[X] Close
JUST IN
  • BREAKING-NEWS பாஜகவின் பலத்தை எதிர்க்கட்சிகளால் எதிர்கொள்ள முடியாது- தமிழிசை சவுந்தரராஜன்
  • BREAKING-NEWS மாநில உரிமைகளில் ஆளுநர் தொடர்ந்து தலையிடுவதை பொறுத்துக்கொள்ள முடியாது- மு.க.ஸ்டாலின்
  • BREAKING-NEWS மதுரையில் அமைக்கப்பட உள்ள் எய்ம்ஸ் போல் மேலும் ஒரு எய்ம்ஸ் வந்தாலும் நல்லதுதான் - டிடிவி தினகரன்
  • BREAKING-NEWS பிரதமர் மோடி கூட்டாட்சி தத்துவத்தை மறந்துவிட்டார்- புதுச்சேரி முதலமைச்சர் நாராயணசாமி

'காவிரி நீரில் அரசியல் வேண்டாம்'- துரைமுருகன் 

do-not-politics-in-cauvery-water-duraimurugan

விவசாயிகள் நலனில் அரசியல் செய்வதை நிறுத்திவிட்டு, ஆணையம் மூலம் தமிழகத்திற்கு உரிய காவிரி நீரைப் பெற முதலமைச்சர் எடப்பாடி பழனிசாமி நடவடிக்கை எடுக்க வேண்டும் என திமுக முதன்மைச் செயலாளரும், முன்னாள் பொதுப்பணித்துறை அமைச்சருமான துரைமுருகன் வலியுறுத்தியுள்ளார்.

திமுக முதன்மைச் செயலாளார் துரைமுருகன் வெளியிட்டுள்ள அறிக்கையில், அதிமுக அரசு உச்சநீதிமன்ற இறுதித் தீர்ப்பு வெளிவந்ததில் இருந்து 113 நாட்களில் ஆக்கப்பூர்வமான, அழுத்தம் தரக்கூடிய செயல்களில் ஈடுபட்டிருந்தால், தமிழகத்திற்கு காவிரி நீரை திறக்க காவிரி மேலாண்மை ஆணையம் உத்தரவிட்டிருக்கும் என்று கூறியுள்ளார். தமிழக முதலமைச்சர், திமுகவை குறைகூறுவதில் காட்டும் அக்கறையை, மத்திய அரசுக்கு அழுத்தம் கொடுத்து காவிரி நீரை திறக்க வைப்பதில் அக்கறை செலுத்தவில்லை என்று துரைமுருகன் சாடியுள்ளார்.

ஜூன் 12ஆம் தேதி மேட்டூர் அணையை திறக்க முடியாது என முதலமைச்சர் கூறுவது வேதனை அளிப்பதாகவும், தன் தோல்வியை மறைக்க திமுக மீது குறைகூறி திசை திருப்ப முனைவது அதைவிட வேதனை தருவதாக துரைமுருகன் கூறியுள்ளார். விவசாயிகள் நலனில், அரசியல் செய்வதை நிறுத்தி விட்டு, காவிரி நீர் மேலாண்மை ஆணையத்தின் மூலம் உடனடியாக காவிரி நீரைப் பெற முதலமைச்சர் நடவடிக்கை எடுக்க வேண்டும் என்றும், அதற்குத் தேவையான அழுத்தத்தை மத்திய அரசுக்கு கொடுக்க வேண்டும் என்றும் வலியுறுத்தியுள்ளார்.
 

Advertisement:
இது தொடர்பான செய்திகள் :
Advertisement:
Advertisement:
[X] Close