[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

தேனியில் வீட்டில் பிரசவம் ! மாமனார் கைது

natural-delivery-in-home-by-an-couple-near-theni

மருத்துவர் இன்றி பிரசவம் பார்க்கக் கூடாது என அறிவுறுத்தப்பட்டு வரும் நிலையில், தேனி அருகே கோடாங்கிபட்டியைச் சேர்ந்த மகாலட்சுமி என்ற பெண்னுக்கு வீட்டிலேயே பிரசவம் பார்த்ததற்காக பெண்ணின் மாமனார்‌ கைது செய்யப்பட்டுள்ளார். 

தேனி அருகே கோடாங்கிபட்டியைச் சேர்ந்த கண்ணன் - மகாலட்சுமி தம்பதியினர். இவர்கள் இருவருக்கும் கடந்த 2 ஆண்டுகளுக்கு முன்பு திருமணம் செய்து கொண்டனர். பொறியியல் பட்டதாரியான கண்ணன் ஒப்பந்தம் வேலை செய்து வருகிறார். மகாலட்சுமி நிறைமாத கர்ப்பிணியாக இருந்த போது சுகப்பிரசவம் ஆக வேண்டும் என்று விரும்பி கண்ணன் மற்றும் மகாலட்சுமியும் இயற்க்கை மருத்துவம் முறையில் (சுகபிரசவம்) மீது ஆர்வம் கொண்டுள்ளனர். 

இதனிகிடையே மகாலட்சுமிக்கு மருத்துவர் தேதி குறித்து கொடுத்து இருந்ததாக கூறப்படுகிறது. இந்நிலையில் நேற்று முன்தினம் மகாலட்சுமிக்கு பிரசவ வலி ஏற்பட்டுள்ளது. இதனையெடுத்து கண்ணன் தன் மனைவிக்கு வீட்டிலேயே பிரசவம் பார்த்துள்ளார். நேற்று காலை 5 மணியளவில் அவருக்கு அழகான ஆண்  குழந்தை பிறந்தது.  ஆனால் பிரசவம் முடிந்து குழந்தையின் தொப்புள் கொடியுடன் இணைந்துள்ள நச்சுக் கொடியை அகற்றாமல் வைத்துள்ளார்.

இச்சம்பவம் பற்றி மருத்துவத்துறைக்கு தகவல் கிடைத்ததுள்ளது. இதனால் 108 ஆம்புலன்ஸ் மூலம் மருத்துவக்குழுவினர் அங்கு சென்றனர். ஆனால் கணவன்,மனைவி இருவரும் நச்சுக் கொடியை அகற்ற மருத்துவக்குழுவுக்கு எதிர்ப்பு தெரிவித்தனர். இதையடுத்து மருத்துவ குழுவினர் அவர்களது வீட்டின் அருகிலேயே நாள் முழுவதும் காத்திருந்தனர். பின்பு மருத்துவகுழு அதிகாரிகளை பணி செய்யவிடாமல் தடுத்ததாக பழனிசெட்டிபட்டி காவல் நிலையத்தில் புகார் அளித்தனர். அதனைதொடந்து காவல்துறை அதிகாரிகள் அவருடைய வீட்டுக்கு சென்று அவர்களிடம் பேச்சுவார்த்தை நடத்தினர்.

இதனையெடுத்து தாய் மற்றும் குழந்தையை மருத்துவமனையில் அனுமதிக்குமாறு காவல்துறையினரும், மருத்துவ அதிகாரிகளும் அறிவுறுத்தினர். பின் மருத்துவக் குழுவினர் உதவியுடன் குழந்தையை பரிசோதனை செய்து  டேம்புசேரி அரசு ஆரம்ப சுகாதார நிலையத்தில் குழந்தையையும் தாயையும் அனுமதித்தனர்.  மேலும் வீட்டில் நுழை‌ய வி‌டாமல் மருத்துவ அதிகாரிகளை தடுத்ததாகப் மருத்துவ அதிகாரிகள் அளித்த புகாரின்பேரில் கணவர் கண்ணன், அவரது தந்தை தனுஷ்கோடி மற்றும் தாயார் அழகம்மாள் மீது வழக்கு பதிவு செய்தனர். பழனிசெட்டிபட்டி காவல்துறை பெண்ணின் மாமனார்‌ தனுஷ்கோடியை கைது  செய்துள்ளனர்.

Advertisement:
Advertisement:
Advertisement:
[X] Close