[X] Close
JUST IN
  • BREAKING-NEWS மேகதாது அணை விவகாரத்தில் மத்திய அரசுக்கு தமிழக அரசு அழுத்தம் தர வேண்டும்; மேகதாது அணை கட்டுவதற்கு உச்சநீதிமன்றத்தில் உடனடியாக தடை பெற வேண்டும் - மு.க.ஸ்டாலின்
  • BREAKING-NEWS நாடாளுமன்ற தேர்தலில் மம்தா பானர்ஜியால் பெரிய அளவில் வெற்றி பெற முடியாது; கொல்கத்தாவில் நடந்த மாநாட்டில் மிகக் குறைவாகவே கூட்டம் கூடியது - கே.பாலகிருஷ்ணன்
  • BREAKING-NEWS வாக்குப்பதிவு இயந்திரத்தில் முறைகேடு செய்யலாம் என தவறான தகவலை பரப்பியதாக லண்டனில் நடந்த நிகழ்ச்சி தொடர்பாகவும், நிகழ்ச்சி ஏற்பாட்டாளர் மீதும் டெல்லி போலீசில் தேர்தல் ஆணையம் புகார்
  • BREAKING-NEWS நாடாளுமன்ற தேர்தலில் பாஜக-அதிமுக கூட்டணி உறுதி - மத்திய அமைச்சர் ராம்தாஸ் அத்வாலே
  • BREAKING-NEWS தமிழகத்தில் போலியோ சொட்டு மருந்து வழங்குவது தாமதமாகும்; மத்திய தடுப்பு மருந்து தொழில்நுட்பக்குழு பரிந்துரையால் பிப்.3ல் போலியோ சொட்டு மருந்து முகாம் இல்லை - அமைச்சர் விஜயபாஸ்கர்
  • BREAKING-NEWS பட்டாசு ஆலை தொடர்பான வழக்கில் விசாரணையை 29ம் தேதிக்கு ஒத்திவைத்தது உச்சநீதிமன்றம்
  • BREAKING-NEWS அதிமுக உள்கட்சி விவகாரத்தில் பாஜக மூக்கை நுழைப்பது தவறானது - தம்பிதுரை எம்.பி.

“அமைதி வழியில் போராடியவர்கள் மீது பொய் வழக்கு” - தூத்துக்குடி மக்கள் மனு

kumarettiyapuram-people-gave-petition-with-thoothukudi-collector

ஸ்டெர்லைட் ஆலையை மூடக்கோரி அமைதி வழியில் போராடியவர்களை விடுவிக்கக் கோரி தூத்துக்குடி மாவட்ட ஆட்சியரிடம் குமரெட்டியாபுரம் மக்கள் மனு அளித்துள்ளனர்.

ஸ்டெர்லைட் ஆலைக்கு எதிரான நூறாவது நாள் போராட்டத்தில் நடந்த துப்பாக்கிச்சூட்டில் 13 பேர் உயிரிழந்தனர். பலர் படுகாயம் அடைந்து மருத்துவமனையில் சிகிச்சை பெற்றனர். இது தொடர்பாக தூத்துக்குடி தென்பாகம் காவல் நிலையத்தில் 3 வழக்குகளும், வடபாகம் மற்றும் சிப்காட் காவல் நிலையத்தில் தலா ஒரு வழக்கும் பதியப்பட்டு இருந்தன. 

இதனையடுத்து, தூத்துக்குடி துப்பாக்கிச்சூடு தொடர்பாக சிபிசிஐடி போலீசார் விசாரணை நடத்தி வருகின்றனர். அதேபோல், துப்பாக்கிச்சூடு சம்பவம் தொடர்பாக தமிழக அரசு அமைத்த ஒய்வு பெற்ற உயர்நீதிமன்ற நீதிபதி அருணா ஜெகதீசன் தலைமையிலான ஒரு நபர் விசாரணை ஆணையம் தன்னுடைய விசாரணையை தொடங்கியுள்ளது. 

இந்த நிலையில், தூத்துக்குடி மாவட்ட ஆட்சியரிடம் குமரெட்டியாபுரம் மக்கள் மனு ஒன்றினை அளித்துள்ளனர். அதில், தங்கள் பகுதியைச் ‌சேர்ந்த மகேஷ், பால்ராஜ் ஆகியோர் எவ்வித வன்முறையில் ஈடுபடுபடாதபோதிலும், சட்டத்திற்கு புறம்பாக அவர்கள் மீ‌து பொய் வழக்கு போடப்பட்டுள்ளதாக மனுவில் குறிப்பிட்டுள்ளனர். வன்முறைக்கு சிறிதும் தொடர்பில்லாத பொதுமக்கள் மீது போடப்பட்டுள்ள பொய் வழக்குகளை திரும்பப் பெற்று, அவர்களை உடனடியாக விடுவிக்க நடவடிக்கை எடுக்க வேண்டும் என்றும் மனுவில் கேட்டுக்கொண்டுள்ளனர். 

இ‌தனிடையே தூத்துக்குடி கலவரத்தில் தொடர்பில்லாத யாரும் சட்டவிரோதமாகக் கைது செய்யப்படவில்லை என மாவட்ட ஆட்சியர் சந்தீப் நந்தூரி விளக்கம் அளித்துள்ளார்.

Advertisement:
இது தொடர்பான செய்திகள் :
Advertisement:
Advertisement:
[X] Close