[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.41 காசுகளாகவும், டீசல் லிட்டருக்கு ரூ. 68.83 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS ஆஸ்திரேலியாவுக்கு எதிரான 2வது ஒருநாள் போட்டியில் இந்திய அணி வெற்றி
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

ஆளுநர் அளித்த தேநீர் விருந்தை புறக்கணித்த நீதிபதிகள்..?

judges-ignored-governor-tea-party

சுதந்திர தின விழாவையொட்டி, ஆளுநர் மாளிகையில் பன்வாரிலால் புரோஹித் அளித்த தேநீர் விருந்தை நீதிபதிகள் புறக்கணித்ததாக தகவல் வெளியாகி உள்ளது.

நாடு முழுவதும் 72-ஆவது சுதந்திர தின விழா கோலாகலமாக கொண்டாடப்பட்டு வருகிறது. சென்னை கிண்டியில் உள்ள ராஜ்பவனிலும் சுதந்திர தின விழா கொண்டாடப்பட்டது. அங்கு தேசியக்கொடியை ஏற்றிவைத்த தமிழக ஆளுநர் பன்வாரிலால், பாதுகாப்பு படையின் அணிவகுப்பு மரியாதையை ஏற்றுக் கொண்டார். இந்த நிகழ்வில், ஆளுநரின் கூடுதல் தலைமைச் செயலாளர் ராஜகோபால் உடனிருந்தார். பின்னர் பேசிய பன்வாரிலால், ஆளுநர் மாளிகையில் உள்ள குடும்ப உறுப்பினர்களான அலுவலர்கள் மற்றும் பணியாளர்களுடன் முதன்முறையாக தேசியக் கொடியை ஏற்றியதில் மட்டற்ற மகிழ்ச்சியடைவதாகத் தெரிவித்தார். பின்னர், ராஜ்பவனில் உள்ள ஊழியர்களின் குழந்தைகள், பணியாளர்கள் உள்ளிட்டோருக்கு ஆளுநர் இனிப்புகளை வழங்கினார்.

இதனிடையே சுதந்திர தின விழாவையொட்டி, ஆளுநர் மாளிகையில் பன்வாரிலால் புரோஹித் அளித்த தேநீர் விருந்தை நீதிபதிகள் புறக்கணித்ததாக தகவல் வெளியாகி உள்ளது. ஆளுநர் அளித்த தேநீர் விருந்தில் சென்னை உயர்நீதிமன்ற தலைமை நீதிபதி தஹில் ரமாணி மட்டும் பங்கேற்றதாகவும் கூறப்படுகிறது. சமீபத்தில் சென்னை உயர்நீதிமன்றத் தலைமை நீதிபதியாக தஹில் ரமாணி பதவியேற்றார். இந்த நிகழ்ச்சியில் நீதிபதிகளுக்கு பின் வரிசையில் இருக்கை ஒதுக்கியதாக கூறப்படுகிறது. இதனை கண்டித்தே ஆளுநர் அளித்த தேநீர் விருந்தை நீதிபதிகள் புறக்கணித்ததாக தகவல் வெளியாகி உள்ளது.

Advertisement:
Advertisement:
Advertisement:
[X] Close