[X] Close
JUST IN
  • BREAKING-NEWS பாரதிய ஜனதா கட்சியின் தேசிய செயல் தலைவராக ஜெ.பி.நட்டா தேர்வு செய்யப்பட்டார்
  • BREAKING-NEWS சென்னை பரங்கிமலை மெட்ரோ ரயில் நிலையத்தில் தண்ணீர் பற்றாக்குறையால் மூடப்பட்ட கழிவறை தற்போது நடவடிக்கை எடுக்கப்பட்டு திறக்கப்பட்டது
  • BREAKING-NEWS வயநாடு தொகுதியில் இருந்து மக்களவைக்கு தேர்வான ராகுல் காந்தி, மக்களவையில் இடைக்கால சபாநாயகர் வீரேந்திர குமார் முன்னிலையில் எம்.பி.யாக பதவியேற்றார்
  • BREAKING-NEWS மேற்கு வங்கம்: கொல்கத்தாவில் மருத்துவர்கள் சங்க பிரதிநிதிகளுடன் முதல்வர் மம்தா பானர்ஜி பேச்சுவார்த்தை
  • BREAKING-NEWS சென்னை, காஞ்சிபுரம், விழுப்புரம், திருச்சி, கடலூர், திருவள்ளூர், வேலூர், திருவண்ணாமலையில் அதி தீவிர அனல் காற்று வீசும் என எச்சரிக்கை
  • BREAKING-NEWS தடைசெய்யப்பட்ட பிளாஸ்டிக்கை பயன்படுத்தும் நிறுவனங்கள் மீது கடும் நடவடிக்கை எடுக்க முதல்வர் பழனிசாமி உத்தரவு
  • BREAKING-NEWS தமிழக முழுவதும் தண்ணீர் பற்றாக்குறை தலைவிரித்து ஆடுகிறது; அரசு போர்க்கால அடிப்படையில் நடவடிக்கை எடுக்க வேண்டும்- டிடிவி தினகரன்

‘பன்றிக்கு வைக்கப்பட்ட நாட்டுவெடிகுண்டு’ காவல் நிலையத்தில் வெடித்த பரிதாபம் !

bomb-blast-at-police-station

விருதுநகர் மாவட்டம் ஸ்ரீவில்லிப்புத்தூர் அருகே உள்ள மம்சாபுரம் காவல் நிலையத்தில் நாட்டு வெடிகுண்டுகள் செயலிழக்க செய்யும்போது வெடித்ததில் காவலர்கள் 4 பேர் காயமடைந்தனர். 

ஸ்ரீவில்லிப்புத்தூர் அருகே மேற்கு தொடர்ச்சி அடிவாரப்பகுதியில் இருக்கிறது செண்பகத்தோப்பு வனப்பகுதி. இங்கு காட்டுப்பன்றி, மான், யானை, கரடி அதிகளவில் உள்ளது. வறட்சி நேரங்களில் இவை அருகில் உள்ள வயல்வெளிகளுக்கு சர்வ சாதாரணமாக வந்து விளை பொருட்களை தின்று விட்டு செல்லும். இந்த மிருகங்களை பிடித்து வேட்டையாட மர்ம கும்பல் ஆங்காங்கே சட்ட விரோத செயல்களில் ஈடுபட்டு வருகின்றனர். மிருகங்களுக்கு மயக்க விதை வைத்தல், வெடி வைத்தல், சுருக்கு கம்பி அமைத்தல் என பல்வேறு வழிகளில் விலங்குகளை வேட்டையாடுகின்றனர்.

பன்றிகளுக்கு அவை விரும்பும் கிழங்கு வகைகளில் வெடி குண்டை வைத்து விடுவார்கள். கிழங்குகளை பன்றிகள் கடிக்கும் போது வாய் கிழிந்து உயிருக்கு போராடும். காலையில் அங்கு செல்லும் வேட்டை கும்பல் அதனைக் கொன்று கறி, தோல் உறித்து விற்பனை செய்கின்றனர். வன விலங்குகள் தொடர்ந்து வேட்டையாடப்படுவதாக புகார் வந்ததை தொடர்ந்து தனிப் பிரிவு காவலர்கள் தொடர்ந்து செண்பகத்தோப்பு வனப் பகுதியில் ரோந்து பணியில் ஈடுபட்டுவந்தனர். இதில் ஜூன் 19 ஆம் தேதி வனப் பகுதியில் சந்தேகத்துக்கு இடமான முறையில் நாட்டுவெடிகுண்டுகளுடன் சுற்றிதிரிந்த சுந்தரநாச்சியார்புரத்தை சேர்ந்த நல்ராஜ் என்பவரை விசாரணை மேற்கொண்டதில் அவரிடம் இருந்து 7 நாட்டுவெடிகுண்டுகள் கைப்பற்றபட்டன. மேலும் அவரை கைது செய்து நீதிமன்றத்தில் ஆஜர்படுத்தப்பட்டு பின்னர் சிறையில் அடைத்தனர்.

இன்று மம்சாபுரம் காவல் நிலையத்தில் நாட்டு வெடிகுண்டுகளை அழிக்கும் முயற்ச்சியில் வெடிபொருள் தடுப்பு பிரிவு காவலர்கள் ஈடுபட்ட போது திடீரென வெடித்ததில் காவலர்கள் தேவதாஸ், பவுன்ராஜ், வீரபாண்டி,ஜெயபிரகாஷ் ஆகிய 4 காவலர்கள் காயம் அடைந்தனர். பின்னர் காயம் அடைந்தவர்கள் ஸ்ரீவில்லிப்புத்தூர் அரசு மருத்துவமனையில் சிகிச்சை பெற்று பின்னர் மேல் சிகிச்சைக்காக தேவதாஸ் மதுரை கொண்டு செல்லபட்டார். மேலும் சம்பவ இடத்தை மாவட்ட காவல் கண்காணிப்பாளர் ராஜ ராஜன் நேரில் ஆய்வு செய்து விசாரணை மேற்கொண்டு வருகிறார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close