[X] Close
JUST IN
  • BREAKING-NEWS ரயில் கொள்ளை வழக்கில் கைதான 5 கொள்ளையர்களுக்கு நவம்பர் 26ம் தேதி வரை காவல் நீட்டித்து சைதாப்பேட்டை நீதிமன்றம் உத்தரவு
  • BREAKING-NEWS தருமபுரி : பிளஸ்2 மாணவி பாலியல் வன்கொடுமைக்கு ஆளாகி இறந்த வழக்கில் சதீஷ் என்பவர் நேற்று கைதுசெய்யப்பட்ட நிலையில் 2வது நபரான ரமேஷ் சேலம் நீதிமன்றத்தில் சரணடைந்தார்
  • BREAKING-NEWS மத்திய அமைச்சர் அனந்த்குமார் (59) உடல்நலக்குறைவால் காலமானார்
  • BREAKING-NEWS சென்னையில் பெட்ரோல் லிட்டருக்கு ரூ.80.56 காசுகளாகவும், டீசல் லிட்டருக்கு ரூ.76.43 காசுகளாகவும் விலை நிர்ணயம்
  • BREAKING-NEWS 3வது மற்றும் கடைசி டி-20 போட்டியில் இந்திய அணிக்கு 182 ரன்கள் இலக்கு நிர்ணயித்தது மேற்கு இந்திய தீவுகள் அணி
  • BREAKING-NEWS அடுத்த 24 மணி நேரத்தில் ‘கஜா’ தீவிர புயலாக மாறும் - சென்னை வானிலை ஆய்வு மையம்
  • BREAKING-NEWS இலங்கை சுதந்திர கட்சியில் இருந்து விலகி இலங்கை பொதுஜன முன்னணி கட்சியில் இணைந்தார் ராஜபக்ச; அவருடன் முன்னாள் எம்.பி.க்கள் 50 பேரும் இணைந்துள்ளனர்

379-வது பிறந்த நாளை கொண்டாடும் ‘சென்னை’ உருவான கதை..!

happy-birthday-to-chennai

சென்னை மாநகரம் தனது  379-வது பிறந்த நாளை இன்று கொண்டாடுகிறது. இந்த தருணத்தில் சென்னை நகரம் உருவான கதையை தெரிந்து கொள்வோம்.

வங்கக் கடலோரம் மணல் திட்டாக இருந்த ஒரு சிறிய பகுதிதான் இன்றைய சென்னைக்கு தொடக்கப்புள்ளியாக அமைந்தது. பரந்து விரிந்திருந்த அந்த மணல் திட்டு பகுதியை அதன் உரிமையாளர்களான தாமல் சென்னப்பநாயக்கரின் மகன்களான ஐயப்ப நாயக்கர், வெங்கடப்ப நாயக்கர் ஆகியோரிடம் இருந்து 1639-ஆம் ஆண்டு ஆகஸ்ட் மாதம் 22-ஆம் தேதி பிரான்சிஸ் டே என்ற ஆங்கிலேய வணிகர் வாங்கினார். அந்த இடத்தில் கிடங்கு ஒன்றையும் அமைத்து வணிகம் செய்தார். அந்த இடம்தான் தற்போது தலைமைச் செயலகமாக செயல்பட்டுக் கொண்டிருக்கும் செயிண்ட் ஜார்ஜ் கோட்டை. இந்த நிலப்பரப்பை பிரான்சிஸ் டே வாங்கிய நாளான ஆகஸ்ட் 22-ஆம் தேதியை மையமாக வைத்தே சென்னையின் பிறந்ததினம் கொண்டாடப்பட்டு வருகிறது.

இன்று சென்னை என்றும் அன்று மெட்ராஸ் என அறியப்படும் இடத்தில் காலூன்றிய ஆங்கிலேயர்கள் ஜார்ஜ் டவுன் என்ற பகுதியை உருவாக்கி அங்கு உள்ளூர் மக்களை குடியமர்த்தினர். இதுமட்டுமின்றி திருவல்லிக்கேணி, எழும்பூர், மயிலாப்பூர், புரசைவாக்கம் உள்ளிட்ட கிராமங்கள் ஆங்கிலேயர்களின் கட்டுப்பாட்டிற்குள் சென்றன. இதையடுத்து வளர்ந்த தொழில்கள் மற்றம் வணிகத்தால் தென்னிந்தியாவின் நுழைவு வாயிலாக சென்னை மாறியது. பஞ்சம் பிழைப்பதற்காக பல்வேறு ஊர்களில் இருந்து கூலித் தொழிலாளிகளாக பல்லாயிரக்கணக்க்கான மக்கள் தஞ்சம் புகத் தொடங்கினர். அன்று தொடங்கிய இந்த வளர்ச்சிதான் இன்றைய பிரமாண்டமான சென்னைக்கு விதை எனலாம். தற்போது சென்னை இந்தியாவின் 4ஆவது பெரியநகரமாகவும் உலக அளவில் முக்கியமான மாநகரங்களில் ஒன்றாகவும் விளங்குகிறது.

வாகனத் தொழிற்சாலைகள், மென்பொருள் சேவைகள், மருத்துவம், நிதி சேவைகள், பல்வேறு தொழிற்சாலைகள் என பிரமாண்ட வளர்ச்சியை சென்னை எட்டியுள்ளது. வாகன உற்பத்தித் தொழிலில் தெற்காசியாவின் டெட்ராய்ட் எனப்படும் சென்னை இந்திய மருத்துவ சுற்றுலாத் தொழிலின் தலைநகரமாகவும் விளங்கி வருகிறது.

இந்திய அளவில் மென்பொருள் ஏற்றுமதியில் இரண்டாம் இடம் வகிக்கும் சென்னை, மின்னணு பொருட்கள் தயாரிக்கும் மையமாகவும் திகழ்கிறது. வரும் 2025ஆம் ஆண்டில் சென்னையின் பொருளாதாரம் 150 பில்லியன் டாலராக உயரும் என்று கணிக்கப்பட்டுள்ளது. சாதாரண வணிக கிடங்கிற்காக உருவான சென்னை தற்போது உலகின் வணிக மையங்களில் ஒன்றாக உருமாறியுள்ளது.

Advertisement:
Advertisement:
Advertisement:
[X] Close