[X] Close
JUST IN
  • BREAKING-NEWS கோடநாடு விவகாரத்தில் தொடர்புடைய கூலிப்படையினருக்கு திமுகவை சேர்ந்த வழக்கறிஞர்கள் உதவுகின்றனர் - முதல்வர் பழனிசாமி
  • BREAKING-NEWS ஸ்டாலின் கனவில் வேண்டுமானால் முதலமைச்சராகலாம், எந்தக்காலத்திலும் முதல்வராக முடியாது - முதல்வர் பழனிசாமி
  • BREAKING-NEWS சசிகலாவிற்கு விதியை மீறி சிறப்பு வசதிகள் செய்து கொடுத்தவர்கள் தண்டிக்கப்பட வேண்டும் - பெங்களூரு சிறைத்துறை டிஐஜியாக பதவி வகித்த ரூபா ஐபிஎஸ் புதிய தலைமுறைக்கு பேட்டி
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது

பிறந்தநாள் கேக்குடன் சோகம் - காதல் தம்பதி மர்ம மரணம்!

thiruvallur-newly-love-married-couple-attend-suicide

மீஞ்சூர் அருகே காதல் தம்பதியின் உடல்கள் அவர்களது வீட்டில் இருந்து கண்டெடுக்கப்பட்டுள்ளன. 

திருவள்ளூர் மாவட்டம் மீஞ்சூர் அருகே கேசவபுரத்தைச் சேர்ந்தவர்கள் வெங்கடேஷ் - தனலட்சுமி தம்பதி. இருவரும் 3 மாதங்களுக்கு முன் காதல் திருமணம் செய்துள்ளனர். வெங்கடேஷ் எண்ணூரில் உள்ள நிறுவனம் ஒன்றில் வேலைபார்த்து வந்தார். இந்த நிலையில் இன்று காலை வெகுநேரம் ஆகியும் வெங்கடேஷ் வீடு திறக்கப்படாததால் அக்கம்பக்கத்தினர் ஜன்னல் வழியே உள்ளே பார்த்துள்ளனர். அங்கே தனலட்சுமி ‌வாயில் நுரை தள்ளிய நிலையில் படுக்கையிலும், வெங்கடேஷ் மின்விசிறியில் தூக்கிட்ட நிலையிலும் உயிரிழந்து கிடந்துள்ளனர். 

தகவலறிந்து நிகழ்விடத்துக்கு வந்த காவல்துறையினர் இருவரின் உடல்களையும் கூறாய்வுக்காக பொன்னேரி அரசு மருத்துவமனைக்கு அனுப்பி வைத்தனர். உயிரிழந்த வெங்கடேஷுக்கு நேற்று பிறந்தநாள். அதைக் கொண்டாடுவதற்காக வாங்கப்பட்ட கேக் வீட்டில் இருந்துள்ளது. வீட்டிலிருந்து கடிதம் ஒன்று கிடைத்ததாக கூறப்படுகிறது. அதில் தங்கள் இறப்புக்கு யாரும் காரணமில்லை என்று தனலட்சுமி கைப்பட எழுதியிருப்பதாக தெரிகிறது. எனவே இருவரும் தற்கொலை செய்து கொண்டிருக்கலாம் என்ற கோணத்தில் காவல்துறையினர் விசாரணை நடத்தி வருகின்றனர்.

தற்கொலை என்பது எதற்கும் முடிவல்ல. மனித உயிரை மாய்த்துக்கொள்வதற்கான உரிமை யாருக்கும் இல்லை. தற்கொலை எண்ணம் மேலிடும் போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டுள்ளது. அதற்காகவே சினேஹா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களின் எண்ணில் அழைத்து இலவசமாக ஆலோசனை பெறலாம்.

(சினேஹா தன்னார்வ தொண்டு நிறுவனம்,

எண்; 11, பார்க் வியூவ் சாலை,

ஆர்.ஏ. புரம்,

சென்னை - 600 028.

தொலைபேசி எண் - +91 44 2464 0050,   +91 44 2464 0060)

 

Advertisement:
இது தொடர்பான செய்திகள் :
Advertisement:
Advertisement:
[X] Close