[X] Close
JUST IN
  • BREAKING-NEWS ராஜீவ்காந்தி கொலை குறித்து சீமான் பேசியது தொடர்பாக மாவட்ட தேர்தல் அதிகாரியிடம் விரிவான அறிக்கை கேட்டுள்ளார் தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS நீட் ஆள்மாறாட்ட வழக்கில் மாணவர் இர்பானின் காவலை அக்டோபர் 25 வரை நீட்டித்தது தேனி நீதிமன்றம்
  • BREAKING-NEWS நாளை முதல் காலவரையற்ற வேலைநிறுத்தம்: ஆவின் பால் டேங்கர் லாரி ஒப்பந்த உரிமையாளர்கள் அறிவிப்பு
  • BREAKING-NEWS இன்று முதல் 4 நாட்களுக்கு தமிழகத்தில் கனமழைக்கு வாய்ப்புள்ளதாக வானிலை மையம் அறிவிப்பு

உடல் உறுப்பு மாற்று அறுவை சிகிச்சையில் முறைகேடு? விசாரணைக்கு வைகோ வலியுறுத்தல்

illegal-in-organ-transplantation-surgery-need-inquiry-vaiko

உடல் உறுப்பு மாற்று அறுவை சிகிச்சையில் வெளிநாட்டு நோயாளிகளுக்கு முறைகேடாக முன்னுரிமை அளிக்கப்படுவதாக எழுந்துள்ள குற்றச்சாட்டு குறித்து முழு விசாரணை நடத்தப்படவேண்டும் என மதிமுக பொதுச் செயலாளர் வைகோ வலியுறுத்தியுள்ளார். 

மதிமுக பொதுச் செயலாளர் வைகோ வெளியிட்டுள்ளா அறிக்கையில் உடல் உறுப்பு மாற்று அறுவை சிகிச்சைக்காக நம் நாட்டு நோயாளிகள் ஆண்டுக்கணக்கில் காத்திருக்கும் போது வெளிநாட்டு நோயாளிகளிடம் பணம் கொட்டிக்கிடக்கிறது என்பதற்காக விதிமுறைகளை மீறி உடல் உறுப்பு மாற்று அறுவைச் சிகிச்சை செய்வதை எந்த வகையிலும் நியாயப்படுத்தமுடியாது என கூறியுள்ளார். சென்னையில் நடைபெற்று வரும் உடல் உறுப்பு மாற்று அறுவை சிகிச்சை முறைகேடுகள் குறித்து மத்திய அரசு நடத்திய உயர்நிலை கூட்டத்தில் விவாதிக்கப்பட்டு இருப்பதாக தகவல்கள் வெளிவந்துள்ளதாக வைகோ கூறியுள்ளார். 

இதையே காரணமாகக் கூறி மாநில அரசின் கட்டுப்பாட்டில் உள்ள பொது சுகாதாரத்துறையை மத்திய அரசின் அதிகார பட்டியலில் சேர்க்கவும் முயற்சிகள் நடைபெறுவதாக தெரிகிறது என கூறியுள்ளார். சுகாதாரத்துறையை மத்திய அரசுக்கு தாரை வார்த்துக் கொடுத்துவிடக்கூடாது என கூறியுள்ள வைகோ, உடல் உறுப்பு மாற்று அறுவை சிகிச்சைகளில் நடைபெறும் முறைகேடுகள், சட்டவிரோத செயல்பாடுகள் குறித்து முழுமையான விசாரணைக்கு உத்தரவிடவேண்டும் என வலியுறுத்தியுள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close