[X] Close
JUST IN
  • BREAKING-NEWS பரபரப்பான அரசியல் சூழலில் கர்நாடக காங்கிரஸ் எம்எல்ஏக்கள் கூட்டம் நாளை மறுநாள் நடக்கிறது; காங்கிரஸ் எம்எல்ஏக்களுக்கு பாஜக பேரம் பேசுவதாக கூறப்படும் நிலையில் ஆலோசனை நடைபெறவுள்ளது
  • BREAKING-NEWS காணும் பொங்கலையொட்டி சென்னையில் நாளை சிறப்பு பேருந்துகள் இயக்கப்படும்; சென்னை மற்றும் புறநகர் பகுதிகளில் உள்ள சுற்றுலாத்தளங்களுக்கு 480 சிறப்பு பேருந்துகள் இயக்கம் - மாநகர போக்குவரத்துக்கழகம்
  • BREAKING-NEWS சேலம்-ஓமலூர் பிரதான சாலைக்கு எம்ஜிஆர் பெயர் சூட்டினார் முதல்வர் பழனிசாமி
  • BREAKING-NEWS அதிமுக அரசு நீடிக்க வேண்டும் என்று திமுக எம்எல்ஏக்களே விரும்புகின்றனர் - அமைச்சர் ஜெயக்குமார்
  • BREAKING-NEWS சேலம் அண்ணா பூங்கா வளாகத்தில் எம்ஜிஆர், ஜெயலலிதா மணிமண்டபத்தை திறந்துவைத்தார் முதல்வர் பழனிசாமி
  • BREAKING-NEWS திருவாரூர் நாகை மாவட்டங்களில் ஹைட்ரோ கார்பன் திட்டம் செயல்படுத்த அனுமதி அளித்த மத்திய அரசை கண்டித்து நேற்று மார்க்சிஸ்ட் கம்யூனிஸ்ட் கட்சி சார்பில் கோமல் கிராமத்தில் கறுப்புக் கொடி போராட்டத்தில் ஈடுபட்டதாக 30பேர் மீது திருவாரூர் தாலுகா காவல் துறையினர் வழக்குப்பதிவு
  • BREAKING-NEWS தமிழகத்தில் மேலும் 2 நாட்களுக்கு மூடுபனி அதிகமாக நிலவும்; தமிழகத்தில் மேகக்கூட்டங்கள் குறைவால் பனி அதிகரித்து காணப்படுகிறது - சென்னை வானிலை ஆய்வு மையம்

பூட்டாத வீடு?.. பூட்டப்பட்ட காவல் நிலையம்!.. கொள்ளை போன 5 லட்சம்

rs-5lakhs-theft-in-krishagiri

 

கிருஷ்ணகிரி மாவட்டம் போச்சம்பள்ளியில் மாங்காய் வியாபாரி வீட்டில் இருந்த ஐந்து லட்சத்து 40 ஆயிரம் ரூபாய் பணம் கொள்ளையடிக்கப்பட்டுள்ளது.

கிருஷ்ணகிரி மாவட்டம் போச்சம்பள்ளியைச் சேர்ந்தவர் மாங்காய் வியாபாரி சிவசங்கரன். விவசாயிகளிடம் இருந்து மொத்தமாக மாங்காய்களை கொள்முதல் செய்து தொழிற்சாலைகளுக்கு விற்பனை செய்து வருகிறார். சிவசங்கரனின் வீடும் கடையும் அருகருகே உள்ளது. தொழில் தொடர்பாக வெளியே செல்லும் சிவசங்கரன் நள்ளிரவில் வீடு திரும்புவது வழக்கம். இதனால் வீட்டு கதவை பூட்டாமல் சிவசங்கரனின் மனைவி உள்ளிட்டவர்கள் உறங்கிவிடுவார்கள் என்று கூறப்படுகிறது. இரவில் வீடு திரும்பும் சிவசங்கரன் பூட்டப்படாத கதவை திறந்து கொண்டு உள்ளே வருவார் என்றும் மீண்டும் வெளியே செல்லும் போது கதவை சாத்திவிட்டு செல்வார் என்றும் தெரிகிறது. 

இந்நிலையில் நேற்றிரவு தனது கடையில் இருந்து 5 லட்சத்து 40 ஆயிரம் ரூபாய் பணத்துடன் நள்ளிரவில் வீட்டுக்கு வந்த சிவசங்கரன் அதை அங்கிருந்த பீரோவில் வைத்துவிட்டு பூட்டி சாவியையும் அங்கேயே வைத்துவிட்டு மீண்டும் கடைக்கு சென்றுவிட்டார். சிறிது நேரத்தில் திரும்பி வந்து பார்த்த போது பீரோ திறக்கப்பட்டு அதிலிருந்த பணம் திருடப்பட்டதை கண்டு அதிர்ச்சி அடைந்த சிவசங்கரன் உறங்கிக் கொண்டு இருந்த குடும்பத்தினரை எழுப்பினார். அவர்கள் தங்களுக்கு ஒன்றும் தெரியாது எனவும், வழக்கம் போல் சிவசங்கரன் தான் வந்து செல்வதாக எண்ணி உறங்கியதாவும் கூறினர்.

பணத்துடன் கடையிலிருந்து வந்த சிவசங்கரனை பின்தொடர்ந்து வந்த மர்மநபர் அவர் சென்றவுடன் வீட்டுக்குள் நுழைந்து கைவரிசை காட்டியிருக்கலாம் என்று சந்தேகிக்கப்படுகிறது. இது குறித்து புகார் அளிக்க நள்ளிரவில் சிவசங்கரன் சென்ற போது போச்சம்பள்ளி காவல் நிலையம் பூட்டப்பட்டு இருந்தது. இன்று காலை 7 மணிக்கு காவல் நிலையம் திறக்கப்பட்டதும் திருட்டு குறித்து சிவசங்கரன் புகார் அளித்தது குறிப்பிடத்தக்கது. இதுகுறித்து விளக்கம் அளித்துள்ள காவல்துறையினர், காவல் நிலையம் பூட்டப்படவில்லை என்றும் வெளிக்கதவை சாத்தி விட்டு ரோந்துக்கு காவலர்கள் சென்றிருந்ததாகவும் தெரிவித்துள்ளனர்.

வீடியோ

Advertisement:
Advertisement:
Advertisement:
[X] Close