[X] Close
JUST IN
  • BREAKING-NEWS கருணாசுக்கு ஸ்டாலின் கண்டனம் தெரிவிக்காதது ஏன்? - அமைச்சர் ஜெயக்குமார்
  • BREAKING-NEWS திமுக பஞ்சாயத்து கட்சியாக மாறிவிட்டது; ஸ்டாலின் வழக்கு தொடர்ந்தால் சந்திக்க தயார் - அமைச்சர் ஜெயக்குமார்
  • BREAKING-NEWS என்னை கைது செய்ய தனிப்படை அமைக்கப்பட்டது பற்றி தெரியாது; நான் தலைமறைவாக இல்லை - ஹெச்.ராஜா
  • BREAKING-NEWS ஜம்மு-காஷ்மீர்: ஷோபியான் மாவட்டத்தில் பயங்கரவாதிகளால் கடத்தப்பட்ட 2 காவல் அதிகாரிகள், ஒரு காவலரை பயங்கரவாதிகள் கொலை செய்துள்ளனர்
  • BREAKING-NEWS ராமநாதபுரம்: மண்டபம் முகாமில் இலங்கை அகதிகளுக்கு 20 நாட்களுக்கும் மேலாக உதவித்தொகை வழங்கப்படவில்லை என இலங்கை அகதிகள் குற்றச்சாட்டு
  • BREAKING-NEWS கள்ளக்குறிச்சி வட்டார போக்குவரத்து ஆய்வாளர் பாபுவின் உதவியாளர் செந்தில்குமாரின் கூட்டுறவு வங்கி லாக்கர் முடக்கம்
  • BREAKING-NEWS கரூர்: பரமத்தி, பவுத்திரம் ஆகிய பகுதிகளில் உள்ள கல்குவாரிகளில் 2ம் நாளாக வருமானவரி சோதனை

இளம்பெண் திடீர் மரணம் : விசாரிக்க உறவினர்கள் கோரிக்கை

the-girl-is-mysterious-death-near-madurai

மேலூர் அருகே குழந்தை பாக்கியம் வேண்டி நாட்டு மருந்து சாப்பிட்ட பெண் பரிதாபமாக பலியாகி உள்ளார். அவரது இறப்பில் மர்மம் இருப்பதாக பெண்ணின் உறவினர்கள் குற்றச்சாட்டு வைத்துள்ளனர்.   

மதுரை மாவட்டம் மேலூர் சூரக்குண்டு கல்லம்பட்டியை சேர்ந்தவர் செல்வக்குமார். கூலித் தொழிலாளியான இவர் அதே ஊரை சேர்ந்த நிர்மலா என்ற பெண்ணை கடந்த 2 ½ வருடங்களுக்கு முன்பு திருமணம் செய்து வாழ்ந்து வந்தார்.  2 ½ வருடமாக நிர்மலாவுக்கு குழந்தை பாக்கியம் இல்லாததால் கணவர் வீட்டில் அடிக்கடி சண்டை வந்துள்ளதாகக் கூறப்படுகின்றது. இதனையடுத்து நேற்று மேலூர் அருகேயுள்ள சேக்கிபட்டி பகுதியில் குழந்தை பாக்கியம் கிடைக்க நாட்டு மருந்து கொடுப்பதாகவும், அதனை தான் வாங்கி தருவதாகக் கூறி நிர்மலாவை கணவர் செல்வக்குமார் அழைத்து சென்றார். நாட்டு மருந்தை அருந்திவிட்டு வந்த நிலையில் வீட்டிற்கு வந்த உடன் திடீரென உடல்நலக்குறைவு ஏற்பட்டுள்ளது.

உடனடியாக அக்கம்பக்கத்தினர் நிர்மலாவை  மீட்டு சிகிச்சைக்காக மேலூர் அரசு மருத்துவமனைக்கு கொண்டு சென்றனர். ஆனால் அங்கு சிகிச்சை பலனின்றி பரிதாபமாக நிர்மலா உயிரிழந்தார். இதனையடுத்து உறவினர்கள் மத்தியில் அவரது சாவில் மர்மம் இருப்பதாகவும், கணவனின் குடும்பத்தினரே கொலை செய்திருக்கக் கூடும் என சந்தேகத்தை எழுப்பியுள்ளனர். ஆகவே காவல்துறையினர் நடவடிக்கை எடுக்க வேண்டும் என நிர்மலாவின் உறவினர்கள் கண்ணீர் மல்க கோரிக்கை விடுத்துள்ளனர். நாட்டு மருந்து சாப்பிட்டு பெண் உயிரிழந்தது மேலூர் பகுதியில் சோகத்தை வரவழைத்துள்ளது. இதுகுறித்து மேலூர் போலீசார் வழக்குபதிவு செய்து விசாரணை மேற்கொண்டு வருகின்றனர்.

Advertisement:
Advertisement:
Advertisement:
[X] Close