[X] Close
JUST IN
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.
  • BREAKING-NEWS சென்னையில் பெட்ரோல் லிட்டருக்கு ரூ. 73.99 காசுகளாகவும், டீசல் லிட்டருக்கு ரூ. 69.62 காசுகளாகவும் விலை நிர்ணயம்

மெட்ரோவில் வேலை என நூதன மோசடி; ஒருவர் கைது 

innovative-fraud-as-work-in-the-metro-one-person-arrested

போலி இணையதளம் மூலம் சென்னை மெட்ரோ ரயில் நிறுவனத்தில் வேலை வாங்கித்தருவதாகக் கூறி நூதன மோசடியில் ஈடுபட்டதாக கேரளாவைச் சேர்ந்த பட்டதாரி இளைஞரை காவல்துறையினர் கைது செய்துள்ளனர்.

சென்னை மெட்ரோ ரயில் நிறுவனத்தின் இணையதளத்தை திறந்தவுடன் ஒரு அறிவிப்பு வருகிறது. ஆங்கிலம் மற்றும் தமிழில் வெளியிடப்பட்டுள்ள அந்த அறிவிப்பில் மெட்ரோவில் உள்ள வேலைவாய்ப்புகள் தொடர்பான தகவல்கள் அனைத்தும் அதிகாரப்பூர்வ இணையதளமான chennaimetrorail.org-யிலும், நாளேடுகளிலும் அவ்வப்போது வெளியிடப்படுவதாக கூறப்பட்டுள்ளது. மேலும் மெட்ரோ ரயில் நிறுவனத்தில் வேலைவாய்ப்புகள் இருப்பதாக வெளியாகும் போலி விளம்பரங்களை கண்டு மக்கள் ஏமாற வேண்டாம் என்றும் கேட்டுக் கொள்ளப்பட்டுள்ளது.

சென்னை மெட்ரோ ரயில் நிறுவனத்தின் பெயரால் நடத்தப்படும் மோசடிகளே இந்த அறிவிப்புக்கு காரணம். அண்மையில் மெட்ரோ ரயில் நிறுவனத்தின் பொது மேலாளர் சென்னை காவல் ஆணையரிடம் புகார் ஒன்றை அளித்தார். அதில் சென்னை மெட்ரோ ரயில் நிறுவனத்தின் இணையதளத்தைப் போலவே www.cmrlco.org என்ற முகவரியில் போலி இணையதளம் நடத்தப்பட்டு வருவதாக அதிர்ச்சி தகவலை கூறியிருந்தார். இதுகுறித்து சைபர் க்ரைம் காவல்துறை நடத்திய விசாரணையில், சென்னை மெட்ரோ ரயில் நிறுவனத்தின் இணையதளத்தில் இருந்து புகைப்படங்கள் மற்றும் தகவல்களை திருடி அதன் வடிவமைப்பிலேயே போலி இணையதளம் செயல்பட்டு வந்தது தெரியவந்தது.

போலி இணையதளம் நடத்தி, அதில் மெட்ரோ ரயில் நிறுவனத்தில் வேலை வாய்ப்புகள் இருப்பதாக விளம்பரங்கள் வெளியிட்டதாகவும், அதை நம்பி விண்ணப்பித்தவர்களிடம் பணம் பெற்று மோசடி செய்ததாகவும் ஒருவர் கைது செய்யப்பட்டுள்ளார். மோசடிப் புகாரில் கேரளாவைச் சேர்ந்த பட்டதாரி இளைஞர் ஸ்ரீஜித் என்பவரை சைபர் க்ரைம் காவல்துறையினர் கைது செய்துள்ளனர். மலப்புரம் மாவட்டத்தைச் சேர்ந்த ஸ்ரீஜித்தை கேரளாவுக்கே சென்று கைது செய்தது தமிழக காவல்துறை. சென்னை அழைத்து வரப்பட்ட ஸ்ரீஜித் நீதிமன்றத்தில் நிறுத்தப்பட்டு சிறையில் அடைக்கப்பட்டார்.

வீடியோ

Advertisement:
இது தொடர்பான செய்திகள் :
Advertisement:
Advertisement:
[X] Close