[X] Close
JUST IN
  • BREAKING-NEWS பிரதமர் மோடியும், அவரது சகாக்களும் மீண்டும் ஆட்சிக்கு வர முடியாது - திருச்சியில் விசிகவின் தேசம் பாதுகோப்போம் மாநாட்டில் வைகோ பேச்சு
  • BREAKING-NEWS நாடாளுமன்ற தேர்தலுக்கு பின் மலரப்போகின்ற அரசு மாநில சுயாட்சியை உறுதி செய்யும் அரசாக அமையும் - திருச்சியில் விசிகவின் தேசம் பாதுகோப்போம் மாநாட்டில் வைகோ பேச்சு
  • BREAKING-NEWS ஜாக்டோ-ஜியோ போராட்டத்தில் பங்கேற்றுள்ள ஆசிரியர்கள் உடனடியாகவோ அல்லது ஜன.25க்குள் பணிக்கு திரும்ப சென்னை உயர்நீதிமன்றம் உத்தரவு
  • BREAKING-NEWS காங்கிரஸ் பொதுச்செயலாளர் பதவிக்கு ப்ரியங்கா காந்தி தகுதியானவர்தான் - திருமாவளவன்
  • BREAKING-NEWS கோடநாடு கொலை, கொள்ளை விவகாரத்தில் தன் மீது களங்கம் ஏற்படுத்தியதாக கூறி பத்திரிகையாளர் மேத்யூ சாமுவேல் மீது முதலமைச்சர் பழனிசாமி தரப்பில் ரூ.1.10 கோடி கேட்டு உயர்நீதிமன்றத்தில் மானநஷ்ட வழக்கு
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்

70 சதவீதம் ஏலக்காய் செடிகள் நாசம்... விலையோ கிடுகிடு..

the-price-of-cardamom-has-increased-due-to-kerala-flood

மழையால் 70 சதவீதம் ஏலக்காய் செடிகள் வரத்து குறைந்ததால் ஏலக்காய் விலை அதிகரித்துள்ளது.

கேரள மாநிலம் இடுக்கி மாவட்டத்தில் இந்த ஆண்டு தென்மேற்கு பருவமழை இரண்டு மாதங்களாக கன மழையாக பெய்ததால் மாவட்டம் முழுவதும் 11,340 ஹெக்டேர் பயிர்கள் நாசமாகி 62 கோடி ரூபாய் இழப்பு ஏற்பட்டுள்ளதாக கணக்கிடப்பட்டுள்ளது. இதில் 70 சதவீதம் ஏலக்காய் செடி என்பதால், வழக்கமான ஏலக்காய் வரத்து குறைந்துள்ளது. இதனால் ஏலக்காய் விலை கிலோ 1,600 ரூபாய் வரை அதிகரித்துள்ளது. 

இந்திய ஏலக்காய் உற்பத்தியில் கேரளா முதலிடம் வகிக்கிறது. மொத்த உற்பத்தியில் 60 சதவீதம் கேரளாவிலும், 30 சதவீதம் கர்நாடகாவிலும்,
மீதமுள்ள 10 சதவீதம் தமிழகம், அஸ்ஸாம் என இதர மாநிலங்களிலும் உற்பத்தியாகிறது. கேரளாவின் ஏலக்காய் உற்பத்தியில் இடுக்கி மாவட்டம் முதலிடம் பிடிக்கிறது. மாநிலத்தின் 80 சதவீத ஏலக்காய் உற்பத்தி இடுக்கி மாவட்டத்தில்தான் நடக்கிறது. இந்நிலையில் இடுக்கி மாவட்டத்தில் இந்த ஆண்டு தென்மேற்கு பருவமழை ஒரு வாரம் முன்னதாகவே மே இறுதி வாரத்தில் துவங்கி, தொடர்ந்து ஜூன் முதல்வாரத்தில் பலத்த காற்றுடன் கன மழையாக பெய்தது. சாரலாக தொடர்ந்த மழை ஜூலையில் இடைவிடாத கன மழையாகவும், ஆகஸ்ட் முதல் வாரத்தில் அதிதீவிர கன மழையாகவும் தீவிரமடைந்தது. 

மேலும் நிலச்சரிவுகளால் வீடுகள் சேதமடைந்தும், உயிரிழப்புகள் ஏற்பட்ட நிலையில், இடுக்கி மாவட்ட பிரதான தொழிலான விவசாயமும் முற்றிலும் அழிந்ததுள்ளது. குமுளி துவங்கி ஆனவிலாசம், சக்குபள்ளம், சாஸ்தாநடை, வண்டன்மேடு, புளியமலை, சாந்தம்பாறை உள்ளிட்ட பகுதிகளில் 11,340 ஹெக்டேர் பரப்பில் ஏலச்செடிகள் சேதமடைந்துள்ளது. இதனால் ஏலக்காய் விலை படிப்படியாக அதிகரித்து வருகிறது. 

மத்திய அரசின் “ஸ்பைசஸ் போர்ட் ஆஃப் இண்டியா” எனும் நறுமணப்பொருள் வாரியம் சார்பில் கேரள மாநிலம் இடுக்கி மாவட்டம் புத்தடியிலும், தேனி மாவட்டம் போடியிலும் ஏலக்காய் ஏலம் நடத்தப்பட்டு வருகிறது. இடுக்கி மாவட்டத்தின் மட்டும் வண்டன்மேடு, நெடுங்கண்டம், தேக்கடி உள்ளிட்ட 12 நிறுவனங்கள் இந்த ஏலக்காய் ஏலத்தை நடத்துகின்றன.

இதில் அதிகபட்சமாக கிலோ 1,100 ரூபாயாக இருந்த ஏலக்காய் தற்போது கிலோ 1,600 ரூபாய் வரையிலும், சராசரியாக 800 முதல் 900 ரூபாய் வரை விலைபோன ஏலக்காய் கிலோ 1,100 முதல் 1,200 ருபாய் வரையிலும் விலையேற்றம் பெற்றுள்ளது. ஏலக்காய் விலையேற்றம் மகிழ்ச்சி தரும் விஷயம் என்றாலும் விவசாயிகளிடத்தில் ஏலக்காய் இருப்பு இல்லாத நிலை ஏற்பட்டுள்ளது. அதோடு செடிகள் அழிந்ததால் ஏற்பட்ட இழப்பு இடுக்கி மாவட்ட ஏலக்காய் விவசாயிகளை மிகுந்த வருத்தத்தில் ஆழ்த்தியுள்ளது. ஏக்கருக்கு 50 ஆயிரம் ரூபாய் இழப்பீடு வழங்கவும் அவர்கள் அரசுக்கு கோரிக்கை வைத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close