[X] Close
JUST IN
  • BREAKING-NEWS நாட்டில் கடந்தாண்டு செப்டம்பரில் 3.14%ஆக இருந்த பணவீக்கம் இந்தாண்டு 5.13%ஆக அதிகரித்துள்ளது
  • BREAKING-NEWS சென்னையில் பெட்ரோல் லிட்டருக்கு ரூ.85.99 காசுகளாகவும், டீசல் லிட்டருக்கு ரூ.79.80 காசுகளாகவும் விலை நிர்ணயம்
  • BREAKING-NEWS வைரமுத்து மீது பாலியல் குற்றச்சாட்டை சொல்வதால் இதன் பின்னணியில் அரசியல் செல்வாக்கு இருக்கிறதா என எண்ணத் தோன்றுகிறது - சீமான்
  • BREAKING-NEWS மேற்கு இந்திய தீவுகள் அணிக்கு எதிரான டெஸ்ட் தொடரை 2-0 என்ற கணக்கில் வென்றது இந்தியா
  • BREAKING-NEWS என் மீது கூறப்பட்ட பாலியல் குற்றச்சாட்டுகள் அனைத்தும் பொய்யானவை, அடிப்படை ஆதாரமில்லாதவை - அமைச்சர் எம்.ஜே.அக்பர்
  • BREAKING-NEWS தென் இந்தியர்களை அவமானப்படுத்தியதற்காக நவ்ஜோத் சிங் சித்துவை அமைச்சர் பதவியில் இருந்து நீக்க வேண்டும் - மாநிலங்களவை எம்.பி. ஜி.வி.எல்.நரசிம்ம ராவ் ட்வீட்
  • BREAKING-NEWS பாலியல் குற்றச்சாட்டுக்கு ஆளான மத்திய அமைச்சர் எம்.ஜே.அக்பர் ராஜினாமா என தகவல்

சென்னையில் இடிந்து விழுந்த பால்கனி: பேத்தியை உயிரைக் கொடுத்து காப்பாற்றிய பாட்டி..!

grand-mother-save-her-grand-daughter-in-accident

பால்கனி இடிந்து விழுந்தபோது தன் உயிரை கொடுத்து பேத்தியை காப்பாற்றியுள்ளார் பாட்டி. சென்னையில் இந்த சோக நிகழ்வு அரங்கேறியுள்ளது.

சென்னை முகப்பேர் கி‌ழக்கைச் சேர்ந்தவர்கள் நடராஜன் - லட்சுமி தம்பதி. இருவரும் பூ வியாபாரம் செய்து வருகின்றனர். 2 மாடிகள் கொண்ட வீட்டின் முதல் தளத்தில் வாடகைக்கு வசித்து வருகின்றனர். வழக்கம்போல் லட்சுமியும் நடராஜனும் வீட்டின் பால்கனியில் உட்கார்ந்து வியாபாரத்துக்காக பூ கட்டிக்கொண்டு இருந்தனர். லட்சுமியின் மடியில் அவரது பேத்தி லக்ஷ‌னா அமர்ந்திருந்தார். அப்போது இரண்டாவது தளத்தின் பால்கனி திடீரென இடிந்து விழுந்தது. விபத்தில் இருந்து தனது பேத்தி லக்ஷனாவை காக்க அவரை இறுக்கி அணைத்துக்கொண்டு குனிந்தபடி தம் மீது இடிபாடுகளை வாங்கிக்கொண்டார் லட்சுமி.

சரிந்து விழுந்த இரண்டாவது தளத்தின் பாரத்தை தாங்க முடியாமல் முதல் தளத்தில் இருந்த பால்கனியும் இடிந்து விழுந்தது. அதில் அமர்ந்திருந்த நடராஜன், லட்சுமி மற்றும் அவரது மடியில் இருந்த குழந்தை லக்ஷனா மூவரும் கீழே விழுந்தனர். லட்சுமி தன் மீது இடிபாடு‌ளை தாங்கி கொண்டதால் அவரது பேத்தி லக்ஷனா சிறிய காயங்களுடன் தப்பினார். லட்சுமி மற்றும் நடராஜனுக்கு பலத்த காயம்‌ ஏற்ப‌ட்டது. இருவரும் சிகிச்சைக்காக கீழ்ப்பாக்கம் அரசு மருத்துவமனைக்கு கொண்டு செல்லப்பட்டனர். அவர்களை பரிசோதித்த மருத்துவர்‌கள் லட்சுமி உயிரிழந்து விட்டதாக கூறினர்.

பால்கனி இடிந்து விழுந்ததில் ‌சாலையில் இருசக்கர வாகனத்தில் சென்று கொண்டிருந்த மகேஷ் என்ற இளைஞரும் கா‌யமடைந்தார். பலத்த காயத்துடன் கீழ்ப்பாக்கம் மருத்துவமனையில் அனுமதிக்கப்பட்டுள்ள நடராஜன் தன்னை பார்க்க வருகிறவர்களிடம் லட்சுமி எப்படி இருக்கிறார் ‌என்று கேட்டபடி உள்ளார். மனைவி இறந்துவிட்டதை அவரிடம் உறவினர்கள் யாரும் சொல்லவில்லை. பூக்கட்டிக் கொண்டிருந்த தனது மனைவிக்கு மரணம் வரும் என்று ‌அவர் எதிர்பார்க்கவில்லை.

வீடியோ

Advertisement:
Advertisement:
Advertisement:
[X] Close