[X] Close
JUST IN
  • BREAKING-NEWS தமிழக அரசு ஊழியர்களுக்கு 3% அகவிலைப்படி உயர்வு அறிவித்து அரசாணை வெளியீடு
  • BREAKING-NEWS கருத்துக்கணிப்புகளுக்குப்பின் பாஜக இருக்கிறது என கூறி எதிர்க்கட்சியினர் ஊடகங்களை உதாசீனம் செய்கிறார்கள் - தமிழிசை சவுந்தரராஜன்
  • BREAKING-NEWS கருத்துக்கணிப்புகள் திமுகவுக்கு சாதகமாக வந்தாலும் பாதகமாக வந்தாலும் அதை பொருட்படுத்துவதில்லை- தமிழகத்தில் திமுக பெரும்பான்மை இடங்களை பிடிக்கும் என்ற கருத்துக்கணிப்பு பற்றி மு.க.ஸ்டாலின் பேட்டி
  • BREAKING-NEWS தேசிய பங்குச்சந்தை குறியீட்டெண் நிஃப்டி 284 புள்ளிகள் உயர்ந்து 11,691ல் வர்த்தகம்
  • BREAKING-NEWS மும்பை பங்குச்சந்தை குறியீட்டெண் சென்செக்ஸ் 888.91 புள்ளிகள் உயர்ந்து 38,819ல் வர்த்தகம்
  • BREAKING-NEWS டெல்லியில் இன்று ராகுல் காந்தி, சோனியா காந்தியை மாயாவதி சந்திக்கவில்லை - பி.எஸ்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.82 காசுகளாகவும், டீசல் லிட்டருக்கு ரூ. 69.88 காசுகளாகவும் விலை நிர்ணயம்

தமிழகத்தின் 20 மாவட்டங்களில் பருவமழை பற்றாக்குறை

monsoon-deficit-in-20-districts-of-tamil-nadu

தமிழகத்தின் 20 மாவட்டங்களில் பருவமழை பற்றாக்குறையாக பெய்துள்ளது என இந்திய வானிலை ஆய்வு மையம் தெரிவித்துள்ளது.

இந்த ஆண்டு பருவமழை பற்றாக்குறை குறித்து இந்திய வானிலை மையம் வெளியிட்டுள்ள அறிக்கையில், தென்னிந்தியாவில் உள்ள 40 சதவிகித மாவட்டங்களில் பருவமழை பற்றாக்குறையாக பெய்துள்ளது என தெரிவிக்கப்பட்டுள்ளது. தென்னிந்தியாவில் உள்ள 125 மாவட்டங்களில் 56 மாவட்டங்களில் பருவமழை பற்றாக்குறையாக பெய்திருக்கிறது. 

தென்னிந்தியாவில் பருவமழை பற்றாக்குறையால் அதிகமாக பாதிக்கப்பட்டுள்ள மாநிலம் தமிழகம் என இந்த அறிக்கையில் குறிப்பிடப்பட்டுள்ளது. மொத்தமுள்ள 32 மாவட்டங்களில் 20 மாவட்டங்களில் பற்றாக்குறை ஏற்பட்டுள்ளது. புதுச்சேரியின் 4 மாவட்டங்களிலுமே பருவமழை பற்றாக்குறையாக பெய்துள்ளது. தெலங்கானா, ஆந்திரா மாநிலங்களிலும், கர்நாடகத்தின் 14 மாவட்டங்களிலும் பருவமழை பற்றாக்குறையால் பாதிக்கப்பட்டுள்ளன. 

ஆனால் கேரளாவில் மட்டும் 10 மாவட்டங்களில் மிக அதிகளவில் பருவமழை பெய்துள்ளது. அதே போல மத்திய நீர்வளத்துறை அமைச்சகம் வெளியிட்டுள்ள அறிக்கைப்படி, தென்னிந்தியாவில் உள்ள 31 பிரதான நீர்த்தேக்கங்களிலும் 76 சதவிகிதம் நீர் இருப்பு உள்ளது என தெரிவிக்கப்பட்டுள்ளது.

அதேபோல் சென்னைக்கு குடிநீர் வழங்கும் முக்கிய ஏரிகளாக பூண்டி, சோழவரம், புழல், செம்பரம்பாக்கம் உள்ளிட்ட ஏரிகள் உள்ளன. சோழவரம் ஏரி ஆயிரத்து 81 மில்லியன் கன அடி கொள்ளளவு கொண்டது. ஆனால் இன்றைய நிலவரப்படி, சோழவரம் ஏரியில் 1 மில்லியன் கன அடி தண்ணீர் மட்டுமே உள்ளது. 3 ஆயிரத்து 231 மில்லியன் கன அடி மொத்த கொள்ளளவு கொண்ட பூண்டி ஏரியில் 13 மில்லியன் கன அடி நீர் உள்ளது. செம்பரம்பாக்கம் ஏரியின் மொத்த கொள்ளளவு 3ஆயிரத்து 645 மில்லியன் கன அடியாக இருக்கும் நிலையில் தற்போது 467 மில்லியன் கன அடி மட்டுமே தண்ணீர் உள்ளது. 3 ஆயிரத்து 300 மில்லியன் கன அடி மொத்த கொள்ளளவு கொண்ட புழல் ஏரியில் 753 மில்லியன் கன அடி நீர் இருக்கிறது. ஒட்டுமொத்தமாக 4 ஏரிகளிலும் 10 சதவிகித நீர் மட்டுமே இருப்புள்ளது. ஆனால் பிற குடிநீர் ஆதாரங்கள் வலுவாக இருப்பதால் சென்னையில் குடிநீர் தட்டுப்பாடு ஏற்பட வாய்ப்பில்லை என அதிகாரிகள் தெரிவிக்கின்றனர்.

Read Also -> தமிழகத்தின் 20 மாவட்டங்களில் பருவமழை பற்றாக்குறை  

Advertisement:
இது தொடர்பான செய்திகள் :
Advertisement:
Advertisement:
[X] Close