[X] Close
JUST IN
  • BREAKING-NEWS புதுக்கோட்டை மாவட்டத்தில் பொன்னமராவதி உள்பட 30க்கும் மேற்பட்ட கிராமங்களில் 144 தடை உத்தரவு - இருதரப்பினர் மோதலை தொடர்ந்து இலுப்பூர் வருவாய் கோட்டாட்சியர் சிவதாஸ் உத்தரவு
  • BREAKING-NEWS 4 சட்டமன்ற தொகுதி இடைத்தேர்தலில் அதிமுக சார்பில் போட்டியிட விரும்புவோர் ஏப்ரல் 21ம் தேதி காலை 10 மணி முதல் மாலை 5 மணி வரை விருப்பமனு பெறலாம் - அதிமுக
  • BREAKING-NEWS விஜய் நடிப்பில் உருவாகிவரும் தளபதி63 படத்திற்கு எதிராக சென்னை உரிமையியல் நீதிமன்றத்தில் வழக்கு - விஜய் நடிக்கும் 63வது படத்தின் கதை தன்னுடையது என குறும்பட இயக்குநர் செல்வா என்பவர் வழக்கு
  • BREAKING-NEWS அமமுக கடைசிவரை குழுவாக மட்டுமே இருக்க முடியும்; கட்சியாக மாற வாய்ப்பில்லை - அமைச்சர் ஜெயக்குமார்
  • BREAKING-NEWS தமிழகத்தில் சட்டமன்ற தேர்தல் எப்போது நடந்தாலும் அதை எதிர்கொள்ள தயாராக இருக்கிறேன் - ரஜினிகாந்த்
  • BREAKING-NEWS தமிழகத்தில் 38 மக்களவை தொகுதிகளில் 71.87% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ
  • BREAKING-NEWS தமிழகத்தில் 18 சட்டமன்ற தொகுதிகளில் 75.57% வாக்குகள் பதிவாகியுள்ளன - தமிழக தலைமை தேர்தல் அதிகாரி சத்யபிரதா சாஹூ

பத்திரிகையாளர்கள் மீதான அவதூறு: அதிமுக ஹரிபிரபாகரன் கட்சியிலிருந்து நீக்கம்

aiadmk-removes-hariprabhakar

பத்திரிகையாளர்கள் குறித்து அவதூறாக ட்விட்டரில் கருத்து  தெரிவித்ததால் அதிமுக தகவல் தொழில்நுட்ப பிரிவு இணைச்செயலாளர் ஹரி பிரபாகரன் நீக்கப்பட்டுள்ளார்.

அதிமுகவின் காஞ்சிபுரம் கிழக்கு மாவட்ட தகவல் தொழில்நுட்ப இணைச்செயலாளராக இருந்தவர் ஹரி பிரபாகரன். தூத்துக்குடியில் போராட்டத்தின் போது காவல்துறையினர் நடத்திய துப்பாக்கிச்சூட்டில் காயமடைந்து மருத்துவமனையில் சிகிச்சை பெற்று வருபவர்களை தமிழக துணை முதலமைச்சர் ஓ.பன்னீர்செல்வம் இன்று நேரில் சந்தித்து ஆறுதல் தெரிவித்தார். இந்நிலையில் பத்திரிகையாளர்கள் குறித்து அவதூறாக ஹரி பிரபாகரன் ட்விட்டரில் கருத்து பதிவிட்டிருந்தார். 

அவரது கருத்துக்கு கண்டனங்கள் எழுந்ததையடுத்து அதனை நீக்கிவிட்டார். மேலும் இதுதொடர்பாக மற்றொரு பதிவில் காலையில் நான் பதிவிட்ட கருத்து என்னுடைய சொந்த கருத்து என்றும் இதற்கு கட்சிக்கும் எந்த சம்பந்தமும் இல்லை. என்னுடைய கருத்தால் பலர் வேதனையடைந்ததாக நான் கேள்விபட்டேன். அதற்கு நான் மன்னிப்பு கேட்டுக்கொள்கிறேன் என பதிவிட்டார்.

இதற்கிடையில் அதிமுக வெளியிட்ட அறிவிப்பில், கழகத்தின் கொள்கை மற்றும்  கோட்பாடுகளுக்கு முரணாகவும் களங்கம் உண்டாக்கும் விதத்தில் செயல்பட்ட காரணத்தினால் காஞ்சிபுரம் கிழக்கு மாவட்ட தகவல் தொழில்நுட்பப் பிரிவு இணைச் செயலாளர்  ஹரி பிரபாகரன் அடிப்படை உறுப்பினர் பொறுப்பில் இருந்து நீக்கப்படுவதாக அறிவிப்பு வெளியானது. கட்சியினர் யாரும் அவருடன் எந்த தொடர்பும் வைத்துக்கொள்ளக்கூடாது எனத் தெரிவிக்கப்பட்டுள்ளது. அதிமுக ஒருங்கிணைப்பாளர் ஓ.பன்னீர்செல்வம், துணை ஒருங்கிணைப்பாளர் எடப்பாடி பழனிசாமி கூட்டாக இந்த அறிவிப்பை வெளியிட்டுள்ளனர்.

Advertisement:
இது தொடர்பான செய்திகள் :
Advertisement:
Advertisement:
[X] Close