[X] Close
JUST IN
  • BREAKING-NEWS மேகதாது அணை கட்டுவதற்கான கர்நாடகாவின் திட்ட அறிக்கையை நிராகரிக்க வேண்டும்; மேகதாதுவில் அணை கட்ட மத்திய அரசு சுற்றுச்சூழல் அனுமதியை வழங்கக் கூடாது - பிரதமருக்கு முதல்வர் பழனிசாமி கடிதம்
  • BREAKING-NEWS விங் கமாண்டர் அபிநந்தனுக்கு விருது வழங்குவதுடன், அவரது மீசையை ‘தேசிய மீசை’யாக அறிவிக்க வேண்டும் - மக்களவை காங்கிரஸ் குழு தலைவர் ஆதிர் ரஞ்சன் சவுத்ரி மத்திய அரசுக்கு வலியுறுத்தல்
  • BREAKING-NEWS மக்களவை எம்.பி. சு.வெங்கடேசன், முன்னாள் எம்.பி. ஏ.ஜி.எஸ்.ராம்பாபு ஆகியோர் மத்திய அமைச்சர் நிர்மலா சீதாராமனுடன் சந்திப்பு
  • BREAKING-NEWS மத்திய வெளியுறவுத்துறை அமைச்சர் ஜெய்ஷங்கர், பாஜக செயல் தலைவர் ஜே.பி.நட்டா தலைமையில் முறைப்படி அக்கட்சியில் இணைந்தார்
  • BREAKING-NEWS தமிழக சட்டப்பேரவை கூட்டத்தொடரை ஜூன் 28 முதல் ஜூலை 30ம் தேதி வரை நடத்த முடிவு
  • BREAKING-NEWS நீட் தேர்வில் இருந்து தமிழகத்திற்கு விலக்கு அளிக்க வேண்டும்- மாநிலங்களவையில் திருச்சி சிவா கோரிக்கை
  • BREAKING-NEWS தமிழகத்திற்கு தரவேண்டிய நிலுவைத்தொகை ரூ.13,000 கோடியை மத்திய அரசு வழங்க வேண்டும்- மாநிலங்களவையில் அதிமுகவின் மைத்ரேயன் பேச்சு

தொழில் போட்டி காரணமாக காங்., பிரமுகர் கொலை.. 6 பேர் கைது..!

pondicherry-congress-leader-murder-case-six-persons-arrested

புதுச்சேரியில் வட்டார காங்கிரஸ் துணை தலைவரை தொழில் போட்டி காரணமாக கூலிப்படை வைத்து கொலை செய்த 6 பேரை போலீசார் கைது செய்தனர்.

புதுச்சேரியை அடுத்த காலாப்பட்டு பகுதியை சேர்ந்தவர் ஜோசப் (எ) ரவி. இவர் காங்கிரஸ் கட்சியில் வடக்கு மாவட்ட துணை தலைவராக செயல்பட்டு வந்தார். இவர் நேற்று முன் தினம் தனது இருசக்கர வாகனத்தில் காலாப்பட்டில் இருந்து புதுச்சேரி நோக்கி சென்று கொண்டிருந்த போது தமிழக பகுதியான பெரிய முதலியார்ச்சாவடி அருகே ஹெல்மெட் அணிந்து வந்த மர்ம நபர்களால் சரமாரியாக வெட்டி தாக்குதலுக்கு ஆளாக்கப்பட்டார். இதில் நிலைகுலைந்து கிழே விழுந்த அவரை புதுச்சேரி அரசு பொது மருத்துவமனைக்கு கொண்டு சென்றனர். ஆனால் வரும் வழியிலேயே ஜோசப் இறந்துவிட்டதாக மருத்துவர்கள் தெரிவித்தனர்.  

சம்பவத்தை பற்றி அறிந்த முதல்வர் நாராயணசாமி மருத்துவமனைக்கு சென்று நேரில் பார்த்து ஜோசப் குடும்பத்தினருக்கு ஆறுதல் கூறினார். இந்த சம்பவம் குறித்து விழுப்புரம் மாவட்ட ஆரோவில் போலீசார் தனிப்படை அமைத்து கொலையாளிகளை தீவிரமாக தேடிவந்தனர். 


அதன்படி இந்த கொலை வழக்கில் தொடர்புடைய சந்திரசேகர், செல்வக்குமார், பார்த்திபன் முகுந்தராஜ், குமரேசன், ஆனந்தன் ஆகிய 6 பேரை ஆரோவில் போலீசார் இன்று கைது செய்தனர். கைது செய்யப்பட்டவர்களிடம் நடத்தப்பட்ட விசாரணையில், காலாப்பட்டில் செயல்படும் தனியார் ரசாயன தொழிற்சாலை விரிவாக்கம் விவகாரம் தொடர்பாக ஜோசப்க்கும், சந்திரசேகர் என்பவருக்கும் தொழில் போட்டி ஏற்பட்டு அதன் காரணமாகவே கூலி படையை ஏவி கொன்றது தெரியவந்தது.

Advertisement:
Advertisement:
Advertisement:
[X] Close