்டணியில் பெரம்பலூர் மக்களவை தொகுதியில் போட்டியிடும் ஐஜேகே நிறுவனர் பாரிவேந்தர் வேட்புமனு தாக்கல்
  • BREAKING-NEWS தென்சென்னை தொகுதி திமுக வேட்பாளர் தமிழச்சி தங்கபாண்டியன் வேட்புமனுவை தாக்கல் செய்தார்
  • BREAKING-NEWS புல்வாமா பயங்கரவாதிகள் பயன்படுத்தியது 'விர்ச்சுவல் சிம் கார்டு'-தீவிரமடையும் விசாரணை
  • BREAKING-NEWS சென்னையில் பெட்ரோல் லிட்டருக்கு ரூ. 75.67 காசுகளாகவும், டீசல் லிட்டருக்கு ரூ. 70.26 காசுகளாகவும் விலை நிர்ணயம்
  • BREAKING-NEWS சியாச்சினில் கண்காணிப்பு கோபுரத்தில் இருந்து தவறி விழுந்து தமிழகத்தை சேர்ந்த ராணுவ வீரர் பால்பாண்டி உயிரிழப்பு
  • BREAKING-NEWS ஒட்டப்பிடாரம், திருப்பரங்குன்றம், சூலூர் சட்டப்பேரவை தொகுதிகளுக்கு தேர்தல் நடத்த தயார் - சத்யபிரதா சாஹூ
  • BREAKING-NEWS நூறு நாள் வேலைதிட்டத்தை 200 நாட்களாக உயர்த்த நடவடிக்கை எடுக்கப்படும் - அதிமுக கூட்டணியில் போட்டியிடும் புதிய நீதி கட்சி தலைவர் ஏ.சி.சண்முகத்திற்கு ஆதரவாக முதல்வர் பழனிசாமி பரப்புரை

“புகைப்பழக்கத்தை விடுங்கள்” புதுவாழ்வு பிறக்கட்டும்..! - ஆய்வு சொல்வதென்ன ?

tobacco-uses-in-tamil-nadu-a-survey

தமிழகத்தில் 21.1 சதவிகித‌ ஆண்கள் புகையிலைப் பொருட்களை பயன்படுத்துவதாக ஆய்வறிக்கை ஒன்றில் தெரியவந்துள்ளது. 

சென்னை மத்திய சுகாதாரம் மற்றும் குடும்ப நலத்துறை அமைச்சகம் மற்றும், உலக சுகாதார அமைப்பு உள்ளிட்டவை இணைந்து க்ளோபல் அடல்ட் டொபாக்கோ சர்வே (Global Adult Tobacco Survey) எனப்‌படும், புகையிலைப்பொருட்களை பயன்படுத்துவோர் குறித்த ஆய்வை மேற்கொண்டது. நாடு முழுவதும் 2009 முதல் ஆண்டுதோறும் இந்த ஆய்வு மேற்கொள்ளப்படுகிறது. இதன்படி, தமிழகத்தில், 2016 அக்டோபர், நவம்பரில் 1371 ஆண்கள் மற்றும் 1544 பெண்களிடம் ஆய்வு மேற்கொள்ளப்பட்டது. ஆய்வில், தமிழகத்தில், 2009 - 10 ஆம் ஆண்டு புகையிலை பயன்படுத்துவோர் 16 புள்ளி 6 சதவிகிதமாக இருந்தது. இந்த விகிதம் அதிகரித்து 2016-17 கணக்கெடுப்பின்படி, 20 சதவிகிதமாக இருக்கிறது. 

Read Also -> எஸ்.பியான தனது மகளுக்கு சல்யூட் அடித்த துணை ஆணையர்!

கடந்த 8 ஆண்டுகளில் புகையிலைப்பொருட்களை பயன்படுத்துவோர் விகிதம் தமிழகத்தில் 3.8 சதவிகிதம் உயர்ந்துள்ளது. புகைப்பிடிக்கும் பழக்கம் உள்ளவர்கள் எண்ணிக்கை 2009-10 ல் 9.6 சதவிகிதமாகவும், 2016-17ல் 10.5 சதவிகிதமாக உள்ளது. புகையற்ற புகையிலைப்பொருட்களை பயன்படுத்துவோர் எண்ணிக்கையை பொருத்தவரை 2009-10ல் 8.1 சதவிகிதமாகவும், 2016-17 ல் 10.6 சதவிகிதமாகவும் இருக்கிறது. தமிழகத்தில் பெண்களிடையே புகைப்பிடிக்கும் பழக்கம் அதிகரித்துள்ளதாகவும் தெரியவந்துள்ளது.

Read Also -> பார்சல் உணவுக்கு பாத்திரம் ! நடைமுறை சிக்கலில் ஹோட்டல்கள்

புகைப்பவர்கள் விடும் புகையால் பாதிக்கப்படுவோரை பொருத்தவரை அலுவலகம் முக்கிய பங்கு வகிக்கிறது. அதாவது, புகைப்பிடிக்கும் பழக்கம் உள்ளவர்கள் வெளியிடும் புகையை சுவாசிக்கும் மற்றவர்கள் பாதிப்புக்குள்ளாவது, அலுவலகம் போன்ற பணிபுரியும் இடங்களில் அதிகம் இருக்கிறது என ஆய்வறிக்கை கூறுகிறது. அடுத்தபடியாக வீட்டில் 11 சதவிகிதம் பேரும், பொதுப்போக்குவரத்தில் 5.8 சதவிகிதம் பேரும் பாதிப்புக்குள்ளாகிறார்கள். திரையரங்குகளில் 4.4 சதவிகிதமும், விடுதிகளில் 3.3 சதவிகிதம் பேரும் பாதிக்கப்படுகிறார்கள் என்று ஆய்வறிக்கையில் தெரிவிக்கப்பட்டுள்ளது.

புகையிலையால் ஏற்படும் பாதிப்புகள் எண்ணற்றவை. அதன்மூலம் ஏற்படும் நோய்கள் நம்மை வாழும்போதே நரகத்திற்கு கொண்டு செல்லும் என புகையிலையால் பாதிக்கப்பட்டர்கள் வேதனையுடம் தெரிவிக்கின்றனர். புகையிலைப் பொருட்கள் தடை செய்வது மட்டுமே இதற்கு நிரந்தர தீர்வாகும் என நுகர்வோர் அமைப்பினர் கூறுகின்றனர். மேலும் சிகரெட்டுக்கு பதிலாக ஈ சிகரெட் என்றழைக்கப்படும் மாற்று சிகரெட்டும், புகைபிடிப்பதற்கு இணையான தீமையை தரும் என்பதால் அதனையும் தடை செய்ய வேண்டும் என அவர்கள் தெரிவிக்கின்றனர்.

Advertisement:
இது தொடர்பான செய்திகள் :
Advertisement:
Advertisement:
[X] Close