[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

பார்வையற்ற முதியவருக்கு அன்பு காட்டும் சிறுமி: ஒரு உணர்ச்சிகரமான கதை

a-sensational-story-about-the-girl

பெற்ற தாய்-தந்தையைக்கூட முதியோர் இல்லத்திற்கு அனுப்பும் மனிதர்கள் பலர் இருக்க, தனிமையில் வாழும் கண் பார்வையற்ற முதியவர் ஒருவர் மீது அன்பு செலுத்தி அரவணைத்து வருகிறார் ஒரு சிறுமி. இந்தச் சிறுமியின் செயல்பாடுகளை கண்ட மேலும் சிலர் அந்த முதியவருக்கு உதவ முன் வந்துள்ளனர். 

முதுமையில் தனிமை.. வறுமையின் கொடுமை...என தன் வாழ்நாட்களை கடத்தி வருகிறார் கண் பார்வையற்ற முதியவர் நல்லப்பன். உறவினர்கள் இருந்தும் தனக்கான வேலைகளை இந்த வயதிலும் தளர்வின்றி செய்து கொள்வது அவரது தன்னம்பிக்கை. அரசு வழங்கும் மாதாந்திர உதவித்தொகை தவிர வருவாய் ஆதாரம் வேறில்லை.

சேலம் டால்மியா நகரில் தனக்கென்று சொந்தமாக உள்ள ஒரு பாழடைந்த குடிசையில் வசித்து வரும் இவர் சுமார் மூன்று கிலோமீட்டர் தூரம் வரை தனியே நடந்து சென்று தனக்கான உதவித்தொகையை பெற்று வருகிறார். அப்படி அவர் தனியே நடந்து செல்லும்போது அவருக்கு கிடைத்து அன்பான ஒரு புதிய பந்தம்தான் சிறுமி தீட்சா.

தனியார் பள்ளி ஒன்றில் எட்டாம் வகுப்பு பயின்று வரும் தீட்சா, முதியவரை கண்டு அவர்மீது இரக்கம் கொண்டு உதவி செய்யத் தொடங்கினார். தன்னை அன்போடு அரவணைத்த குழந்தையின் முகத்தை காணமுடியவில்லை என்ற குறை இருந்தபோதிலும் முதியவர் நல்லப்பனின் மனக்கண் பார்வையில் அந்தச் சிறுமி பேத்தியல்ல; ஒரு தாயாக மாறியிருக்கிறாள்.  

தாத்தாவை இன்று பார்ப்போம் என்றால் தனக்கான மதிய உணவை சேர்த்து எடுத்துகொண்டு வந்து அவருக்கு கொடுப்பது, அவரை கைபிடித்து அழைத்து செல்வது என அன்பும் அரவணைப்பும் எல்லையற்றதாய் மாறிய நிலையில் முதியவர் நல்லப்பனின் வீட்டிற்கு சென்ற தீட்சா அந்தக் குடிசையை கண்டு மிகவும் வேதனை அடைந்துள்ளார்.. எப்போது விழுமோ என்று தெரியாத மண் சுவர், ஒழுகும் கூரை. ஒரு கூடு போன்ற குடியிருப்பு. இந்த நிலையை இயன்ற வரை மாற்ற வேண்டும் என்பதே தீட்சாவின் எண்ணமாய் மாறியது. சிறுமி தீட்சாவின் செயல்பாடுகள் அப்பகுதியை சேர்ந்த பலரது கவனத்தை ஈர்க்க, தற்போது முதியவர் நல்லப்பனின் குடிசையை சீரமைத்து கொடுக்கும் முயற்சியில் இறங்கியுள்ளனர் சிலர்..கண்களில் ஒளி  இல்லை என்றாலும் முதியவருக்கு அன்பின் அர்த்தத்தை உணர்வாய் உணர்த்தியுள்ளார் சிறுமி தீட்சா. 

தகவல்கள் :  மோகன்ராஜ் ,செய்தியாளர்- சேலம்

வீடியோ

Advertisement:
Advertisement:
Advertisement:
[X] Close