[X] Close
JUST IN
  • BREAKING-NEWS மும்பை பங்குச்சந்தை சென்செக்ஸ், தேசிய பங்குச்சந்தை குறியீட்டெண் நிஃப்டி ஏற்றம்
  • BREAKING-NEWS தூத்துக்குடியில் கனிமொழி பெற்ற வெற்றிக்கு எதிரான வழக்கை வாபஸ் பெறுவதாக உயர்நீதிமன்றத்தில் தமிழிசை தரப்பில் மனு தாக்கல்
  • BREAKING-NEWS தமிழகத்தில் இன்றும் மழை தொடரும் என வானிலை மையம் அறிவிப்பு
  • BREAKING-NEWS இடைத்தேர்தலில் போட்டியிடுவதற்காக விருப்பமனு அளித்தவர்களிடம் இன்று நேர்காணல் நடத்துகிறது அதிமுக
  • BREAKING-NEWS நாங்குநேரி, விக்கிரவாண்டி தொகுதி இடைத்தேர்தலுக்கான வேட்புமனுத்தாக்கல் இன்று தொடங்குகிறது

வழக்குகளை திரும்பப் பெற வேண்டும்: ஸ்டெர்லைட் போராட்டக்காரர்கள் வலியுறுத்தல்

sterlite-protester-request-to-withdraw-fir

தூத்துக்குடி ஸ்டெர்லைட் ஆலைக்கு எதிராக போராடியவர்கள் மீது பதியப்பட்ட வழக்குகளை திரும்பப் பெற வேண்டும் என மருத்துவமனையில் சிகிச்சை பெற்று வருபவர்கள் வலியுறுத்தி உள்ளனர்.

தூத்துக்குடி ஸ்டெர்லைட் ஆலையை நிரந்தரமாக மூடுவதற்கான அரசாணையை தமிழக அரசு நேற்று வெளியிட்டது. இதனைத்தொடர்ந்து ஸ்டெர்லைட் ஆலைக்கு பூட்டு போட்டு சீல் வைக்கப்பட்டது. இந்நிலையில் ஸ்டெர்லைட் ஆலையை மறுபடியும் திறக்காத வகையில் நிரந்தரமாக மூடவேண்டும் என மருத்துவமனையில் சிகிச்சை பெற்று வருபவர்கள் கோரிக்கை விடுத்துள்ளனர். மேலும் ஸ்டெர்லைட் ஆலைக்கு எதிராக போராடியவர்கள் மீது பதியப்பட்டுள்ள வழக்குகளை அவர்களின் எதிர்காலம் கருதி திரும்பப்பெற வேண்டும் எனவும் பாதிக்கப்பட்டவர்கள் வலியுறுத்தியுள்ளனர். இதுமட்டுமில்லாமல் இறந்தவர்கள் குறித்து முழுமையாக விசாரிக்கப்பட வேண்டும் எனவும், விசாரணைக்காக அழைத்துச் சென்றவர்கள் நிலை குறித்து முழுமையாக தகவல் தெரிவிக்க வேண்டும் எனவும் கோரிக்கை விடுத்துள்ளனர்.

தூத்துக்குடி ஸ்டெர்லைட் ஆலைக்கு எதிராக கடந்த சில மாதங்களாக பல்வேறு கட்ட போராட்டம் முன்னெடுக்கப்பட்டது. கடந்த 22-ஆம் தேதி போராட்டக்காரர்கள் தூத்துக்குடி ஆட்சியர் அலுவலகத்தை நோக்கி முன்னேறிச் சென்றனர். போலீசார் அவர்களை தடுப்புகளை வைத்து தடுத்து பார்த்தனர். அப்போது போராட்டக்காரர்களுக்கும் போலீசாருக்கும் இடையே மோதல் ஏற்பட்டது. தொடர்ந்து வன்முறை ஏற்பட்ட நிலையில் போராட்டக்காரர்கள் மீது போலீசார் துப்பாக்கிச் சூடு நடத்தினர். இதில் 13 பேர் பரிதாபமாக உயிரிழந்தனர். மேலும் படுகாயங்களுடன் மருத்துவமனையில் பலர் சிகிச்சை பெற்று வருகின்றனர். இதுமட்டுமில்லாமல் ஸ்டெர்லைட் ஆலைக்கு எதிராக போராடிய ஏராளமானோர் மீது வழக்குப்பதிவு செய்யப்பட்டுள்ளது. குறிப்பாக திரேஸ்புரம், அண்ணாநகர் உள்ளிட்ட பகுதிகளில் உள்ள பள்ளி, கல்லூரி மாணவர்கள் மீதும் வழக்குப்பதிவு செய்யப்பட்டுள்ளது.

Advertisement:
இது தொடர்பான செய்திகள் :
Advertisement:
Advertisement:
[X] Close