[X] Close
JUST IN
  • BREAKING-NEWS மும்பை பங்குச்சந்தை சென்செக்ஸ், தேசிய பங்குச்சந்தை குறியீட்டெண் நிஃப்டி ஏற்றம்
  • BREAKING-NEWS தூத்துக்குடியில் கனிமொழி பெற்ற வெற்றிக்கு எதிரான வழக்கை வாபஸ் பெறுவதாக உயர்நீதிமன்றத்தில் தமிழிசை தரப்பில் மனு தாக்கல்
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது

உயிரைப் பணயம் வைத்து ஆற்றைக்கடக்கும் மலைவாழ் மக்கள்

udumalai-forest-river-issue

 

திருப்பூர் மாவட்டம் உடுமலைப்பேட்டை அருகே மலைவாழ் மக்களின் வழித்தடத்தை கேரள வனத்துறையினர் அடைத்ததால், குழந்தைகளுடன் ஆற்று வெள்ளத்தை கடந்து செல்லும் அவல நிலை ஏற்பட்டுள்ளது.

ஆனைமலை புலிகள் காப்பகத்திற்கு உட்பட்ட அமராவதி வனச்சரகத்தில் வசித்து வரும் பழங்குடியின மக்கள், பல நூறு ஆண்டுகளாக சம்பக்காடு பாதையை பயன்படுத்தி வந்தனர். கடந்த பிப்ரவரி மாதம் கேரள வனத்துறையினர் அந்தப் பகுதி தங்களுக்கு சொந்தமானது என்று கூறி கம்பி வேலி அமைத்ததால், மலைவாழ் மக்கள் 6 கிமீ சுற்றி கூட்டாறு வழியாக சென்று வந்தனர். இந்நிலையில் தொடர்ந்து பெய்து வரும் கனமழை காரணமாக கூட்டாற்றில் வெள்ள பெருக்கு ஏற்பட்டுள்ளது. இதனால் மலைவாழ் மக்கள் தங்கள் அடிப்படை தேவைகளுக்காக தங்களின் பச்சிளம் குழந்தைகளை தோளில் சுமந்த படி உயிரை பணயம் வைத்து ஆற்றை தினமும் கடந்து செல்கின்றனர்.

மலைவாழ் மக்களுக்கு இலவச அரிசி கொண்டு சென்ற வாகனமும் ஆற்றை கடக்க முடியாததால் சின்னாறு வனத்துறை சோதனை சாவடியில் நிறுத்தி வைக்கபட்டுள்ளது. கூட்டாறு பகுதியில் மேல்மட்ட பாலம் கட்ட வேண்டும் அல்லது கேரளா வனத்துறையிடம் பேச்சுவார்த்தை நடத்தி சம்பக்காடு பகுதியை மீட்டு தர வேண்டும் என அப்பகுதி மக்கள் கோரிக்கை விடுத்துள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close