[X] Close
JUST IN
  • BREAKING-NEWS சென்னையில் பெட்ரோல் லிட்டருக்கு ரூ. 73.65 காசுகளாகவும், டீசல் லிட்டருக்கு ரூ. 69.14 காசுகளாகவும் விலை நிர்ணயம்
  • BREAKING-NEWS கேக்குறவன் கேனப்பயலா இருந்தா எறும்பு ஏரோப்பிலேன் ஓட்டுது என்று சொல்வார்களாம்; அதுபோல் இருக்கிறது கோடநாடு விவகாரத்தில் என்னை தொடர்புபடுத்துவது - முதல்வர் எடப்பாடி பழனிசாமி
  • BREAKING-NEWS மக்களவை தேர்தல் தேதியை மார்ச் முதல் வாரத்தில் தேர்தல் ஆணையம் அறிவிக்க வாய்ப்பு என தகவல்; மக்களவை தேர்தல் 6 அல்லது 7 கட்டங்களாக நடைபெற வாய்ப்புள்ளதாகவும் தகவல்
  • BREAKING-NEWS கோடநாடு விவகாரத்தில் சயான், மனோஜ் இருவரும் பிணைத் தொகையை செலுத்தியதை தொடர்ந்து ஜாமீன் வழங்கப்பட்டது
  • BREAKING-NEWS திமுக எம்எல்ஏக்கள் மட்டுமல்ல தமிழகமே அதிமுக ஆட்சி கலைய காத்துக்கொண்டிருக்கிறது - கனிமொழி
  • BREAKING-NEWS பொருளாதாரத்தில் பின்தங்கிய பொதுப்பிரிவினருக்கு 10% இடஒதுக்கீடு வழங்கும் சட்டத்திற்கு எதிராக உயர்நீதிமன்றத்தில் திமுக மனு

ஓஎல்எக்ஸ் மூலம் கார் வாங்க நினைத்தவரிடம் 1.5 லட்சம் மோசடி

a-man-fooled-rs-1-5-lakh-by-olx-cheating

ஓஎல்எக்ஸ் (OLX) மூலம் கார் வாங்க சென்னை வந்தவரிடம் ரூ.1.5 லட்சம் பணம் மோசடி செய்யப்பட்டுள்ளது.

வேலூர் மாவட்டம் திருப்பத்தூர் எல்லையம்மன் கோயில் தெருவைச் சேர்ந்தவர் நயாஸ் அகமது (38). இவர் இன்னோவா கார் ஒன்றை மறு விற்பனையில் வாங்க நினைத்துள்ளார். அதற்காக ஆன்லைன் சந்தை சேவையான ஓஎல்எக்ஸ் இணையதளத்தில் தேடியுள்ளார். அப்போது சென்னை பட்டினப்பாக்கத்தைச் சேர்ந்த சபீர் அகமது சில மாதங்களே ஆன இன்னோவா கார் விற்பனைக்கு உள்ளதாக பதிவு செய்துள்ளார். இதைக் கண்டதும் சபீர் அகமதுவை தொலைபேசி மூலம் தொடர்பு கொண்டு நயாஸ் பேசியுள்ளார்.

அதற்கு நேரில் வந்து காரை பார்த்துவிட்டு எடுத்துச் செல்லுமாறும், வரும் போது முன்பணம் கொண்டு வருமாறும் சபீர் கூறியுள்ளார். அதன்படியே முன்பணம் ரூ.1.5 லட்சத்தை எடுத்துக்கொண்டு பட்டினப்பாக்கம் வந்துள்ளார் நயாஸ். அவருக்கு தனது காரை கொண்டு வந்து காண்பித்த சபீர், காரை பரிசோதித்து பார்க்குமாறு கூறியுள்ளார். நயாஸும் பார்த்துவிட்டு தனக்கு வாங்குவதற்கு விருப்பம் எனக்கூற, இறுதியாக ரூ.12 லட்சத்திற்கு கார் விலை பேசப்பட்டுள்ளது. முன்னதாக பேசியபடி முன்பணத்தை தருமாறு சபீர் கேட்க, நயாஸ் தான் கொண்டு வந்த ரூ.1.5 லட்சத்தை கொடுத்துள்ளார்.

அப்போது காரில் இன்னும் சில சிறிய பிரச்னைகள் இருப்பதாகவும், அதை தாமே சரிசெய்து தருவதாகவும் சபீர் கூறியுள்ளார். அத்துடன் அருகாமையில் உள்ள தனது நண்பரின் மெக்கானிக் கடைக்கு கொண்டுசென்று சரிசெய்துவிட்டு வருவதாக கூறியுள்ளார். அவ்வாறு சென்றவர் திரும்பி வரவேயில்லை. தொலைபேசியில் நயாஸ் தொடர்புகொள்ள நினைத்த போதும், சபீரிடம் பேச முடியவில்லை. இதையடுத்து தான் ஏமாற்றப்பட்டிருப்பதை உணர்ந்த நயாஸ், இதுதொடர்பாக பட்டினப்பாக்கம் காவல்துறையினரிடம் புகார் கொடுத்துள்ளார். புகார் தொடர்பாக வழக்குப்பதிவு செய்துள்ள காவல்துறையினர், நயாஸ் கூறிய அடையாளங்களை வைத்து சபீரை தேடி வருகின்றனர். 

Advertisement:
Advertisement:
Advertisement:
[X] Close