[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

டூ வீலர் பின்னால் இருப்பவர்களுக்கும் ஹெல்மெட் கட்டாயம்: தமிழக அரசு

compulsory-helmet-for-people-who-sit-back-side-of-two-wheeler

இருசக்கர வாகனங்களில் பின்னால் அமர்ந்து செல்பவர்களும் தலைக்கவசம் அணிவதை கட்டாயமாக்கும் விதிகள் தமிழகத்தில் அமல்படுத்தப்படும் என சென்னை உயர்நீதிமன்றத்தில் அரசு உறுதி கூறியுள்ளது.

மோட்டார் வாகன சட்டப்படி ‌இரு சக்கர வாகனத்தில் பயணிக்கும் இருவருமே கட்டாயம் தலைக்கவசம் அணிய வேண்டும் என விதிகள் உள்ளன ‌என்றும், அதை அரசு முறையாக அமல்படுத்த உத்தரவிடக் கோரியும் சென்னை கொரட்டூரைச் சேர்ந்த ராஜேந்திரன் என்பவர் உயர்நீதிமன்றத்தில் பொதுநல வழக்குத் தொடர்ந்தார்.

இந்த வழக்கு நீதிபதி மணிக்குமார், நீதிபதி சுப்பிரமணியம் பிரசாத் அடங்கிய அமர்வு முன் விசாரணைக்கு வந்தது. அப்போது காவல்துறை தரப்பில் தாக்கல் செய்யப்பட்ட அறிக்கையை ஆராய்ந்த நீதிபதிகள் தலைக்கவசம் அணியாமல் வரும் வாகன ஓட்டிகள் மீது மட்டும் நடவடிக்கை எடுக்கப்பட்டுள்ளதாகவும், பின்னால் அமர்ந்து பயணிப்பவர்கள் மீது நடவடிக்கை எடுக்கப்பட்டதாக அறிக்கையில் சுட்டிக்காட்டப்படவில்லை என்றும் தெரிவித்தனர்.

இதைத் தொடர்ந்து இரு சக்கர வாகனங்களில் பின்னால் அமர்ந்து செல்பவர்களும் தலைக்கவச‌ம் அணிவது கட்டாயமாக்கப்படும் என அரசு கூடுதல் தலைமை வழக்‌கறிஞர் உறுதியளித்தார். இது குறித்து பத்திரிகை மற்றும் தொலைக்காட்சி மூலம் வாகன ஓட்டிகளுக்கு விழிப்புணர்வு ஏற்படுத்தப்படும் என்றும் தெரிவித்தார். இதையடுத்து வழக்கு விசாரணையை வரும் 31 ஆம் தேதிக்கு நீதிபதிகள் ஒத்திவைத்தனர்.

Advertisement:
Advertisement:
Advertisement:
[X] Close