[X] Close
JUST IN
  • BREAKING-NEWS கேரள வெள்ளச்சேதத்தை தேசியப் பேரிடராக அறிவிக்க வேண்டும்- ராகுல்
  • BREAKING-NEWS 18-வது ஆசிய விளையாட்டு போட்டி இன்று தொடங்குகிறது
  • BREAKING-NEWS பாகிஸ்தான் பிரதமராக தெஹ்ரிக்-இ-இன்சாஃப் கட்சித் தலைவர் இம்ரான்கான் தேர்வு செய்யப்பட்டுள்ளார்
  • BREAKING-NEWS கேரளாவில் கனமழை, வெள்ளம், நிலச்சரிவில் சிக்கி உயிரிழந்தவர்களின் எண்ணிக்கை 324ஆக உயர்வு
  • BREAKING-NEWS டெல்லி ஸ்மிருதி ஸ்தலில் முன்னாள் பிரதமர் வாஜ்பாயின் உடல் அரசு மரியாதையுடன் தகனம் செய்யப்பட்டது
  • BREAKING-NEWS வெள்ளப் பெருக்கு பாதிப்பு: தமிழகத்தில் ஆங்காங்கே போக்குவரத்து துண்டிப்பு
  • BREAKING-NEWS கொச்சி விமான நிலையம் மூடல்

புதிய தலைமுறை மீது வழக்கு: போலீஸ் விளக்கம்

the-case-against-puthiyathalaimurai-police-explanation

கோவையில் புதிய தலைமுறை சார்பில் நடந்த வட்டமேசை விவாதம் தொடர்பாக வழக்கு தொடரப்பட்டது குறித்து கோவை மாநகர காவல்துறை விளக்கம் அளித்துள்ளது.

பீளமேடு காவல் நிலைய சரகத்தில் உள்ள தனியார் கலையரங்கில் புதிய தலைமுறை தொலைக்காட்சியின் விவாத நிகழ்ச்சி நடைபெற்றதாகவும், அதில் பங்கேற்ற இயக்குநர் அமீர் தெரிவித்த கருத்துக்கு பாரதிய ஜனதா மற்றும் அதன் சார்பு அமைப்பினர் எதிர்ப்பு தெரிவித்தபோது, எதிரணியினர் கோஷமிட்டு அசாதாரண சூழல் ஏற்பட்டு, அரங்கு மேலாளர் புகார் அளித்ததாகவும் காவல் துறையின் செய்திக் குறிப்பில் கூறப்பட்டுள்ளது. அமீரின் பேச்சால் நிகழ்ச்சியை காண வந்தோர் இருதரப்பாக பிரிந்து வாக்குவாதம் செய்ததும் களேபரம் ஏற்பட்டு, அரங்கில் நாற்காலிகள் சேதமடைந்ததாகவும் புகாரில் கூறப்பட்டுள்ளது.

இதையடுத்து, அமீர் மீது சட்டப்பிரிவுகள் 153 ஏ மற்றும் 505 ஆகியவற்றில் வழக்குப் பதிவு செய்யப்பட்டுள்ளதாகவும் காவல்துறை தெரிவித்துள்ளது. மேற்படி தொலைக்காட்சி நிறுவனத்தின் மீதும் நடவடிக்கை எடுக்க அரங்க மேலாளர் அளித்த புகார் அடிப்படையில் அரங்கத்தை பதிவு செய்த செய்தியாளர் மீதும், நிறுவனத்தின் மீதும் 3 பிரிவுகளில் வழக்குப் பதிவு செய்யப்பட்டுள்ளதாக காவல்துறை தரப்பில் தெரிவிக்கப்பட்டுள்ளது.

Advertisement:
Advertisement:
Advertisement:
[X] Close