[X] Close
JUST IN
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு
  • BREAKING-NEWS சென்னையில் முதல்வர் பழனிசாமி தலைமையில் தமிழக அமைச்சரவை கூட்டம் தொடங்கியது
  • BREAKING-NEWS கர்நாடகா மாநிலத்தின் காங்கிரஸ் எம்எல்ஏக்களை கடத்தியதால்தான் பாஜக தலைவர் அமித்ஷாவுக்கு பன்றிக்காய்ச்சல் வந்தது - பி.கே.ஹரிபிரசாத்
  • BREAKING-NEWS சென்னையில் பெட்ரோல் லிட்டருக்கு ரூ. 73.23 காசுகளாகவும், டீசல் லிட்டருக்கு ரூ. 68.62 காசுகளாகவும் விலை நிர்ணயம்
  • BREAKING-NEWS எச்.ஐ.வி. ரத்தம் ஏற்றப்பட்ட சாத்தூர் பெண்ணுக்கு பெண் குழந்தை பிறந்தது
  • BREAKING-NEWS மக்களவை தேர்தலுக்கு தயாராக இருக்க மாநில அரசுக்கு தேர்தல் ஆணையம் உத்தரவு; சொந்த மாவட்டத்திலோ அல்லது 3 ஆண்டுகளுக்கு மேலாக ஒரே இடத்திலோ பணியாற்றும் அரசு அதிகாரிகளை பிப்ரவரி 28-ஆம் தேதிக்குள் இடமாற்றம் செய்ய உத்தரவு
  • BREAKING-NEWS வண்டலூர் அறிஞர் அண்ணா உயிரியல் பூங்காவிற்கு கடந்த 4 நாட்களில் 1 லட்சம் பேர் வருகை தந்துள்ளனர் - பூங்கா நிர்வாகம்

மீன்களை பதப்படுத்த பிணத்திற்குப் பயன்படுத்தப்படும் ரசாயனம்? - மக்கள் அதிர்ச்சி!

formalin-chemical-used-for-kneading-fish-in-chennai

சென்னையில் விற்கப்பட்ட மீன்களில் புற்றுநோயை உண்டாக்கும் ரசாயனம் கலக்கப்பட்டிருப்பது உறுதியாகியுள்ளது.

சென்னை காசிமேடு, சிந்தாதரிப்பேட்டை உள்ளிட்ட மீன் மார்க்கெட்களில் விற்கப்படும் மீன்களை பதப்படுத்த ரசாயனம் பயன்படுத்துவதாக குற்றச்சாட்டுகள் எழுந்தன. குறிப்பாக இறந்த மனித உடல்களை பதப்படுத்துவதற்கு பயன்படுத்தப்படும், ஃபார்மலின் ரசாயனத்தை மீன்கள் கெட்டுப்போகாமல் இருக்க தெளிப்பதாகவும் கூறப்பட்டது. இந்நிலையில் இன்று சிந்தாதரிப்பேட்டை மீன் மார்க்கெட்களில் மீன்வளத்துறை மற்றும் உணவுப் பாதுகாப்புத்துறை அதிகாரி திடீர் ஆய்வு மேற்கொண்டனர். அப்போது சில கடைகளில் இருந்த மீன்களை பரிசோதித்து, சந்தேகத்தின் அடிப்படையில் ஆய்வுக்கு அனுப்பினர். 

ஆய்வில் மீன்கள் கெட்டுப்போகாமல் இருக்க ரசாயனம் பயன்படுத்தப்பட்டிருப்பது உறுதி செய்யப்பட்டது. ரசாயனம் தெளிக்கப்பட்ட மீன்களை விற்பனை செய்தவர்கள் மீது உரிய நடவடிக்கை எடுக்கப்படும் என அதிகாரிகள் தெரிவித்துள்ளனர். ஃபார்மலின் ரசாயனம் என்பது மனிதர்களுக்கு புற்றுநோயை உண்டாக்கும் தன்மை கொண்டதாகும். கேரளாவில் கடந்த வாரம் மேற்கொள்ளப்பட்ட ஆய்வில், ஃபார்மலின் தெளிக்கப்பட்ட சுமார் 12 ஆயிரம் கிலோ மீன்கள் பறிமுதல் செய்யப்பட்டன. இந்த மீன்களில் பெரும்பாலானவை தமிழகத்திற்கு ஏற்றுமதி செய்ய வைக்கப்பட்டிருந்த மீன்கள் எனக் கூறப்படுகின்றது. 

இன்று சென்னையில் மேற்கொள்ளப்பட்ட ஆய்வின் போது 30 மீன்கள் பரிசோதனைக்கு அனுப்பப்பட்டன. இதில் 11 மீன்கள் ஃபார்மலின் தெளிக்கப்பட்டவை என்பது உறுதி செய்யப்பட்டுள்ளது. மீன்களில் ரசாயனம் தெளிக்கப்பட்டிருப்பது உறுதி செய்யப்பட்டதால், மீன் வாங்குவதில் பொதுமக்களிடையே அச்சமான சூழ்நிலை ஏற்பட்டுள்ளது. இதனால் மீன்களில் விலையும் சரிவடையத் தொடங்கியுள்ளது. 

Advertisement:
இது தொடர்பான செய்திகள் :
Advertisement:
Advertisement:
[X] Close