[X] Close
JUST IN
  • BREAKING-NEWS மறைந்த மத்திய அமைச்சர் அனந்த்குமாரின் தொகுதியான தெற்கு பெங்களூரு காலியாக உள்ளதாக தேர்தல் ஆணையம் அறிவிப்பு
  • BREAKING-NEWS தமிழகம் மற்றும் புதுச்சேரியில் ஒருசில இடங்களில் அடுத்த 3 மணி நேரத்துக்கு மழை பெய்யும் - வானிலை ஆய்வு மையம்
  • BREAKING-NEWS காஞ்சிபுரம்: செங்கல்பட்டு, மதுராந்தகம் மற்றும் அதன் சுற்றுவட்டாரப் பகுதிகளில் கனமழை
  • BREAKING-NEWS கஜா புயலால் பாதிக்கப்பட்ட 7 மாவட்ட மக்களுக்கு நடிகர் விஜய் தனது மக்கள் இயக்கம் மூலம் நிதியுதவி
  • BREAKING-NEWS புதுச்சேரி மற்றும் காரைக்கால் சுற்றுவட்டார பகுதிகளில் கனமழை
  • BREAKING-NEWS சென்னையில் பெட்ரோல் லிட்டருக்கு ரூ.79.31 காசுகளாகவும், டீசல் லிட்டருக்கு ரூ.75.31 காசுகளாகவும் விலை நிர்ணயம்
  • BREAKING-NEWS சென்னை மெரினா கடற்கரை சாலையில் எம்ஜிஆர் நூற்றாண்டு வளைவை திறக்க உயர்நீதிமன்றம் தடை

“கேரி பேக் இல்லை; இது பயோ பேக்” - வழி காட்டுகிறது கோவை

a-bio-bag-introduce-in-kovai

பிளாஸ்டிக் பைகள் தடைக்கு பிறகு தமிழகத்தில் முதன்முறையாக கோவையில் அறிமுகப்படுத்தப்பட்ட பயோ-பைகள் பொதுமக்கள் மற்றும் வியாபாரிகளிடையே பெரும் வரவேற்பை பெற்றுள்ளது. 

கடந்தாண்டு நவம்பர் மாதம் தமிழகத்தில் முதல்முறையாக, சுற்றுச்சூழலுக்கு பாதிப்பு ஏற்படுத்தும் பிளாஸ்டிக் பொருட்களை ஒழிக்கும் வகையில் மக்காச்சோளம் உள்ளிட்ட உணவு பொருட்களிலிருந்து தயாரிக்கப்படும் மக்கும் பைகளை கோவை மாநகராட்சி அறிமுகப்படுத்தியது. ஸ்மார்ட் சிட்டி திட்டத்தின் கீழ் அறிமுகப்படுத்தப்பட்ட இந்தப் பைகள் குறித்து விழிப்புணர்வை அதிகரிக்கவும், மக்களின் நம்பிக்கையை பெறவும் கோவை மாநகராட்சி அலுவலகத்தில் பசுமை அங்காடி ஒன்று செயல்பட தொடங்கியுள்ளது. முதலில் விற்பனை மந்தமாக இருந்த நிலையில், பிளாஸ்டிக் தடை என்ற தமிழக அரசின் அறிவிப்புக்குப் பிறகு விற்பனை அதிகரித்துள்ளது என்கிறார்கள் அங்காடியின் பொறுப்பாளர்கள்.  

மூன்று மாதத்தில் மக்கிவிடுவதுடன் எளிதாக தண்ணீரில் கரைந்து விடும் தன்மை கொண்ட இந்த பயோ பேக். உடல்நலன் மட்டுமின்றி விலங்குகளுக்கும் சுற்றுசூழலுக்கும் ஏற்றவை என்பதால் கோவை மாநகரில் உள்ள தனியார் நிறுவனங்கள், ஹோட்டல்கள், கடைகள், பல்பொருள் அங்காடிகள் என பல பெரிய நிறுவனங்கள் தற்போது இந்த வகை பைகளை பிளாஸ்டிக்கிற்கு மாற்றாக பயன்படுத்துகின்றனர். இருப்பினும், சிறிய கடைகள், சாலையோர கடைகள் இந்த வகையான பைகளை பயன்டுத்துவதற்கு கூடுதல் காலங்களாகும் என்றும், அதற்கான பணியில் தன்னார்வலர்களும், மாநகராட்சியும் ஈடுபட்டுள்ளதாக கூறுகின்றனர் பயோ பொருட்கள் விழிப்புணர்வில் ஈடுபட்டு வருபவர்கள். 

பிளாஸ்டிக் பைகளின் உறுதித் தன்மைக்கு ஏற்ப இந்த வகை பைகள் பல்வேறு வடிவங்களில்,ரூ.3 முதல், ரூ.1.50பைசா வரையில் அவரவர் வசதிக்கேற்ப விற்பனை செய்யப்படுகிறது.  மார்க்கெட்டில் போலி பைகளை தவிர்க்க, கோவை மாநகராட்சி அலுவலகத்தில் இருந்து வாங்கி பயன்படுத்த அறிவுரை தருகிறார்கள் ஆர்வலர்கள். 

இந்தப் பைகள் கோவையில் தயாரிக்கப்படுவதால் அந்தத் தொழிற்சாலையில் மொத்த விற்பனையாளர்கள் கொள்முதல் செய்துக்கொள்ளலாம்.  நகர்ப்புறங்களுக்கு ஏற்படும் மிகப்பெரிய சுற்றுச்சூழல் பிரச்னைக்குத் தீர்வுக்காணும் வகையில் உள்ள இந்தப் பைகளை பயன்படுத்தினால் மண்ணிற்கும் மனிதர்களுக்கும் வலம் சேர்க்கும் என்கிறனர் பயோ பேக் ப்ரியர்கள்.

வீடியோ

Advertisement:
Advertisement:
Advertisement:
[X] Close