[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்

கணவரின் உடலை எங்கே அடக்கம் செய்வது ? இரு மனைவிகளுக்கும் உயர்நீதிமன்றம் புது உத்தரவு 

fighting-with-two-wifes-new-order-of-the-high-court

இறந்த கணவரின் உடலுக்கு இறுதிச் சடங்கு செய்வது தொடர்பாக அவரது இரு மனைவிகளுக்கும் இடையே இரண்டு நாட்களுக்குள் உடன்பாடு ஏற்படாவிட்டால் அரசே அந்த உடலை அடக்கம் செய்யலாம் என்று சென்னை உயர்நீதிமன்றம் உத்தரவிட்டுள்ளது.

காஞ்சிபுரம் மாவட்டம் ஸ்ரீபெரும்புதூர் அடுத்த சோமங்கலம் கிராமத்தைச் சேர்ந்த தட்சிணாமூர்த்தி என்பவருக்கு தங்கம்மாள், கவுரி என இரு மனைவிகள் உள்ளனர். கோலப்பாக்கத்தில் உள்ள கவுரி வீட்டில் வசித்து வந்த தட்சிணாமூர்த்தி ஆகஸ்ட் 16ஆம் தேதி மரணமடைந்தார். இதுகுறித்து சோமங்கலத்தில் உள்ள தங்கம்மாள் குடும்பத்தினருக்கு தகவல் தெரிவிக்கப்பட்டது. கணவர் உடலை இந்து முறைப்படி சோமங்கலத்தில் அடக்கம் செய்ய வேண்டும் என தங்கம்மாள் கூறியுள்ளார். 

ஆனால் கிறிஸ்தவ முறைப்படி கோலப்பாக்கத்தில் அடக்கம் செய்ய வேண்டும் என்று தட்சிணாமூர்த்தி உயில் எழுதி வைத்துள்ளதாக கவுரி தெரிவித்துள்ளார். அதை ஏற்க மறுத்த தங்கம்மாள் காவல்நிலையத்தில் புகார் அளித்துள்ளார். அவர்கள் இருதரப்பிடமும் சமரசம் பேசியும் எந்தப் பயனும் இல்லை. இதனையடுத்து தட்சிணாமூர்த்தி உடலை கைப்பற்றி செங்கல்பட்டு அரசு மருத்துவமனையில் காவல்துறையினர் வைத்துள்ளனர். 

இந்த நிலையில் தட்சிணாமூர்த்தியின் உடலை ஒப்படைக்கவும், இறுதிச் சடங்கு நடத்தவும் உத்தரவிடக்கோரி, தங்கம்மாள் மற்றும் கவுரி ஆகியோர் சென்னை உயர்நீதிமன்றத்தில் மனுத்தாக்கல் செய்தனர். இந்த மனுவை விசாரித்த நீதிபதி பி.என்.பிரகாஷ், இருதரப்பினரும் இரண்டு நாட்களுக்குள் சமரசம் செய்து கொள்ளும்படி அறிவுறுத்தினார். இருவருக்குள்ளும் சமரசம் ஏற்படாவிட்டால் தட்சிணாமூர்த்தி உடலை உரிமை கோரப்படாத உடலாகக் கருதி அரசே அடக்கம் செய்ய வேண்டும் என காவல்துறையினருக்கும் வருவாய்த்துறையினருக்கும் உத்தரவிட்டுள்ளார்.


 

Advertisement:
Advertisement:
Advertisement:
[X] Close