[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.28 காசுகளாகவும், டீசல் லிட்டருக்கு ரூ. 69.57 காசுகளாகவும் விலை நிர்ணயம்
  • BREAKING-NEWS புல்வாமா தாக்குதலை தொடர்ந்து டெல்லியில் உள்துறை அமைச்சர் ராஜ்நாத் சிங் தலைமையில் நாளை அனைத்துக் கட்சி கூட்டம் நடைபெறுகிறது
  • BREAKING-NEWS தமிழகத்தில் மார்ச் 10ம் தேதி தீவிர போலியோ சொட்டு மருந்து முகாம் நடைபெறும்
  • BREAKING-NEWS புல்வாமா பயங்கரவாத தாக்குதலை தொடர்ந்து பாகிஸ்தானில் உள்ள இந்திய தூதர் டெல்லி திரும்ப மத்திய அரசு உத்தரவு
  • BREAKING-NEWS புல்வாமா பயங்கரவாத தாக்குதலுக்கு பாகிஸ்தான் பதில் சொல்லியே ஆக வேண்டும்; சரியான, உறுதியான பதிலடி கொடுக்கப்படும் - மத்திய அமைச்சர் நிதின் கட்கரி

ஆற்றில் சிக்கிய வாயில்லா ஜீவன்கள் ! கடுமையான போராட்டங்களுக்கு பின்பு மீட்பு

the-cattle-that-are-trapped-in-the-thamirabarani-river

தாமிரபரணி ஆற்றுக்குள் அமலைச் செடியில் சிக்கிக்கொண்ட சுமார் 62-க்கும் அதிகமான மாடுகள் மீட்கப்பட்டன. மேலும் பல மாடுகளை மீட்கும் பணி நடந்து வருகிறது.

நெல்லை மாவட்டம் பாபநாசம் அணையிலிருந்து நேற்று தண்ணீர் திறந்துவிடப்பட்டது. இதனால் ஆற்றில் தண்ணீர் வரத்து திடீரென்று அதிகரித்தது. இதில், ஸ்ரீவைகுண்டம் அருகில் உள்ள கலியாவூரில், தாமிரபரணி ஆற்றுக்குள் சென்றுகொண்டிருந்த சுமார் 100 மாடுகள் சிக்கிக்கொண்டன. மேய்ச்சலுக்கு அழைத்துச்சென்று வீடு திரும்பும் போது ஆற்றில் நீர்வரத்து அதிகரித்ததால் ஆற்றுக்குள் முளைத்திருக்கும் அமலை செடிகளில் மாடுகள் சிக்கிக்கொண்டன. இதையடுத்து மாடுகளை மீட்கும் பணியில் தீயணைப்புத்துறையினருடன் அங்குள்ள பொதுமக்களும் ஈடுபட்டனர். இதில் 62 மாடுகள் மீட்கப்பட்டன. 

போதுமான அளவு மீட்பு படையினர் இல்லாததால் மீட்பு பணியை மேலும் தொடர முடியவில்லை. இதனால் மற்ற மாடுகளை மீட்பதற்காக, ஆற்றின் நீர் வரத்தை குறைக்கும் வகையில் மருதூர் அணைக்கட்டின் கீழக்கால், மேலக்கால் வழியாக தண்ணீர் திறந்து விடப்பட்டுள்ளது. மேலும் பொக்லைன் மூலம் அமலைச்செடிகளை அகற்றலாமா என்றும் ஆலோசித்து வருகின்றனர். 

சம்பவ இடத்தில் தற்போது மீட்பு பணி அதிகாரிகளுடன் கால்நடை மருத்துவ குழுவும், வருவாய் துறை அதிகாரிகளும் முகாமிட்டுள்ளனர்.

தகவல்கள் : நாகராஜ் -செய்தியாளர் ,நெல்லை

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close