[X] Close
JUST IN
  • BREAKING-NEWS நாட்டின் தண்ணீர் பற்றாக்குறையை போக்க ரூ.3.5 லட்சம் கோடி செலவிட மத்திய அரசு திட்டம் - பிரதமர் மோடி
  • BREAKING-NEWS திமுக போட்ட வழக்கினால் மன உளைச்சல் ஏற்பட்டுதான் ஜெயலலிதா மரணமடைந்தார் - நாங்குநேரி தேர்தல் பரப்புரையில் முதல்வர் பழனிசாமி பேச்சு
  • BREAKING-NEWS ராஜீவ் கொலை வழக்கில் சிறையில் உள்ள 7 பேரை விடுவிக்க தமிழக அரசு அழுத்தம் தர வேண்டும் - வைகோ
  • BREAKING-NEWS 7 பேர் விடுதலை குறித்து முதல்வர் பழனிசாமி விளக்கமளிக்க வேண்டும் - மு.க.ஸ்டாலின் ட்வீட்
  • BREAKING-NEWS ஐஎன்எக்ஸ் முறைகேடு வழக்கு: சிதம்பரம், கார்த்தி சிதம்பரம் மீது குற்றப்பத்திரிகை தாக்கல்
  • BREAKING-NEWS நாங்குநேரி பணப்பட்டுவாடா புகார் தொடர்பாக திமுக எம்.எல்.ஏ. சரவணகுமார் மீது வழக்குப்பதிவு

தலையை தட்டும் ஆவடி பூங்கா மின் வயர்கள்: பொதுமக்கள் அச்சம்

people-fear-about-electric-wire-in-avadi-park

ஆவடியில் புதிதாக அமைக்கப்பட்ட பூங்காவில் சிறுவர் விளையாட்டு திடல் மேல் மின் வயர்கள் மிக தாழ்வாக செல்வதால் அப்பகுதி மக்கள் அச்சம் அடைந்துள்ளனர்.

சென்னை ஆவடி பெருநகராட்சிக்கு உட்பட்ட 11-வது வார்டு செந்தில் நகர் பகுதியில் அம்ருத் திட்டத்தின் கீழ் சுமார் 37 லட்சம் மதிப்பீட்டில் கட்டப்பட்ட நவீன பூங்கா கடந்த மாதம் இறுதியில் துவக்கி வைக்கப்பட்டது. இந்த நிலையில் பூங்காவின் நடுவே இரண்டு மின் கம்பங்களை இணைக்கும் வயர் மிக தாழ்வாக செல்வதால் அப்பகுதி பொதுமக்கள் அச்சத்துடனே அப்பூங்காவினை பயன்படுத்தும் சூழல் ஏற்பட்டுள்ளது.

குறிப்பாக சிறுவர்கள் பயன்படுத்தும் விளையாட்டு உபகரணங்கள் மேலே செல்வதால் பெற்றோர்கள் தங்களது பிள்ளைகளை பூங்காவிற்கு அனுப்பவே தயங்குகின்றனர். மின் வயர்கள் மிகவும் தாழ்வாக செல்வதால் மழைக்காலம் தொடங்கி உள்ள நிலையில் அங்கு விளையாடி கொண்டிருக்கும் சிறுவர்கள் மற்றும் நடைபயிற்சி செல்பவர்கள் மீது மின்சாரம் தாக்குமோ என்ற அபாயம் உள்ளது.

இச்சூழலில் ஏதேனும் அசம்பாவிதங்கள் ஏற்படுவதற்கு முன் ஆவடி நகராட்சி நிர்வாகம் உடனடியாக அந்த மின் இணைப்பை மாற்றி அமைக்க ஏற்பாடு செய்ய வேண்டும் என அப்பகுதி மக்கள் கோரிக்கை விடுத்துள்ளனர். ஆபத்தை உணராமல் சிறுவர்கள் ஆனந்தமாய் விளையாடி வரும் நிலையில் கடந்த சில தினங்களுக்கு முன்பு ஆவடியில் ஒரு பூங்காவில் மின்சாரம் தாக்கி மாடு ஒன்று பலியானதால் பொதுமக்கள் மேலும் அச்சத்தில் உள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close