[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.85 காசுகளாகவும், டீசல் லிட்டருக்கு ரூ. 69.41 காசுகளாகவும் விலை நிர்ணயம்
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்

பாலியல் புகார் ஆசிரியரை விடுவிக்க மாணவர்கள் போராட்டம்

protest-against-teacher-arrested-in-sexual-harassment-to-class-3rd-student

சேலத்தில் மூன்றாம் வகுப்பு படிக்கும் மாணவிக்கு பாலியல் தொல்லை கொடுத்ததாக போக்சோ சட்டத்தில் கைது செய்யப்பட்ட ஆசிரியரை விடுவிக்க வலியுறுத்தி சக ஆசிரியர்களும், மாணவ மாணவியரும் போராட்டத்தில் ஈடுபட்டனர்.

சேலம் மெய்யனூர் பகுதியில் இயங்கி வரும் தனியார் பள்ளியில் கணித ஆசிரியராக பணியாற்றி வந்தவர் சதீஷ். இவர் அதே பள்ளியில் மூன்றாம் வகுப்பு பயிலும் சிறுமிக்கு பாலியல் தொல்லை கொடுத்ததாக குற்றம்சாட்டி, அச்சிறுமியின் பெற்றோர் மற்றும் உறவினர் ஆசிரியர் சதீஷை பள்ளிக்கு வெளியே சரமாரியாக அடித்து உதைத்து பள்ளப்பட்டி காவல் நிலையத்தில் ஒப்படைத்தனர். விசாரணைக்குப் பின்னர் ஆசிரியர் சதீஷ் மீது போக்சோ சட்டத்தின் கீழ் வழக்குப்பதிவு செய்யப்பட்டு நீதிமன்ற காவலுக்கு அனுப்பப்பட்டார். 

இந்த நிலையில் ஆசிரியர் சதீஷ் குற்றமற்றவர், அவரை உடனடியாக விடுவிக்க வேண்டும் என்று வலியுறுத்தி சக ஆசிரியர்கள் மற்றும் மாணவ, மாணவியர் பள்ளி வளாகத்தில் போராட்டத்தில் ஈடுபட்டனர். பள்ளிக்கு அவப்பெயர் ஏற்படுத்த வேண்டும் என்ற நோக்கில் ஒருசிலர் இது போன்ற நடவடிக்கையில் ஈடுபட்டதாக குற்றம்சாட்டிய ஆசிரியர்கள், முறையான விசாரணை நடத்தாமல் ஒரு நிரபராதி தண்டிக்கப்பட்டுள்ளதாக ஆதங்கம் தெரிவித்தனர்.

ஆசிரியர் சதீஷை விடுவிக்கும் வரையில் தொடர்ந்து போராடுவோம் என்றும் ஆசிரியர்கள் தெரிவித்தனர். சதீஷ் சொல்லிக் கொடுப்பதிலும், நடவடிக்கையிலும் சிறந்தவர் என்று மாணவியரும் தெரிவிக்கின்றனர். பெற்றோர் மட்டுமன்றி மேலும் சிலர் கொடுத்த அழுத்தம் காரணமாக ஆசிரியர் சதீஷ் மீது காவல்துறையினர் நடவடிக்கை எடுத்துள்ளதாகவும் ஆசிரியர்களும், மாணவர்களும் தெரிவித்தனர். 

Advertisement:
Advertisement:
Advertisement:
[X] Close