[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

"ஆதார் இருந்தால் மட்டுமே இந்தியர் கிடையாது" -உயர்நீதிமன்றம் 

indian-ids-won-t-confer-citizenship-on-foreigners-madras-high-court

ஆதார் அட்டை வைத்திருப்பதால் மட்டுமே ஒருவர் இந்திய குடியுரிமை உள்ளவராகி விட முடியாது என்று சென்னை உயர்நீதிமன்றம் கூறியுள்ளது.

திவ்யா என்பவர் தாக்கல் செய்த மனுவில், சட்டவிரோதமாக இந்தியா வந்துள்ளதாகக் கூறி சென்னை விமான நிலைய அதிகாரிகள் ஜூலை ஒன்றாம் தேதி தனது தாயார் ஜெயந்தியை கைது செய்துள்ளதாக தெரிவித்துள்ளார். இலங்கையில் பிறந்த ஜெயந்தி, போரின் காரணமாக தமிழகத்திற்கு வந்து பிரேம்குமார் என்பவரை திருமணம் செய்துகொண்டு இங்கேயே வசித்து வருவதாகவும் குறிப்பிட்டிருந்தார். அவர் இந்தியர் என்பதற்கு ஆதார் அட்டை, வாக்காளர் அடையாள அட்டை உள்ளிட்ட அனைத்து ஆதாரங்களும் இருந்ததாகவும் சுட்டிக்காட்டினார். இந்நிலையில் பணி நிமித்தமாக அடிக்கடி இத்தாலி சென்று வந்துகொண்டிருந்த ஜெயந்தி கைது செய்யப்பட்டுள்ளதாகவும் அவரை விடுவிக்க வேண்டும் எனவும் வலியுறுத்தினார். 

இந்த வழக்கு நீதிபதி டி.ராஜா முன் விசாரணைக்கு வந்தபோது, ஜெயந்தியின் இலங்கை பாஸ்போர்ட் 1994-ம் ஆண்டு காலாவதியான நிலையில், சட்டவிரோதமாக இந்தியாவில் பாஸ்போர்ட் பெற்றுள்ளதாக மத்திய அரசு குற்றம்சாட்டியது. இதை ஏற்றுக் கொண்ட நீதிபதி டி.ராஜா, ஆதார் அட்டை, வாக்காளர் அடையாள அட்டை, உள்ளிட்டவைகளை பெற்றுவிட்டதால் மட்டும் ஒருவர் இந்திய குடியுரிமை பெற்றவராக ஆகி விட முடியாது என்று கூறினார். சம்பந்தப்பட்ட அரசு அமைப்புகள் அங்கீகரித்தால் மட்டுமே இந்திய குடியுரிமை உள்ளவராக கருத முடியும் என கூறிய நீதிபதி, மனுவை தள்ளுபடி செய்தார்.

Advertisement:
இது தொடர்பான செய்திகள் :
Advertisement:
Advertisement:
[X] Close