[X] Close
JUST IN
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

வாட்ஸ்அப் குழு மூலம் குளத்தை தூர்வாரிய இளைஞர்கள்

youngsters-dredger-pond-from-whatsapp-group-in-virudhunagar

வாட்ஸ் அப்பில் கிராம சேவைக்கான குழுவை அமைத்து, சாக்கடையாக மாறிய குளத்தை விருதுநகர் இளைஞர்கள் தூர்வாரியுள்ளனர். 

விருதுநகர் மாவட்டம் ஸ்ரீவில்லிபுத்தூர் அருகே உள்ள நூர்சாகிபுரம் என்ற கிராமத்தில் தான் இந்த அதிரடி மாற்றம் ஏற்பட்டுள்ளது. துர்நாற்றம் வீசிய ‌சாக்கடை இருந்துள்ளது அப்பகுதியில் உள்ள குளம். இது அழகிய குளமாக மாறியதற்கு சமூக வலைத‌ளமான வாட்ஸ் ‌அப்தான் காரணம் என்கின்றனர் கிராம மக்கள். குப்பைகளை அகற்றி, குளத்தை மீட்டெடுக்கும் முயற்சியை வாட்ஸ் அப் குழு மூலம் இளைஞர்கள் தொடங்கியதும், அதற்கு ஊர் மக்களும் தோள் கொடுக்க ஆரம்பித்துள்ளனர். 

தூர்வார அரசு தரப்பில் நிதி கிடைக்காததால், தினசரி கூலியில் இருந்து தங்களால் முடிந்த தொகையை கிராம மக்க‌ள் நன்கொடையாக கொடுத்து உதவியுள்ளனர். ஒரு கட்டத்தில் செலவு 2 லட்சத்தை தொட்ட நிலையில், வீட்டில் இருந்த நகைகளையும் அடகு வைத்து நிதி பற்றாக்குறையை சமாளித்துள்ளனர். குளத்தை மீட்டெடுப்பதற்காக முதலில் குப்பை கொட்டுவதை நிறுத்தும்படி ஊர் மக்களிடம் பிரச்சாரம் செய்யப்பட்டுள்ளது. அத்துடன் சொந்த செலவிலேயே குப்பைத் தொட்டி அமைத்து, அதை தினசரி அகற்றுவதற்காக பணியாளர் ஒருவரையும் நியமித்துள்ளனர் வாட்ஸ் அப் இளைஞர் குழுவினர்.

ஒன்றுபட்டால் உண்டு வாழ்வு என்பதை நிஜமாக்கும் வகையில், அரசின் உதவியை எதிர்நோக்காமல், ஒட்டுமொத்த கிராம மக்களும் ஒன்று சேர்ந்து குளத்தை தூர்வாரியிருப்பது விருதுநகர் மாவட்ட மக்களை மிகுந்த ஆச்சரியத்தில் ஆழ்த்தியிருக்கிறது.
 

Advertisement:
இது தொடர்பான செய்திகள் :
Advertisement:
Advertisement:
[X] Close